Joeli 2:13 - Digo Bible

¹³ Mnaphosononeka msikpwanyule mavwazi genu, ela kpwanyulani mioyo yenu. Muuyireni Mwenyezi Mlungu, Mlungu wenu, kpwa kukala iye ana huruma na mbazi, kana tsukizi za phephi bali ana mendzwa nyinji isiyosika, na higo mai achigopanga kukuhenderani a tayari kugaricha.

Joeli 2:13 Iomraidhean Croise

Mwandzo 37:29

Wakati wa kuguzwa Yusufu, Rubini kala kapho na kamanyire kukala nduguze akamguza. Ariphouya, chisimani na achiona Yusufu kamo, wakpwanyula nguwoze kpwa utsungu.

Mwandzo 37:34

Jakobo wakpwanyula nguwoze achivwala magunia kpwa utsungu. Wamririra mwanawe siku nyinji.

2 Samueli 1:11

Ndipho Daudi wagbwira nguwoze achizikpwanyula na atu osi ariokala phamwenga naye achihenda dza vivyo.

1 Afalume 21:27

Ela, Ahabu ariphosikira maneno higo, wakpwanyula nguwoze, achivwala gunia na achifunga. Kala analala na magunia na kuphiya hiku na hiku na sonono.

2 Afalume 22:11

Mfalume ariphosikira maneno ga Chitabu cha Shariya, wakpwanyula nguwoze.

2 Afalume 22:19

Kpwa kukala moyoo ukakubali upesi nawe ukagbwa maguluni mbere za Mwenyezi Mlungu uchiphosikira manenoge chinyume cha phatu phapha na atu asagalao mumo, kukala pho phatu phandakala gandzo, na atu alaniwe, nawe ukakpwanyula mavwazigo na kurira mbere zangu, mimi nami nkakusikira, Mwenyezi Mlungu anaamba.

2 Afalume 5:7

Ela ye mfalume wa Iziraeli ariphosoma baruwa iyo wakpwanyula nguwoye na achiamba; “Kpwani mino ni Mlungu niolage na kutiya roho, ndipho mutu hiyu akahuma mtumishiwe, edze nimphoze mahana? Bila shaka mutu hiyu ananiendza kondo!”

2 Afalume 6:30

Mara mfalume ariphosikira maneno ga mchetu hiye wakpwanyula nguwoze kpwa utsungu, na atu ariokala phephi na ukuta aona kukala ndani ya nguwoye, akavwala gunia.

2 Nyakati 6:27

phahi usikire hiko mlunguni, ukaswamehe dambi za atumishio, atuo Aiziraeli. Afundze atuo njira nono ambayo unalonda ailunge na urehe mvula kpwenye tsi uriyoapha atuo ikale urisi wao.

Nehemia 9:17

achirema kukusikira, tsona taayavitambukira vyo vilinje urivyohenda kahi yao. Aho arema tsetsetse kukuphundza achidzitsamburira chilongozi ili aweze kuuya kpwao utumwani ko Misiri. Ela uwe u Mlungu uriye tayari kuswamehe, Mlungu mwenye huruma na mbazi nyinji. Mlungu usiye na tsukizi za phephi na mendzwayo taisika, kuyaaricha!

Ayubu 1:20

Phahi Ayubu waunuka, achikpwanyula vwazire na achinyola chitswache chisha achidzibwaga photsi achimuabudu Mlungu.

Zaburi 103:8

Mwenyezi Mlungu ana huruma na mbazi, iye katsukirwa upesi na ana unji wa mendzwa isiyosika.

Zaburi 106:45

Kpwa sababu yao watambukira chilaganeche, achiaonera imani kulengana na unji wa mendzwaye isiyosika.

Zaburi 34:18

Mwenyezi Mlungu a phephi na chiyekuluhukpwa na nkumtivya hiye ambaye akavundzika moyo.

Zaburi 51:17

Sadaka Mlungu alondayo ni roho iriyovundzika. Mutu mwenye moyo uriovundzika na kutubu kabisa, uwe Mlungu, undamphokera.

Zaburi 86:15

Ela uwe, ee Mwenyezi Mlungu, u Mlungu wa huruma na mbazi, kureya upesi na u tele mendzwa isiyosika na uaminifu.

Zaburi 86:5

Mana uwe, ee Mwenyezi Mlungu, u mnono na unaswamehe hinyo akuvoyao unaaonyesa mendzwa isiyosika.

