Luka 12:19 - Digo Bible

¹⁹ Nchimala kuhenda vivyo niambire roho yangu, una vitu vinji vya akiba vya kuhumira miaka na miaka. Sambi oya, urye, unwe na ustarehe.’

Luka 12:19 Iomraidhean Croise

Ayubu 14:1

Mwanadamu avyalwaye ni mchetu maishage sigo mare, tsona ga tele tabu.

Zaburi 49:18

Dzagbwe wakati anaishi nkudziharira kukala ana baha, na kulikpwa ni atu, wakati anaphoongokerwa.

Zaburi 62:10

Msiadamire kuonera atu, sihendeni ngulu na mali ya wiivi, napho utajiri ukaenjerezeka msiuadamire.

Misemo 10:2

Mali iphahikanayo na njira mbii taina baraka, ela haki inativya mutu na chifo.

Misemo 14:24

Utajiri nchiremba cha atu a achili, ela uzuzu wa ajinga nkuvyala uzuzu.

Misemo 18:11

Mutu tajiri nkurindwa ni malize, iye nkuona kukala malize ni ukuta mure wa usalama.

Misemo 23:5

Dze, undavitongʼorera matso vitu visivyodumu? Mana, bila shaka mali nkumera mapha, ikauruka mlunguni dza nyama wa mapha.

Misemo 27:1

Usidzikarye na siku ya muhondo mana kumanya siku ya rero kundagbwani.

Muhubiri 11:9

We barobaro hamirwa ni ubarobaroo na moyoo ukuphe raha siku za ubarobaroo. Lunga moyoo umendzavyo na chinacholondwa ni matsogo. Ela umanye kukala Mlungu andakuamula kulengana na vira urivyoishi.

Muhubiri 2:24

Takuna dzambo nono zaidi kpwa mwanadamu kuriko kurya, kunwa na kudziburudisha na mapato ga kaziye. Gaga nago námanya gala mikononi mwa Mlungu.

Isaya 22:13

Ela lola! Atu akahererwa na kuhamirwa, anatsindza ngʼombe na mangʼondzi na kurya nyama na kunwa uchi! Enye munaamba, “Nahurye na hunwe mana muhondo hundafwa.”

Isaya 5:11

Shaka hiro aho araukirao kpwendanwa uchi, na kukala kuko hadi usiku wa manane, hadi uchi ualevye tsetsetse.

Isaya 5:8

Shaka hiro kpwa hinyo agulao nyumba bada ya nyumba, na munda bada ya munda hadi ikale taphana tsona nafwasi na ibidi asagale machiyao kahi za tsi.

Isaya 56:12

Aho nkuamba, “Ndzoni, hunwe uchi wa zabibu, hata hulewe, na muhondo indakala dza vi rero au hata zaidi.”

Hosea 12:8

Atu a Efuraimu anadzikarya kpwa kuamba, “Mimi ni tajiri, na utajiri uhu nauendza mwenye. Kahi ya shuuli zangu zosi zophahira utajiri taphana awezaye kuamba nina kosa, wala awezaye kuniamba nina dambi.”

Amosi 6:13

mwimwi munaohererwa kpwa kushindwa kpwa mudzi wa Lo-Debari, mwimwi mdzikaryao kpwa kuamba, “Nyo mudzi wa Karinaimu tahuyauteka kpwa mkpwotse wehu enye?”

Habakuki 1:16

Kpwa hivyo aho nkulavira sadaka na kufukizira uvumba vimiya vyao, kpwa kukala anaamba hivyo ndivyo vichivyoahenda matajiri na kukala na vitu vinji vinono.

Luka 12:18

Ndahenda hivi: Nindabomola vitsaga vyangu vyosi na nidzenge vyanjina vikulu zaidi, alafu mavuno gangu gosi nigatiye himo na vitu vyangu vyanjina.

Luka 16:19

Alafu Jesu waamba, “Kpwakala na mutu mmwenga tajiri, ambaye kala achivwala nguwo nono za gali sana, na kuishi maisha manono chila siku.

Luka 21:34

“Dzimanyirireni sedze mkavwererwa ni kurya kunji, kulewa, na shuuli za maisha, ama siku ya mwisho indakpwedzakugbwirani gafula

1 Akorintho 15:32

Ichikala mino náheha na atu asiru hiko Efeso kpwa sababu za chibinadamu tu, munaona náphaha fwaida yani? Siyaphaha rorosi! Kpwa hivyo ichikala atu a kufwa taafufuka, “Nahurye na hunwe mana muhondo hundafwa.”

Afilipi 3:19

Analongozwa ni tamaa mbii za miri yao, na kudzikarya na mambo ga waibu ahendago. Kazi yao ni kuaza mambo ga himu duniani bahi. Mwisho wao ni mohoni.

1 Timothi 5:6

Ela gungu ambaye andaishi maisha ga kudzimanya ye mwenye bahi, ni kama avi wafwa hata dzagbwe achere mzima.

1 Timothi 6:17

Alagize matajiri himu duniani asihende ngulu wala kuadamira mali ambazo zinaweza kuangamika wakati wowosi. Aambire amuadamire Mlungu, ambaye nkuhujaliya na chila chitu ili husagale na raha.

2 Timothi 3:4

Piya andakala asalatadzi, asiojali chitu, atu a kudzinyobola na kumendza raha za dunia kuriko kumendza Mlungu.

Jakobo 5:5

Mwasagala duniani maisha ga raha na anasa. Mu dza nyama ambao anona na a tayari kpwa siku ya kutsindzwa.

1 Petero 4:3

Hipho kare mwalunga tamaa zenu mbii za kumendza achetu ama alume anji na za kunwa kutsapa chiasi. Tsona mwamendza sharee za kunwa uchi na kufwiha chimalaya, na kuvoya mizuka, dzambo rinaromtsukiza Mlungu zaidi. Mmanye kukala mwalunga vya kutosha masagazi ga atu asiommanya Mlungu, wala taina haja muenderere tsona kuhenda hivyo.

Maono 18:7

Iye mutiyeni adabu na mumgayise chiasi chicho arichohumira kudzipha nguma na utajiri. Kpwani iye anadziamba chimoyo-moyo, ‘Nisegere kutawala dza malikia, wala simi gungu, sindarira tse mana sindafwererwa.’

1 Samueli 30:16

Phahi ye barobaro wamlongoza Daudi kutserera hadi pho phariphokala ro Jeshi. Ariphofika, aona ro jeshi ra Aamaleki rikamwagikana chila phatu, anarya na kunwa na kuhenda karamu, kpwa sababu ya hizo zewe nyinji arizokala akahala kula tsi ya Afilisti na ya Juda.