Joeli 2:24 - Digo Bible

²⁴ Phatu pha kuwagira phandaodzala mtsere na viburu vyenu vindaodzala uchi muphya wa zabibu na mafuha.

Joeli 2:24 Iomraidhean Croise

Ezekieli 36:8

“Ela mwimwi myango ya Iziraeli, mihi yenu indahenda panda na kuavyarira matunda atu angu Iziraeli, mana a phephi na kuuya kpwao.

Joeli 3:13

Haya, akateni-kateni dza mutu atsengaye nganu. Avyogeni-vyogeni dza mutu aminyaye zabibu, mana pho phatu pha kuminyira phaodzala hata phanafurika mana uyi wao ni munji sana.

Joeli 3:18

Wakati hinyo kundakala na uchi munji wa zabibu hiko dzulu myangoni, na ko vidzangoni kundakala na maziya manji, chila chidzuho kpwenye tsi ya Juda chindajera madzi. Himo nyumbani mwa Mwenyezi Mlungu mundaomboka pula za madzi na madzige gandajera Dete ra Shitimu.

Alawi 25:19

Namwi mundarya na kumvuna mavuno ga yo tsi na msagale salama mumo.

Alawi 26:10

Mundakala na mavuno manji chiasi cha kukala ni mtuluze ga kare ambago tagadzangbwesira ili mtiye maphya.

Amosi 9:13

Mwenyezi Mlungu anaamba, “Lolani siku ziredza, ambapho mvunadzi andagbwirana na mkurima wakati achere kuvuna, na mminyi wa zabibu agbwirane na mphandi wa mbeyu wakati achere minya. Uchi wa mtswano undatwena kula myangoni na undajera kula vidzango vyosi.

Malaki 3:10

Rehani kamili fungu ra kumi kpwenye nyumba yangu ya kuikira akiba ili mwangu nyumbani mkale na chakurya.” Mwenyezi Mlungu, Mlungu wa majeshi anaamba, “Ni jezani kpwa njira hino phahi mlole ichikala sindakuvugurirani madirisha ga mlunguni na kuamwagira baraka, hadi mkose phatu pha kuziika.”