Kumbukumbu 32:8 - Digo Bible

⁸ Mlungu Ariye Dzulu Kuriko Vyosi phoganyira mataifa urisi wao, phoganya anadamu osi, chila taifa wariikira miphakaye, kulengana na isabu ya ana a Iziraeli,

Kumbukumbu 32:8 Iomraidhean Croise

Mwandzo 10:15

Ana alume a Kanani kala ni Sidoni, mwanawe wa kpwandza na Hethi, ambao akala akarengbwa a makabila garigoihwa na madzina gao.

Mwandzo 10:25

Eberi wavyala ana airi alume, wa kpwandza achimuiha Pelegi kpwa sababu endzize atu kala akaganyana, na wa phiri kala aihwa Jokitani.

Mwandzo 10:5

Hinyo ndio akarengbwa a atu ariomwagikana seemu za pwani. Huno ni uvyazi wa Jafeti ariokala chila atu na tsi yao na makabila gao na mbari zao.

1 Nyakati 16:18

achiamba, “Ndakupha tsi ya Kanani ikale seemu ya urisi wenu.”

Ayubu 15:19

O akare machiyao ndio ariohewa yo tsi, na takuna mjeni ariyetsapa kahi-kahi yao).

Zaburi 115:16

Ko mlunguni ni kpwa Mwenyezi Mlungu, ela dunia waipha anadamu.

Zaburi 50:14

Mlavire Mlungu sadaka ya shukurani, na uuse hatizo kpwa Mlungu Ariye Dzulu Kuriko Vyosi,

Zaburi 7:17

Nindamshukuru Mwenyezi Mlungu kpwa sababu ni wa haki. Nindamuimbira Mwenyezi Mlungu Ariye Dzulu Kuriko Vyosi, mawira ga mkutogola.

Zaburi 74:17

Ukaika miphaka yosi ya dunia, ukapanga wakati wa kazikazi na wakati wa mnyevu.

Zaburi 82:6

Náamba, “Mwimwi mu milungu, mosi mu ana a Iye Ariye Dzulu Kuriko Vyosi.

Zaburi 91:1

Mutu akalaye kahi ya makalo ga Ariye Dzulu Kuriko Vyosi, andaoya kpwenye urindzi wa iye Mwenye Nguvu Zosi,

Zaburi 92:8

Ela uwe, ee Mwenyezi Mlungu unatukuzwa hata kare na kare.

Isaya 14:14

Nindapanda dzulu kutsupa maingu, nikale dza iye Ariye Dzulu Kuriko Vyosi.’

Danieli 4:17

Hukumu ihi ikedza kutsupira lagizo ra arindzi, amuri ikatangazwa ni nyo atakatifu, ili aho ario moyo amanye kukala iye Ariye Dzulu Zaidi ni mfalume wa falume zosi za anadamu na nkumupha ufalume iye amlondaye, chisha nkumuhenda mfalume hata ye mutu wa tsini kabisa.’

Danieli 5:18

Ee mfalume, Mlungu mkpwulu wamupha sowe Nebukadineza ufalume, ukulu, nguma na utukufu.

Mika 2:5

Kpwa hivyo takundakala na mutu ndiyekupima na kukuganyani minda, kpwa kupiga kura, kahi ya kusanyiko ra atu a Mwenyezi Mlungu.

Isabu 23:9

Kula kpwenye virere vya myamba ninaona atu, ninaaona kula vidzangoni. Ninaona atu asagalao machiyao, anaodziona kukala atafwauti na mataifa ganjina.

Isabu 24:16

ujumbe wa mutu asikiraye maneno ga Mlungu, na ambaye ana marifwa ga Mlungu Ariye Dzulu Kuriko Vyosi, aonaye ruwiya za iye Mwenye Nguvu Zosi, adzibwagaye chimabumabu, ela matsoge ga wazi.

Mahendo 17:26

Mlungu waumba chila taifa duniani kula kpwa mkare mmwenga, na achiahenda agote chila phatu dunia ndzima. Wapanga chimbere chila kabila ndiphosagala na mudawe.

Mahendo 7:48

“Ela Mwenyezi Mlungu kaishi nyumba zidzengbwazo ni atu; kama arivyogomba nabii Isaya:

Kumbukumbu 33:28

Kpwa hiyo, atu a Iziraeli achisagala salama, chivyazi cha Jakobo machiyao, kpwenye tsi yoodzala mtsere na uchi wa zabibu, tsi ambayo inaphaha manena kula mlunguni.