Joeli 2:11 - Digo Bible

¹¹ Mwenyezi Mlungu analongoza jeshire na mngurumo. Majeshige galungago malagizoge gana nguvu na tagaolangika. Iyo siku ya Mwenyezi Mlungu ni kulu tsona ya kutisha. Ni ani awezaye kuivumirira?

Joeli 2:11 Iomraidhean Croise

Zaburi 18:14

Watsupha miviye, achitsamula maaduige, waatsuphira limeme, achiachimbiza.

Zaburi 46:6

Mataifa ganjina gatsanganyikirwa, falume zikapendulwa; achinguruma, dunia inamomonyoka.

Zaburi 68:18

Uwe waambuka mwango mure, kuno ukatsukula mateka na kuphokera zawadi kahi za anadamu hata kahi za atu asiolunga shariya ili Mwenyezi Mlungu ukale undasagala kuko.

Isaya 13:4

Phundzani hiro hoyo hiko mwangoni, ni dza hoyo ra borori ra atu! Hoyo dza ra falume za mataifa ganjina manji gachigokusanyika phamwenga! Mwenyezi Mlungu, Mlungu wa majeshi anapanga jeshire tayari kpwa viha.

Isaya 42:13

Mwenyezi Mlungu nkuphiya vihani dza sujaa, andaphiya na tsukizize dza mutu wa viha. Andarira na kukota kululu, andaangamiza maaduige.

Isaya 7:18

Siku iyo Mwenyezi Mlungu andapigira milozi jeshi ririro mwisho wa vidzuho vya Misiri redze dza maindzi na jeshi ra Ashuru redze dza nyuchi.

Jeremia 25:30

“Phahi tabiri maneno gaga gosi na uambire: Mwenyezi Mlungu andanguruma kula dzulu, andaruruma kula phatuphe phatakatifu, andangurumira atue kpwa nguvu, andakota kululu dza atu aminyao zabibu, andangurumira atu osi a duniani.

Jeremia 30:7

Wee! Siku iyo ni ya kutisha sana takuna dza iyo undakala wakati wa kuteseka kpwa Jakobo, ela andativywa na gago.”

Jeremia 50:34

Ela mkomboli wao ana nguvu; dzinare ni Mwenyezi Mlungu, Mlungu wa majeshi. Iye andaahehera ili aahende aoye kahi ya yo tsi, ela atu asagalao Babeli asioye.

Ezekieli 22:14

Dze, mioyo yenu indaweza kuvumirira na mikono yenu kpwenderera kukala na nguvu ndiphokushuulikirani? Mimi Mwenyezi Mlungu nkaamba, nami nindavihenda.

Joeli 1:15

Siku ya Mwenyezi Mlungu indakala ya kutisha nayo i phephi, nayo indakpwedza na ubanangi kula kpwa Mwenye Nguvu Zosi.

Joeli 1:6

Mana ipho ra ndzije rikavamia tsi yangu. Ni anji hata taaolangika, meno gao ganarya dza ga simba.

Joeli 2:1

Pigani gunda ko Sayuni; kotani kululu dzulu ya mwango wangu mtakatifu. Osi asagalao tsi ya Juda naakakame mana siku ya Mwenyezi Mlungu iredza nayo i phephi.

Joeli 2:2

Siku iyo ni siku ya jiza na vurungu-vurungu, indakala siku ya maingu na chilungulungu cha jiza. Gafula jeshi kulu ra ndzije rindabwiningiza myango. Jeshi kulu chisha ra nguvu, ambaro taridzangbweoneka hangu kare wala takundakala na jeshi dza hiro tsona hata kare na kare.

Joeli 2:25

Nami nindakuuyizirani miaka yosi iriyoriwa ni ndzije angu anji nrioahuma kpwedzarya mimea yenu: yariwa ni maipho ga ndzije akulu na ndzije adide, na ipho ra ndzije anjina na fumbiri.

Joeli 2:31

Dzuwa rindagbwirwa rikale jiza na mwezi nao undagbwirwa ukale kundu dza mlatso, kabila siku kulu na ya kutisha ya Mwenyezi Mlungu kufika.

Joeli 3:14

Makundi-makundi ga atu ganagodza hiko Dete ra uamuli, mana siku ya Mwenyezi Mlungu kpwedza hiko Dete ra uamuli i phephi.

Joeli 3:16

Mwenyezi Mlungu andanguruma kula Sayuni, mngurumowe undasikika kula Jerusalemu. Mlunguni na duniani kundasumba, ela Mwenyezi Mlungu andakala chimbiriro kpwa atue na ngome kpwa Aiziraeli.

Amosi 1:2

Amosi achiamba, “Mwenyezi Mlungu andaruruma kula Sayuni, andanguruma dza chiguruguru kula Jerusalemu; na weru wa kurisa arisa gandauma, na chirere cha mwango Karimeli chindanyala.”

Amosi 5:18

Shauri yenu mwimwi muazao siku ambayo Mwenyezi Mlungu andaamula mataifa! Kpwa utu wani munaaza siku ya Mwenyezi Mlungu? Siku iyo indakala ya jiza si ya mwanga.

Amosi 5:20

Yo siku ya Mwenyezi Mlungu indakala ya jiza, si ya mwanga, indakala ya chilungulungu cha jiza bila ya mwanga wowosi.

Obadiya 1:15

Mana siku ya Mwenyezi Mlungu kuamula mataifa gosi i phephi. Na hivyo murivyoahendera ayawenu mwi atu a Edomu, namwi mundahenderwa dza vivyo. Mambo mai gosi mrigogahenda gandakuuyirani enye.

Nahumu 1:6

Ni ani awezaye kushindana na tsukizize? Ni ani awezaye kuvumirira usiruwe? Nkumwaga tsukizize kali dza moho, na nkuhenda myamba ikaahuka vipande-vipande.

Malaki 3:2

Ela ni ani awezaye kuvumirira iyo siku ya kpwedzakpwe? Au siku ndiphotuluka, ni ani awezaye kuima mbereze? Mana iye phahi ni dza viratu moho wa kueza vyuma, au sabuni iriyo na nguvu ya mfuli wa nguwo.

Isabu 24:23

Balaamu achilavya ujumbe huno tsona achiamba, “Ni ani awezaye kukala moyo ichikala Mlungu ndiye chiyehenda hivi?

1 Athesalonike 4:16

Mana Bwana Jesu mwenye andatserera kula mlunguni na kulavya malagizo kpwa sauti kulu. Sauti ya malaika mkpwulu indasikirwa na gunda ra Mlungu rindapigbwa. Nao ndiofufuka mwandzo andakala hara ariofwa na kuno anamkuluphira Jesu.

Maono 18:8

Phahi andaphaha mashaka gosi siku mwenga tu, mashaka ga chifo, ga chiriro na ga ndzala. Andatsomwa na moho, mana Bwana Mlungu aamulaye ndiye wa uwezo wosi.”

Maono 6:17

Mana siku ya mateso makali kula kpwa Mlungu na Mwana ngʼondzi ikafika! Kpwa kpweli takuna yeyesi awezaye kuiturya.”