Isaya 57:15

Mana vivi ndivyo aambavyo iye ariye dzulu, iye aunulwaye sana, iye ariye moyo hata kare na kare, ambaye dzinare ni Mtakatifu, “Mimi nasagala phatu phatakatifu pharipho dzulu, chisha ninasagala phamwenga na nyo adzitserezao na kutubu, ili niatiye nguvu nyiphya.

Isaya 58:5

Siyatsambula kufunga dza hiku. Kpwani kufunga ni kudzigayisa? Au ni kuzama dza nyasi na kurarira nguwo za magunia na ivu? Ko ndiko mukuihako kufunga kukubaliwako ni Mwenyezi Mlungu?

Isaya 66:2

Vitu vivi vyosi navitengeza na mkpwono wangu, navyo vichikala,” Mwenyezi Mlungu anaamba. Nkuhamirwa ni hara adzitserezao na kutubu, aniogophao na kunitii.

Jeremia 36:7

Mendzerepho andamvoya Mwenyezi Mlungu aaswamehe na kukala chila mutu andaricha uyiwe, mana Mwenyezi Mlungu akapanga kuatiya adabu atu aha kpwa tsukizi nyinji sana.”

Jeremia 41:5

phakpwedza atu mirongo minane kula Shekemu, Shilo na Samariya. Atu aha kala akanyola vyeru vyao, akavwala mademu na miri yao kala ikakatwa-katwa. Atu aha kala akedza nyumbani mwa Mwenyezi Mlungu kulavya sadaka za mtsere na uvumba.

Jeremia 42:10

‘Mchisala tsi ihi mimi ndakudzengani, sindakuvomolani bii. Sindakungʼolani ela ndakuphandani, mana nasononeka kpwa go mashaka nrigokureherani.

Ezekieli 9:4

Naye Mwenyezi Mlungu achimuamba, “Tsupira ndani ya mudzi wosi wa Jerusalemu na utiye alama vilanguni mwa hara ambao anasononeka na kurira kpwa sababu ya mambo ga kutsukiza gahendwago mumo.”

Hosea 14:1

Mwimwi Aiziraeli, muuyireni Mwenyezi Mlungu, Mlungu wenu, kpwa kukala dambi zenu ndizo chizokuhendani mugbwe.

Jona 3:9

Mana Mlungu alala macheye, anaweza kugalukpwa ni moyo akahuonera mbazi na akakala kandahuangamiza kama arivyopanga.”

Jona 4:2

Achimvoya Mwenyezi Mlungu achimuamba, “Mwenyezi Mlungu, mino námanya kare hangu nchere hiko kpwehu kukala vivi ndivyo ndivyokala, ndiyo mana nchiamua kukala nchimbire niphiye Tarishishi. Mana námanya kukala uwe u Mlungu wa mbazi na huruma nyinji. Kuna tsukizi za phephi, una mendzwa nyinji isiyosika. Uwe ukugalukpwa ni moyo ukaricha kuahenda mai kama urivyopanga.

Mika 7:18

Takuna Mlungu ariye dza uwe anayeswamehe dambi na kusalola makosa ga atu a urisiwe ariosala kutiywa adabu. Uwe kutsukirwa na ikakala ni bahi hata kare na kare, ela unaonato kuhuonyesa mendzwa isiyosika.

Nahumu 1:3

Mwenyezi Mlungu katsukirwa upesi na ana nguvu nyinji, wala kandasita bii kumtiya adabu mutu mwenye makosa. Pho anyendekapho nkukala na chikulukulu na phuto, na maingu ni vumbi ra nyayoze.

Isabu 14:18

‘Mimi Mwenyezi Mlungu sina tsukizi za phephi, nina mendzwa nyinji isiyosika, na ninaswamehe dambi na uasi. Ela sindaricha kuatiya adabu anikoserao. Nindaatiya adabu ana kpwa dambi za ise zao hata chivyazi cha hahu na cha ne.’

Arumi 2:4

Mlungu ni mnono mana anakuonera mbazi nyinji, kakutiya adabu mara mwenga ela anakuvumirira ili utubu dambizo. Haya sambi mbona unamphurya?

Aefeso 2:4

Ela Mlungu ana mbazi nyinji. Na kpwa sababu ya kuhumendza sana,

1 Timothi 4:8

Mana mazowezi ga mwiri ganareha fwaida chidide kpwa mutu, ela kumuogopha Mlungu kuna fwaida zaidi pande zosi. Kunahulaga uzima vi sambi na hata badaye.