Kutsama 15:7 - Digo Bible

⁷ Kpwa ukuluo wa nguma ukuangamiza akupingao, uwe uchitsukirwa u dza moho uochao, na ni kuocha maaduigo dza nyasi mbifu.

Kutsama 15:7 Iomraidhean Croise

Ayubu 9:4

Iye ana ikima na ni mwenye nguvu ni ani ariyepigana naye na achishinda?

Zaburi 148:13

Naatogole dzina ra Mwenyezi Mlungu, mana dzinare bahi ndiro renye sifwa kulu, ukuluwe ukatsupa dunia na mlunguni.

Zaburi 59:13

Aangamize katika tsukizizo, aangamize hadi asire tsetsetse ili atu amanye kukala Mlungu anatawala chivyazi cha Jakobo hadi pembe zosi za dunia.

Zaburi 68:33

Muimbireni iye atsupaye mlunguni, Mlungu wa kare na kare, analavya sautiye, sautiye ya nguvu.

Zaburi 83:13

Ee Mlungu wangu, ahende dza vumbi chirounulwa ni chikulukulu, dza wiswa wakati wa phepho.

Kutsama 14:27

Phahi Musa wagolosa mkpwonowe dzulu ya bahari, na kuriphocha bahari yauyirana dza hipho mwandzo. Amisiri ajeza kutuluka mo madzini kpwa achimbire, ela Mwenyezi Mlungu achiasukuma, achiauyiza pho kahi-kahi ya bahari.

Kutsama 5:12

Phahi atu osi atsamukana chila phatu Misiri kuendza nyasi mbifu.

Kutsama 9:16

Ela nkakuricha moyo makusudi nkuonyese uwezo wangu, na dzina rangu ritangazwe dunia ndzima.

Isaya 37:17

Hega sikiro uwe Mwenyezi Mlungu usikire, vugula matsogo uwe Mwenyezi Mlungu uone. Sikiza maneno gosi ga Senakeribu, achigolagiza ili kumnyetera Mlungu ariye moyo.

Isaya 37:23

Ukamnyetera na kumlaphiza ani? Ukamdemurira ani? Ni ani uchiyemlola na matso ga chibero? Ni iye Mtakatifu wa Iziraeli!

Isaya 37:29

Kpwa vira ukanitsukirirwa na nkasikira kudzikaryako, ndatiya chiloo changu mwako pulani na nkutiye lijamu mwako kanwani. Ndakuuyiza na yo njira uriyokpwedzera.’ ”

Isaya 37:36

Phahi, malaika wa Mwenyezi Mlungu wamenya ndani ya kambi ya Aashuru usiku uho na kuolaga atu elufu gana mwenga na mirongo minane na tsano. Ligundzure, wakati atu aripholamuka, aona kambi ikagota nyufu za hinyo achioolagbwa.

Isaya 37:38

Siku mwenga wakati Senakeribu ariphokala anaabudu ndani ya nyumba ya Nisiroki mlunguwe, anae airi, Adirameleki na Sharezeri amuolaga kpwa upanga, halafu achimbira achiphiya tsi ya Ararati. Halafu mwanawe Esarihadoni achitawala badalaye.

Isaya 47:14

Lola, andakala dza mibuwa ichiyouma, nao andaochwa ni moho, taandaweza kudziokola na ruche ra moho, mana uho taundakala moho wa kuoha.

Isaya 5:16

Ela Mwenyezi Mlungu, Mlungu wa majeshi andatogolwa kpwa uamuliwe wa haki na Mlungu mtakatifu andaonyesa utakatifuwe kpwa hakiye.

Isaya 5:24

Kpwa hivyo dza viratu moho uochavyo mibuwa mifu na nyasi zouma ziphyavyo na moho, mizi yao indaola na maruwa gao gandaphepheruswa dza vumbi. Mana akarema shariya ya Mwenyezi Mlungu, Mlungu wa majeshi na kubera neno ra Mtakatifu wa Iziraeli.

Jeremia 10:6

Taphana wanjina dza uwe Mwenyezi Mlungu, uwe u mkpwulu na dzinaro rina uwezo usiowezekana.

Mika 4:11

Vivi mataifa ganjina manji gakakusanyika chinyume na uwe. Ganaamba, “Mriche atiywe najisi, matso gehu nagafwaidi kuona Sayuni ichibanangbwa!”

Zakariya 14:3

Chisha Mwenyezi Mlungu andatuluka akapigane na atu a tsi zanjina zizo dza ahendavyo wakati wa viha.

Zakariya 14:8

Tsona siku iyo, madzi manono gandajera kula Jerusalemu. Nusu ya madzi higo gandajera kuphiya bahari ya mlairo wa dzuwa na nusu yanjina gajere kuphiya bahari ya mtswerero wa dzuwa. Madzi higo gandaenderera kujera ikale ni wakati wa kazikazi au wakati wa mwaka.

Zakariya 2:8

Mana Mwenyezi Mlungu, Mlungu wa majeshi anaamba kukala iye wanihuma kpwa go mataifa ganjina garigohala zewe vitu vyenu, ili aphahe nguma. Mana iye anaamba, “Yeyesi anayekugutani mwimwi, anaguta tembe ya dzitso rangu.

Malaki 4:1

Mwenyezi Mlungu, Mlungu wa majeshi anaamba, “Lola, siku iredza nayo indaaka dza moho mkali. Siku iyo atu asiojali na ayi osi andaochwa dza mibuwa mifu. Andaphya tsetsetse dza mihi iphyavyo na moho mkali isisale hata muzi wala panda.

Mathayo 3:12

Iye ana lungore mkpwononi, naye andapheha nganu na aitiye chitsagani. Ela maphephe andagatsupha mohoni, moho usiofwa.”

Mahendo 9:4

achigbwa photsi na achisikira sauti inamuamba, “Sauli, Sauli mbona unanigayisa?”

Kumbukumbu 33:26

Musa achimarigiza kpwa kuamba, “Ee Iziraeli, taphana ariye dza Mlunguo, hiye atsupaye mlunguni kpwedza kukuterya, atsupaye na nguvu katika anga.

Kumbukumbu 4:24

mana Mwenyezi Mlungu, Mlungu wenu, ni dza moho uochao tsetsetse. Iye ni Mlungu mwenye wivu.

Aeburania 12:29

Mana Mlungu wehu ni dza moho uochao tsetsetse!