Kumbukumbu 6:7 - Digo Bible

⁷ na hendani chadi cha kufundza ana enu maneno higa na mgabishe msagalapho mwenu madzumbani, munyendekapho, mulalapho na mulamukapho.

Kumbukumbu 6:7 Iomraidhean Croise

Mwandzo 18:19

Námtsambula ili aambire anae na vivyazivye bada ya iye alunge njira ya Mwenyezi Mlungu kpwa kuhenda ga haki na garigo ga sawa mbere zangu. Achihenda vivyo, mimi Mwenyezi Mlungu nindamuhendera Burahimu gosi ambago námlaga.”

Ayubu 8:10

Ikale taandakufundza na kukuambira? Ikale taandagomba garigo mwao mioyoni?

Zaburi 119:13

Kpwa raka ra dzulu ninasemurira malagizogo gatulukago mwako kanwani.

Zaburi 119:46

Nindagomba kuhusu malagizogo mbere ya afalume, nami sindaona waibu.

Zaburi 129:8

Hinyo anaotsupa na njira taandaamba, “Baraka za Mwenyezi Mlungu nazikale phamwenga nawe! Hunakubariki kpwa dzina ra Mwenyezi Mlungu!”

Zaburi 37:30

Kanwa ya mutu wa haki igomba ikima na lilimire rigomba uamuli wa haki.

Zaburi 71:17

Ee Mlungu, ukanifundza hangu wanache wangu, na nchere semurira mahendogo ga ajabu.

Misemo 10:21

Maneno ga enye haki ganafwaidi atu anji, ela azuzu aolagbwa ni kukosa achili.

Misemo 15:2

Mromo wa mutu wa achili nkugoteza marifwa, ela miromo ya azuzu nkueneza ujinga.

Misemo 15:7

Mromo wa mutu wa achili nkueneza marifwa, ela mzuzu kaweza.

Misemo 6:22

Gandakulongoza kpwenye njirazo, gandakurinda ulalapho, gandakushauri ulamukapho.

Isaya 38:19

Ario moyo ndio awezao kukutogola, dza nkutogolavyo rero; Ano baba nkumanyisa ana aho uaminifuo.

Malaki 3:16

Halafu hara ambao kala anamuogopha Mwenyezi Mlungu abisha naye achiasikira. Madzina ga hinyo ariomuogopha Mwenyezi Mlungu na kuishimu dzinare, gachiandikpwa mbereze kpwenye chitabu cha kumbukumbu.

Mathayo 12:35

Mutu mnono nkutuluza manono kula kpwa akibaye nono na mutu mui nkutuluza mai kula kpwa akibaye mbii.

Luka 6:45

Mutu mnono nkutuluza manono kula kpwa akibaye nono iriyo mwakpwe moyoni. Naye mutu mui nkutuluza mai kula kpwa akibaye mbii. Kpwa mana mutu nkugomba gachigoodzala mwakpwe moyoni.”

Aefeso 4:29

Msigombe maneno gogosi ga kulaphiza, ela gombani maneno ga kuterya ayawenu kulengana na maitaji gao, ili aphundzao aphahe fwaida.

Aefeso 6:4

Ano baba namwi, msihendere ana enu chibako, ela arereni na adabu nono na kuafundza mambo ga Bwana Jesu.

Kumbukumbu 11:19

Fundzani ana enu maneno higa na mgabishe msagalapho mwenu madzumbani, munyendekapho, mulalapho na mulamukapho.

Kumbukumbu 6:2

Mnalondwa mumuogophe Mwenyezi Mlungu, Mlungu wenu siku zosi za maisha genu na kugbwira shariya na amuri zosi ninazokuphani mwimwi na chivyazi chenu ili mkale na maisha mare.

Akolosai 4:6

Phahi wakati wosi bishani nao chituwo. Maneno genu nagakale manono, ili afwahirwe na azidi kugaphundza. Ndipho mundamanya kumjibu vinono chila mutu.

1 Petero 3:15

ela manyani kukala Jesu ndiye mkpwulu wa maisha genu na mumuogophe moyo kutsuka. Kalani tayari wakati wosi kumuelezea yeyesi ndiyeuza sababu ya kuluphiro renu.

Ruthi 2:12

Phahi Mwenyezi Mlungu naakuriphe manono kpwa higo urigohenda. Mwenyezi Mlungu, Mlungu wa Iziraeli ambaye ukedza kpwakpwe kpwa urindzi, naakuphe zawadi kulu kpwa higo urigohenda.”

Ruthi 2:4

Wakati anatsembwesa, Boazi naye hiyu chaa, anatsoloka kula Bethilehemu. Ariphofika achialamusa hinyo ahendie a kazi achiamba, “Mwenyezi Mlungu naakale phamwenga namwi,” Nao achiamba, “Mwenyezi Mlungu naakujaliye.”

Ruthi 4:11

Hinyo atumia na atu anjina osi ariokala hipho achiamba, “Oho, hu mashaidi. Mwenyezi Mlungu naamjaliye mwana mchetu hiyu unayemhala akale dza Raheli na Lea ariomvyarira Jakobo ana anji. Hunakuvoyera uwe Boazi ukale tajiri kpwenye mbari ya Efuratha, na mwenye nguma himu Bethilehemu.