Jona 2:10 - Digo Bible

¹⁰ Phahi Mwenyezi Mlungu achiamuru hiye ngʼonda achendamuaphika Jona tsi kavu.

Jona 2:10 Iomraidhean Croise

Mwandzo 1:11

Chisha Mlungu achiamba, “Tsi naimere chila aina ya mimea, mimea ivyalayo mbeyu na mihi ivyalayo matunda garigo na mbeyu.” Nayo ichikala vivyo,

Mwandzo 1:14

Mlungu achiamba, “Nakukale na mianga ko mlunguni iganye mutsi na usiku ionyese ishara ya minga, siku na miaka,

Mwandzo 1:3

Halafu Mlungu achiamba, “Nakukale na mwanga,” na kuchikala na mwanga.

Mwandzo 1:7

Sambi Mlungu achitengeza dari yoganya madzi gokala dzulu ya dari iyo na madzi garigo photsi. Na vichikala vivyo.

Mwandzo 1:9

Chisha Mlungu achiamba, “Madzi garigo tsini ya mlunguni nagakusanyike phamwenga, na tsi kavu ionekane.” Na vichikala vivyo.

Zaburi 105:31

Achigomba na kuchedza maindzi na madadada tsi yosi.

Zaburi 105:34

Mlungu walagiza na kuchedza ndzije, na maelufu ga fumbiri,

Zaburi 22:26

Agayi andarya kumvuna. Osi amuendzao Mwenyezi Mlungu andamtogola. Kalani moyo ta kare na kare.

Zaburi 33:9

Ariphogomba dunia yaumbwa aripholavya amuri chila chitu chichitsembuka.

Isaya 38:20

Mwenyezi Mlungu andanitivya, naswi hundaimba na kupiga ngephephe maisha gehu gosi kpwenye nyumba ya kuvoya Mlungu.”

Isaya 43:11

Mimi, yani mimi machiyangu ndimi Mwenyezi Mlungu, takuna muokoli wanjina isiphokala mimi.

Isaya 50:2

Nákpwedza nikutivyeni ela sionere mutu, nchiiha ela taphana mutu yenijibu. Kpwani mkpwono wangu ni mfupi sana hata usiweze kukukombolani? Au sina uwezo wa kukutivyani? Nnaphodemula, nikuumisa bahari, nikuhenda myuho ikakala jangbwa, ngʼonda aho nkufwa akanuka lovu kpwa kukosa madzi.

Hosea 13:4

Mimi, ndimi Mwenyezi Mlungu, Mlungu wenu nriyekutuluzani kula tsi ya Misiri. Msikale na mlungu wanjina isiphokala mimi, mana taphana muokoli wanjina isiphokala mimi.

Hosea 14:3

Ashuru taandahutivya, wala farasi ehu a viha taandahuterya. Vizuka hurivyovitengeza enye kpwa mikono yehu, tahundaviiha tsona milungu kpwa kukala uwe ukuonera mbazi anachiya.”

Jona 1:17

Phahi wakati uho, Mwenyezi Mlungu achihuma ngʼonda mkpwulu achedzammiza Jona. Naye Jona achikala ndanini mwa ye ngʼonda siku tahu, usiku na mutsi.

Jona 3:1

Mwenyezi Mlungu achigomba na Jona kano ya phiri achiamba,