Kutsama 9:19 - Digo Bible

¹⁹ “ ‘Sambi lagiza ili mifugoyo iriyo kondze na chochosi chiricho kondze weruni chirehwe na kutiywa phatu pharipho salama. Mana mutu yeyesi au nyama yeyesi ambaye kandarehwa mudzini, andasala ko weruni, andapigbwa ni yo mvula kulu ya mawe hata afwe.’ ”

Kutsama 9:19 Iomraidhean Croise

Zaburi 78:48

Ngʼombe zao waziolaga na mvula ya mawe, na achihenda mifugo yao ipigbwe ni limeme ra chiguruguru.

Kutsama 9:25

Iyo mvula ya mawe yavundza-vundza chila chitu chokala kpwereru kahi ya tsi yosi ya Misiri, si atu si nyama. Chisha ichivundza-vundza mimea yosi ya mindani na chila muhi.

Kutsama 9:6

Kuriphocha, Mwenyezi Mlungu wahenda vyokala akagomba. Mifugo yosi ya Amisiri yafwa, ela takuna hata nyama mmwenga wa Aiziraeli ariyefwa.

Ezekieli 33:5

Kpwa kukala wasikira ro gunda ela achipuza, shauriye, mana kala waphundza angetiya.

Habakuki 3:2

Mwenyezi Mlungu nkasikira ngumayo, nami naogopha mahendogo. Gahende luphya uhu wakati wehu na gamanyikane siku zehu, usiyale kuhuonera mbazi hata ichikala ukahutsukirirwa.