Kumbukumbu 2:7 - Digo Bible

⁷ Kpwa kukala Mwenyezi Mlungu, Mlungu wenu akakujaliyani katika chila dzambo mrirohenda. Anamanya vira murivyotsapa kpwenye jangbwa hiri kulu. Mana Mwenyezi Mlungu, Mlungu wenu kala a phamwenga namwi miaka yosi mirongo mine; tamdzangbwephungukirwa ni chitu chochosi.

Kumbukumbu 2:7 Iomraidhean Croise

Mwandzo 12:2

Nindakuhenda ukale taifa kulu na ndakujaliya. Nindakuhenda umanyikane, nawe undakala baraka.

Mwandzo 24:35

Mwenyezi Mlungu wamjaliya sana bwana wangu na wamtajirisha. Wamupha unji wa mangʼondzi na ngʼombe, feza na zahabu, atumwa alume na achetu, ngamia na punda.

Mwandzo 26:12

Isaka warima munda tsi iyo na mwaka hinyo-hinyo wavuna kano gana ya chipimo chophanda, mana Mwenyezi Mlungu wamjaliya.

Mwandzo 30:27

Ela Labani achimuamba, “Godza nami nigombe. Nionera mbazi na usiuke, mana bada ya kuphiya mburugani nkaona kukala Mwenyezi Mlungu wanijaliya kpwa sababuyo.

Mwandzo 39:3

Potifa wamanya kukala Mwenyezi Mlungu a phamwenga na Yusufu na nkumuhenda afwanikiwe kahi za chila ahendaro.

Mwandzo 39:5

Hangu siku ambayo Potifa wamuhenda Yusufu muimirizi wa nyumbaye na malize zosi, Mwenyezi Mlungu waujaliya mudzi wa Potifa kpwa sababu ya Yusufu. Mwenyezi Mlungu wabariki chila chitu cha Potifa, hangu vitu vya nyumbani hadi vya mundani.

Nehemia 9:21

Waaroroma mo jangbwani kpwa muda wa miaka mirongo mine bila kukosa chitu, nguwo zao taziyakpwanyuka wala nyayo zao taziyafutuka.

Ayubu 23:10

Ela iye anamanya yo njira niigbwirayo, ndiphokala akanipima, nindatuluka dza zahabu swafi.

Zaburi 1:6

Mana Mwenyezi Mlungu nkulola njira za enye haki; ela njira ya atu ayi indaalongoza kpwenye ubanangi.

Zaburi 107:4

Anjina adengereka jangbwani, taaonere njira ya kualongoza kpwenye mudzi wa kusagala.

Zaburi 31:7

Nindahererwa na kufwahirwa kpwa sababu ya mendzwayo isiyosika, mana waona mateso gangu na kumanya tabu yokala nayo mwangu rohoni.

Zaburi 90:17

Unono wa Mwenyezi Mlungu, Mlungu wehu naukale dzulu yehu, na kazi za mikono yehu ziongokerwe. Ustawishe kazi za mikono yehu!

Kutsama 16:35

Aiziraeli arya manna kpwa miaka mirongo mine, hadi achifika tsi yohenda makalo. Arya manna hadi ariphofika miphaka ya Kanani, ambako akpwendahenda makalo.

Jeremia 2:2

“Phiya ukaatangazire chingʼangʼa atu a Jerusalemu asikire. Aambire Mwenyezi Mlungu anaamba hivi, ‘Nátambukira uaminifuo wa wanacheni, urivyokala uchinimendza dza bibi harusi, na urivyonilunga ko jangbwani, kpwenye tsi isiyovyala chochosi.

Hosea 13:5

Mimi ndimi nriyekutundzani ko weruni, kahi ya tsi ya dzuwa kali.

Amosi 2:10

Mimi nákutuluzani kula tsi ya Misiri, nchikulongozani kutsupira jangbwani kpwa muda wa miaka mirongo mine, ili muimiliki tsi ya Aamori.

Isabu 1:1

Siku ya kpwandza ya mwezi wa phiri, mwaka wa phiri bada ya atu a Iziraeli kuuka Misiri, Mwenyezi Mlungu wagomba na Musa ndani ya hema ra mkpwutano hiko kpwenye jangbwa ra Sinai. Iye achiamba,

Isabu 14:33

Ana enu andakala arisa mumu weruni kpwa muda wa miaka mirongo mine hadi mwimwi mosi mufwe mumu, kpwa kukala mwakosa uaminifu.

Isabu 14:34

Dza viratu murivyoipeleleza yo tsi kpwa siku mirongo mine, mundateseka kpwa sababu ya dambi zenu kpwa muda wa miaka mirongo mine, yani siku mwenga kpwa mwaka mmwenga. Namwi mundamanya kukala taifwaha kunihenda mimi nikale adui wenu.’

Isabu 22:12

Ela Mlungu achimuambira Balaamu, “Ni usiphiye phamwenga nao, wala usilani Aiziraeli mana ni atu ariobarikiwa.”

Isabu 32:13

Phahi Mwenyezi Mlungu achiatsukirirwa Aiziraeli na achiahenda atange-tange ko weruni kpwa miaka mirongo mine, hadi chivyazi chosi cha okala akahenda mai mbere za Mwenyezi Mlungu chiriphoangamia.

Luka 22:35

Alafu Jesu waauza anafundzie, “Nriphokulavyani mphiye bila ya pochi, mkoba wala virahu vya akiba, mwakosa chitu chochosi?” Aho achimuamba, “Hata, tahuyakosa chitu.”

Johana 10:27

Mangʼondzi gangu nagamanya. Nago ganasikira sauti yangu, na nkunilunga-lunga.

Kumbukumbu 1:19

“Phahi, dza viratu Mwenyezi Mlungu, Mlungu wehu, arivyoamuru, huchiandza charo chehu kula mwango Horebu, huchitsupa kpwenye rira jangbwa kulu ra kutisha mriroona, wakati hunalunga njira kuphiya tsi ya myango ya Aamori. Huriphofika Kadeshi-Barinea,

Kumbukumbu 1:46

Phahi, mchisala hiko Kadeshi kpwa siku nyinji.

Kumbukumbu 2:14

Hangu huuke Kadeshi-Barinea hadi huriphovuka chidzuho Zeredi kala ikatsupa miaka mirongo mihahu na nane. Wakati hinyo, osi enye umuri wa kuphiya vihani ariola Misiri kala akasira kufwa, kulengana na vira Mwenyezi Mlungu arivyoapira.

Kumbukumbu 2:6

Mchilonda chakurya au madzi kula kpwao, ni mugule.’ ”

Kumbukumbu 29:4

Ela hadi rero Mwenyezi Mlungu kadzangbwekuphani achili ya kuelewa, matso ga kuona, wala masikiro ga kusikira!

Kumbukumbu 29:5

“Mimi nákulongozani jangbwani, kpwa muda wa miaka mirongo mine na nguwo zenu mrizovwala taziyatsakala wala virahu vyenu.

Joshuwa 5:6

Mana Aiziraeli asafiri jangbwani miaka mirongo mine, hata alume osi ariokala ana uwezo wa kuphiya vihani wakati anatuluka Misiri, kala akasira kufwa kpwa kusaphundza sauti ya Mwenyezi Mlungu. Yakala hivyo mana Mwenyezi Mlungu kala akaapira atu hinyo kukala taandaona tsi hira ambayo waapira akare aho kukala andaapha, tsi yenye rutuba.