Joshuwa 10:12 - Digo Bible

¹² Siku iyo Mwenyezi Mlungu aripholavya Aamori kpwa Aiziraeli, Joshuwa wagomba na Mwenyezi Mlungu mbere za Aiziraeli achiamba, “Uwe dzuwa ima dzulu ya mudzi wa Gibioni, na uwe mwezi hiko Dete ra Aijaloni.”

Joshuwa 10:12 Iomraidhean Croise

2 Samueli 2:12

Phahi Abineri na jeshi ra Ishi-Boshethi, auka Mahanaimu kuphiya Gibioni.

2 Afalume 20:10

Hezekiya wamjibu achiamba, “Ni rahisi zaidi chivurivuri kuphiya mbere nyago kumi! Phahi nachiuye nyuma nyago kumi.”

2 Afalume 20:11

Phahi nabii Isaya wamririra Mwenyezi Mlungu, naye chivurivuri achichiuyiza nyago kumi za iyo ngazi yodzengbwa ni Ahazi.

2 Afalume 20:9

Isaya wamjibu achiamba, “Hino ndiyo indakala ishara kpwako kula kpwa Mwenyezi Mlungu, kukala Mwenyezi Mlungu andahenda kama achivyoahidi, Unalonda chivurivuri chiphiye nyago kumi mbere au chiuye nyuma nyago kumi?”

1 Nyakati 8:13

Beriya na Shema, (kala ni akulu a mbari za ise zao kahi ya enyezi a Aijaloni, nao ndio ariozoresa enyezi a Gathi);

2 Nyakati 11:10

Zora, Aijaloni na Heburoni, midzi yenye ngome iriyo hiko Juda na Benjamini.

Ayubu 9:7

Nkuamuru dzuwa risituluke, naro rikahenda vivyo, ahendaye nyenyezi kusalavya mwanga.

Zaburi 148:3

Mtogoleni, mwi dzuwa na mwezi, mtogoleni, mwi nyenyezi zosi zingʼalazo!

Zaburi 19:4

Ela rakare rikagota dunia ndzima, na maneno gao gakafika mwisho wa dunia. Mlungu akachitira dzuwa hema kuko mlunguni,

Zaburi 74:16

Mutsi ni wako na usiku ni wako, uwe waumba mwezi na dzuwa.

Isaya 28:21

Mana Mwenyezi Mlungu andavamia dza arivyovamia Mwango wa Perazimu. Andatsukirwa dza arivyoatsukirirwa hiko Dete ra Gibioni ela andahenda utu wa kuangalaza utu ambao tamuyautarajiya.

Isaya 38:8

‘Lola, nindahenda chivurivuri cha dzuwa ra kutswa chiuye nyuma nyago kumi kpwenye ngazi ya Ahazi.’ ” Naro dzuwa richiuya nyuma nyago kumi.

Isaya 60:20

Dzuwaro tarindatswa tsona, na mwezio taundakosa kungʼala, mana Mwenyezi Mlungu mwenye andakala mwangao hata kare na kare, na sikuzo za kusononeka zindasira.

Jeremia 28:1

Mwezi wa tsano wa mwaka uho wa mwandzo-mwandzo wa utawala wa mfalume Zedekiya wa Juda, nabii aihwaye Hanania mwana wa Azuri wa kula Gibioni, wagomba nami kpwenye nyumba ya Mwenyezi Mlungu mbere za alavyadzi-sadaka na atu osi achiamba,

Amosi 2:9

Dzagbwe náangamiza Aamori tsetsetse kpwa sababu yenu, ambao vimo vyao kala ni dza mierezi, na enye mkpwotse dza mialoni.

Amosi 8:9

Mwenyezi Mlungu anaamba, “Siku iyo ndahenda dzuwa ritswe mutsi, na kuhenda tsi ikale jiza wakati wa mutsi.

Habakuki 2:20

Ela, Mwenyezi Mlungu ye, a kpwenye Nyumbaye takatifu ya kuvoya Mlungu, tsi yosi nainyamale mbereze.

Habakuki 3:11

Dzuwa na mwezi viriphoona mngʼalo wa miviyo iriphokala inatsapa na kumeka-meka kpwa fumoro, vyaima ti hipho vikalapho.

Zakariya 2:13

Nyamalani mbere za Mwenyezi Mlungu mwimwi mosi, mana iye aredza kula phatuphe phatakatifu.

Kumbukumbu 17:3

naye akaphiya na kuhumikira milungu yanjina na kuiabudu, achiabudu dzuwa, mwezi au vitu vyanjina vya mlunguni ambavyo nakahaza visiabudiwe,

Kumbukumbu 4:19

Dzimanyirireni ndipholola mlunguni na kuona dzuwa, mwezi, nyenyezi na vitu vyosi, sedze mkaaza kuviabudu na kuvihumikira. Vitu hivyo Mwenyezi Mlungu, Mlunguo akavirichira atu anjina osi duniani.

Joshuwa 10:13

Naro dzuwa raima nao mwezi uchiima piya, hadi taifa richidziriphiza kpwa maadui gao. Maneno gaga gaandikpwa katika chitabu cha Jashari, dzuwa raima kahi-kahi ya mlungu kpwa muda wa siku ndzima, na richikaa kutswa.

Joshuwa 19:42

Shaalabini, Aijaloni, Ithila,

Joshuwa 21:24

Aijaloni phamwenga na weruwe wa kurisa na Gathi-Rimoni phamwenga na weruwe wa kurisa. Jumula ya midzi yohewa ni mine.

Aamuli 12:12

na Eloni ariphofwa, wazikpwa Aijaloni ko tsi ya Zabuloni.

Aamuli 5:20

Nyenyezi za mlunguni zashiriki viha, zalunga njira zao, zichipigana na Sisera.

1 Samueli 12:18

Phahi Samueli wamvoya Mwenyezi Mlungu, naye Mwenyezi Mlungu achireha mvula na chiguruguru siku hiyo, nao atu osi achimuogopha sana Mwenyezi Mlungu phamwenga na ye Samueli.

1 Samueli 14:31

Siku iyo Aiziraeli achiapiga Afilisti kula Mikimashi hadi Aijaloni nao achikala akaphungukirwa sana ni mkpwotse kpwa sababu ya ndzala.