Kutsama 24:11 - Digo Bible

¹¹ Vilongozi hinya a Iziraeli amuona Mlungu ela waaricha moyo bila kuahenda chitu chochosi chii. Chisha hara vilongozi arya na kunwa phamwenga phapho mbere za Mlungu.

Kutsama 24:11 Iomraidhean Croise

Mwandzo 16:13

Hagari wamupha dzina hiri ye Mwenyezi Mlungu yegomba naye, “Uwe u Mlungu unionaye,” kpwa sababu waamba, “Hata phapha napho nikamuona Mlungu anionaye.”

Mwandzo 18:18

mana Burahimu andakala taifa kulu ra atu enye nguvu. Mataifa gosi duniani gandajaliwa kutsupira iye.

Mwandzo 31:54

na Jakobo achilavya sadaka ko myangoni. Chisha achiiha nduguze achedzarya chakurya. Arya na achikala kuko myangoni usiku wosi.

1 Afalume 21:8

Phahi, Jezebeli waandika baruwa kpwa dzina ra Ahabu na kuzipiga muhuri wa mfalume. Waphirika baruwa hizo kpwa atumia na atu enye ishima ariokala kpwenye mudziwe, ariosagala phamwenga na Nabothi.

2 Nyakati 23:20

Chisha akulu a vikosi vya anajeshi gana-gana, akulu, vilongozi a majimbo na atu osi a yo tsi achitserera na ye mfalume kula kpwenye nyumba ya Mwenyezi Mlungu. Aho achitsupira ryango riihwaro ryango ra dzulu hadi achiinjira nyumbani kpwa mfalume. Nao achimsagika ye mfalume dzulu ya chihi cha endzi cha chifalume.

Nehemia 2:16

Nyo maofisaa taamanyire kura nrikokala nkaphiya wala nrichokala nchahenda mana kala sidzangbweambira hata nyo Ayahudi ayangu, yani alavyadzi-sadaka, vilongozi, maofisaa na nyo atu anjina ambao kala andahenda yo kazi.

Zaburi 139:5

Unanizangira pande zosi, mbere na nyuma, nawe unanirinda na mkpwonoo wenye uwezo.

Kutsama 18:12

Chisha Jethiro, mtsedza wa Musa wamlavira Mlungu sadaka ya kuochwa na sadaka zanjina. Aruni na atumia a Iziraeli akpwedzarya mikahe phamwenga naye mbere za Mlungu.

Kutsama 19:21

Musa ariphofika kuko, Mwenyezi Mlungu achimuamba, “Tserera ko tsini ukaambire nyo atu asitsupe mphaka ili kpwedzanilola mimi Mwenyezi Mlungu, mana achihenda vivyo anji aho andafwa.

Kutsama 24:1

Mwenyezi Mlungu achimuamba Musa, “Ndzoni hiku kpwangu, uwe phamwenga na Aruni, Nadabu, na Abihu, na atumia mirongo sabaa kahi za atumia a Iziraeli. Mchedza mundaima kure nami muniabudu.

Muhubiri 9:7

Vivi enderera kurya chakuryacho kpwa raha, chisha unwe uchio kpwa kuhererwa, mana gaga ganamuhamira Mlungu.

Jeremia 14:3

Akulue anahuma atumishi akaheke madzi, achifika ko mabirikani anakosa madzi anauya na nyungu zao tuphu; akagbwirwa ni haya na kuangalala.

Danieli 10:17

Nawezadze kugomba nawe, bwana wangu? Nguvu zikanisirira nami siweza kuphuma vinono.”

Isabu 12:8

Nkugomba naye uso kpwa uso, chingʼangʼa wala si kpwa mafumbo, iye nkuona umbo ra Mwenyezi Mlungu. Mbona phahi tamyaogopha kugomba mai kuhusu mtumishi wangu Musa?”

Isabu 21:18

Chisima chirichotsimbwa ni akulu, chirichotsimbwa ni vilongozi a nyo atu, kuhumira ndata zao.” Na achiuka kula kahi ya jangbwa hiro achiphiya Matana,

Kumbukumbu 12:7

Mundarya mbere za Mwenyezi Mlungu, Mlungu wenu kuko na muhererwe phamwenga na atu a nyumba zenu kpwa sababu ya gosi mchigohenda na mikono yenu ambago Mwenyezi Mlungu, Mlungu wenu akagajaliya.

Kumbukumbu 4:33

Dze, kuna atu osikira sauti ya Mlungu ichigomba kula kahi-kahi ya moho, dza mwimwi murivyosikira na achisala moyo?

Aamuli 13:22

Ariphoona hivyo Manoa wamuamba mchewe, “Kpwa kpweli hundafwa, mana hukamuona Mlungu.”

Aamuli 5:13

Masujaa ariosala atserera, atu a Mwenyezi Mlungu aphiya achendapigana na enye mkpwotse.