Kumbukumbu 32:10 - Digo Bible

¹⁰ Mwenyezi Mlungu wakuonani kpwenye tsi ya jangbwa mwi Aiziraeli, jangbwa huphu renye miriro ya nyama a tsakani. Wakuzungulusirani mikonoye na kukutundzani. Wakuchingani na kukuroromani dza tembe ya dzitsore.

Kumbukumbu 32:10 Iomraidhean Croise

Esta 6:13

Ariphofika kaya, Hamani wamsemurira mchewe na asenae gosi garigokala gakamphaha. Atu a Hamani enye achili na Zereshi achimuamba, “Ichikala ye Modekai ambaye ukaandza kare kugbwa mbereze ni Myahudi, phahi kundamturya bii mana kugbwa undagbwa.”

Zaburi 107:40

waabera nyo akulu arioatesa achiazungulusa kahi ya jangbwa kusiko njira.

Zaburi 17:8

Nirinda dza vira urindavyo tembe ya dzitsoro nifwitsa mwako maphani

Misemo 7:2

Lunga shariya zangu nawe undaishi, rinda mafundzo gangu dza tembe ya dzitsoro.

Wira wa Selemani 8:5

Ni ani yuya edzaye kula weruni, achiyegadzamira wendewe? Phapho kolo ya mtofaa nakulamusa, phapho ambapho mayoo wakala na utsungu wa kudzivugula, phapho ambapho mayoo wakuvyala.

Isaya 63:9

Katika kugaya kpwao, iye naye wagaya, na malaika kula mbere za Mlungu waativya. Kpwa mendzwaye na mbazize waakombola, na waaroroma dza anae pho kare.

Jeremia 13:11

Mana dza vira ambavyo mkanda nkukala chibiruni mwa mutu, ndivyo nrivyohenda nyumba yosi ya Iziraeli na nyumba yosi ya Juda aungane nami, ili akale atu angu, amanyikane kpwa dzina rangu, aphahe nguma na utukufu, ela taayaphundza, mimi Mwenyezi Mlungu nkaamba.’

Jeremia 2:17

Dze, tamuyadzirehera enye mambo gano kpwa kumricha Mwenyezi Mlungu, Mlungu wenu ariphokulongozani njira?

Jeremia 2:6

Aho tauzire, ‘Akuphi ye Mwenyezi Mlungu ariyehutuluza kula tsi ya Misiri na kuhulongoza ko nyikani, tsi ya jangbwa na madibwa, tsi kavu yenye chilungulungu cha jiza, tsi isiyotsupirwa ni mutu wala kusagalwa?’

Ezekieli 16:5

Takuna mutu ariyekuonera mbazi na kukuhendera mambo gago, ela siku uriphovyalwa waberwa na uchitsuphiwa weruni.

Ezekieli 20:36

Ndakuamulani dza nrivyoamula akare enu ko jangbwa ra Misiri, Mwenyezi Mlungu anaamba.

Hosea 11:3

Tsona ndimi nriyeafundza Aefuraimu kunyendeka dza mwana, na nchiagbwira mikono nchialongoza. Ela taamanyire, kukala ndimi nriyeaphoza.

Hosea 13:5

Mimi ndimi nriyekutundzani ko weruni, kahi ya tsi ya dzuwa kali.

Zakariya 2:12

Mwenyezi Mlungu andaihala Juda ikale mtalowe kahi ya tsi takatifu na kuitsambula tsona Jerusalemu.

Zakariya 2:8

Mana Mwenyezi Mlungu, Mlungu wa majeshi anaamba kukala iye wanihuma kpwa go mataifa ganjina garigohala zewe vitu vyenu, ili aphahe nguma. Mana iye anaamba, “Yeyesi anayekugutani mwimwi, anaguta tembe ya dzitso rangu.

Arumi 2:18

Kpwa sababu ya kufundzwa kuhusu Shariya, unamanya Mlungu alondavyo na kutsambula ra sawa.

Arumi 3:2

Hakika kukala Myahudi kuna mana sana. Mwandzo kabisa, Mlungu waapha Ayahudi malagizoge.

Kumbukumbu 1:19

“Phahi, dza viratu Mwenyezi Mlungu, Mlungu wehu, arivyoamuru, huchiandza charo chehu kula mwango Horebu, huchitsupa kpwenye rira jangbwa kulu ra kutisha mriroona, wakati hunalunga njira kuphiya tsi ya myango ya Aamori. Huriphofika Kadeshi-Barinea,

Kumbukumbu 1:31

hiko jangbwani. Mwimwi mwaona vira Mlungu arivyokutsukulani kpwenye charo hicho chosi dza vira baba anavyotsukula mwanawe, hadi mchifika hipha.”

Kumbukumbu 4:36

Wakuhendani musikire sautiye kula mlunguni ili aweze kukutiyani adabu. Na hipha duniani achikuonyesani mohowe mkpwulu na mchisikira manenoge kula kahi-kahi ya hinyo moho.