Kumbukumbu 32:9 - Digo Bible

⁹ ela Mwenyezi Mlungu wadziikira atu a Iziraeli akale akpwe, Jakobo ndiye mtalo wa urisi achiodziikira.

Kumbukumbu 32:9 Iomraidhean Croise

2 Samueli 14:16

Kpwa kukala mfalume andasikira aniokole kula mkpwononi mwa yuya mutu alondaye kunibananga mimi na mwanangu ili ahuuse kpwenye yo tsi ambayo Mlungu wahupha huimiliki.’

2 Samueli 20:19

Swiswi hu atu aaminifu katika Iziraeli na hunamendza amani. Sambi uwe ukakusudiya kuubananga mudzi muhimu hipha Iziraeli. Mbona unalonda kuangamiza seemu ambayo ni mali ya Mwenyezi Mlungu?”

1 Afalume 8:51

mana ni atuo na ni urisio, atu ambao waatuluza Misiri kula kpwa mateso makali dza moho wa tanuru ya chuma.

1 Afalume 8:53

Kpwa kukala, uwe Mwenyezi Mlungu, Mlungu wehu, waatenga na atu a mataifa ganjina katika dunia, ili akale urisio, kama urivyogomba kutsupira Musa, mtumishio, wakati uriphoatuluza baba zehu kula tsi ya Misiri.”

Zaburi 106:40

Tsukizi za Mwenyezi Mlungu zichiakira atue, achiatsukirirwa sana nyo ariokala urisiwe,

Zaburi 106:5

ili nami nione kuongokerwa kpwa atuo urioatsambula, ili nidzikarye phamwenga na taifaro na kuungana na atuo kukutogola.

Zaburi 135:4

Mana Mwenyezi Mlungu akadzitsamburira atu a chivyazi cha Jakobo, Aiziraeli akale atue anaoasamini.

Zaburi 28:9

Ativye atuo, ajaliye urisio kala mrisa wao, uarorome hata kare na kare.

Zaburi 33:12

Baha taifa ambaro Mlunguwe ni Mwenyezi Mlungu, atu ambao Mlungu akaatsambula ili akale urisiwe.

Zaburi 74:2

Tambukira kundi ra atuo ambaro unaro hangu kare, ambaro warikombola rikale mbari ndiyo kurisi tambukira mwango wa Sayuni phatu uriphosagala.

Zaburi 78:71

kula arikorisa mangʼondzi na vidzana ngʼondzi achimreha edze akale mrisa wa chivyazi cha Jakobo, Aiziraeli, atu a Mlungu.

Kutsama 15:16

Ao akagbwirwa ni wuoga na wasiwasi. Kpwa sababu ya ukulu wa nguvuzo anyemere zii dza dziwe, hadi atuo urioakombola atsupe, ee Mwenyezi Mlungu.

Kutsama 34:9

Achiamba, “Mwenyezi Mlungu, ichikala ninakuhamira, phahi nakuvoya uphiye phamwenga naswi. Ninamanya kala atu hinya ni visoto na taasikira, ela huswamehe uyi wehu na dambi zehu! Hukubali hukale atuo.”

Isaya 19:25

Mwenyezi Mlungu, Mlungu wa majeshi andaitangazira baraka dunia kpwa kuamba, “Naajaliwe Amisiri atu angu, Aashuru ni kazi ya mikono yangu na Aiziraeli ni urisi wangu.”

Isaya 34:17

Mwenyezi Mlungu ndiye chiyeapha tsi ya Edomu, akaaganyira mwenye tsi hiyo. Edomu indakala mali yao hata kare na kare nao andasagala himo chivyazi bada ya chivyazi.

Isaya 43:21

atu nriodziumbira, ili anitogole.”

Jeremia 10:16

Iye ariye mtalo wa Jakobo si dza vyo vizuka, mana ndiye ariyeumba vitu vyosi, chisha mbari za Iziraeli ni urisiwe Mwenyezi Mlungu, Mlungu wa Majeshi ndiro dzinare.

Jeremia 2:7

Mimi nákurehani kahi za tsi nono murye matundage na vituvye vinono-vinono, ela mriphoyiinjira mwatiya tsi yangu najisi na kuuhenda urisi wangu ukale utu wa kutsukiza.

Jeremia 51:19

Iye ariye mtalo wa Jakobo si dza vyo vizuka, mana ndiye ariyeumba vitu vyosi, chisha mbari za Iziraeli ni urisiwe, Mwenyezi Mlungu, Mlungu wa Majeshi ndiro dzinare.

Mika 2:5

Kpwa hivyo takundakala na mutu ndiyekupima na kukuganyani minda, kpwa kupiga kura, kahi ya kusanyiko ra atu a Mwenyezi Mlungu.

Zakariya 2:12

Mwenyezi Mlungu andaihala Juda ikale mtalowe kahi ya tsi takatifu na kuitsambula tsona Jerusalemu.

Aefeso 1:18

Piya navoya mngʼazwe matso, ili mmanyeto chira mgodzeracho na ambacho wakuihirani. Chitu hichi ni ura urisi wa nguma ariolaga atakatifue.

Kumbukumbu 9:29

Mana, hinya ni atuo na urisio, atu ambao waakombola kpwa uwezoo, atu urioatuluza we mwenye Misiri.’ ”

Joshuwa 24:17

Mana Mwenyezi Mlungu, Mlungu wehu ndiye ariyehutuluza swiswi phamwenga na akare ehu kula tsi ya Misiri, hurikokala atumwa, naswi huchiona ishara za ajabu arizohenda. Achihurinda na vyaro vyehu vyosi na kahi za atu osi ambao hwatsupa kahi-kahi yao.

1 Samueli 10:1

Ndipho Samueli achihala chitupa cha mafuha, achigamwaga chitswani pha Sauli, achimdonera achimuamba, “Mwenyezi Mlungu akakutiya mafuha [ukale mtawala wa atue Iziraeli. Uwe undaatawala atu a Mwenyezi Mlungu na kuaokola kula kpwa aviha ao. Na hino ndiyo ndokala dalili kpwako ya kpwamba Mwenyezi Mlungu akakutiya mafuha] ukale mtawala wa atue.