Kutsama 11:5 - Digo Bible

⁵ Na ana avyere a chilume a Misiri andafwa, hangu mwana mvyere wa chilume wa mfalume atawalaye, hadi mwana mvyere wa chilume wa mtumwa wa chichetu, ambaye kaziye ni kusaga mtsere, phamwenga na nyo ana avyere osi a mifugo.

Kutsama 11:5 Iomraidhean Croise

Zaburi 105:36

Halafu waolaga ana a mwandzo osi a tsi yao, matunda ga kpwandza ga nguvu zao.

Zaburi 135:8

Iye ndiye ariyeolaga ana a mwandzo a chilume a Misiri, a binadamu na a nyama.

Zaburi 136:10

Kpwa iye ariyeolaga ana a mwandzo a Amisiri, mana mendzwaye isiyosika inadumu hata kare na kare.

Zaburi 78:51

Waolaga ana a kpwandza a chilume a Amisiri yani matunda ga kpwandza kahi za mahema ga Hamu.

Kutsama 12:12

“Usiku hinyo-hinyo nindazunguluka tsi yosi ya Misiri, niolage ana avyere osi a chilume a anadamu na a nyama. Nindaitiya adabu milungu yosi ya Misiri, mana mimi, ndimi Mwenyezi Mlungu.

Kutsama 12:29

Phofika usiku wa manane Mwenyezi Mlungu waolaga ana avyere a chilume osi a Amisiri. Waolaga mwana mvyere wa Farao, ambaye kala achitawala, hadi mwana wa mateka yekala jela. Hata ana avyere a mifugo piya afwa.

Kutsama 13:15

Farao ariphorema kuhurichira huuke kpwa moyo mufu, Mwenyezi Mlungu waolaga chila mwana wa kpwandza mlume wa mwanadamu, na wa nyama kahi ya tsi ya Misiri. Ndiyo mana hunamlavira Mwenyezi Mlungu ana a kpwandza osi a chilume a nyama na kukombola ana ehu a kpwandza.’

Kutsama 4:23

Nákuambira umriche mwanangu auke ili akaniabudu. Ela uchirema kumrichira mwanangu aphiye vyakpwe, phahi nindaolaga mwanao mvyere wa chilume.’ ”

Isaya 47:2

Hala lala usage unga, vula tadziyo, sega rindaro na uvule johoro, na uvuke myuho.

Sonono za Jeremia 5:13

Barobaro anashurutishwa kusaga na lala avulana anadedeleka kpwa mahiha maziho ga kuni.

Mathayo 24:41

Achetu airi andakala anasaga, mmwenga andahalwa na wanjina arichwe.

Aeburania 11:28

Kpwa kukuluphira, waika sharee ya Pasaka, na achilagiza Aiziraeli apake milatso mimo ya miryango yao, ili hiye malaika wa kubananga asiolage ana aho a kpwandza.

Aamuli 16:21

Kpwa hivyo Afilisti amgbwira achimsokola matso. Achimphirika Gaza ambako akpwendamfunga pingu za shaba, chisha achihendwa msagadzi wa mtsere mumo jela.