Joeli 2:10 - Digo Bible

¹⁰ Dunia nkusumba na mlunguni kukakakama mbere zao, dzuwa na mwezi nkufunga jiza na nyenyezi zikakosa kungʼala.

Joeli 2:10 Iomraidhean Croise

Zaburi 114:7

Kakama mbere za Mwenyezi Mlungu, uwe dunia, kakama mbere za Mlungu wa Jakobo,

Zaburi 18:7

Yo tsi yasumba na ichikakama, misingi ya myango ichisumba kpwa sababu Mlungu kala akatsukirwa.

Isaya 13:10

Nyenyezi zosi za mlunguni tazindangʼala tsona, dzuwa richituluka tarindangʼala na mwezi nao taundaala.

Isaya 34:4

Nyenyezi zosi mlunguni zindaangamika na mlungu undakundzwa dza jamvi. Chila chitu mlunguni chindagbwa dza makodza ga mzabibu chigonyala au ga mtini chigouma pho muhini.

Isaya 5:30

Siku iyo andaangurumira dza bahari ingurumavyo. Mutu achilola kahi ya yo tsi andaona jiza na mashaka na maingu gandahenda kufunge jiza.

Jeremia 4:23

Nálola ko duniani, nayo tsi ichikala taina umbo na bila chitu, nako dzulu mlunguni kala takuna mwanga.

Joeli 2:2

Siku iyo ni siku ya jiza na vurungu-vurungu, indakala siku ya maingu na chilungulungu cha jiza. Gafula jeshi kulu ra ndzije rindabwiningiza myango. Jeshi kulu chisha ra nguvu, ambaro taridzangbweoneka hangu kare wala takundakala na jeshi dza hiro tsona hata kare na kare.

Joeli 2:31

Dzuwa rindagbwirwa rikale jiza na mwezi nao undagbwirwa ukale kundu dza mlatso, kabila siku kulu na ya kutisha ya Mwenyezi Mlungu kufika.

Joeli 3:4

“Mu ano ani kpwangu mwi atu a Tiro na Sidoni na seemu zosi za Filisti? Dze, mnalonda mniriphize? Ichikala mnalonda mniriphize, phahi hivyo mlondavyo kuvihenda nindakuuyizirani enye tsona haraka sana.

Amosi 5:8

Muendzeni iye ariyetengeza Chirimira na Rambo iye ahendaye chilungulungu cha jiza chikakala ligundzu, na kuhenda mutsi kukala usiku iye aihaye madzi ga bahari, akagamwaga tsi kavu, dzinare ni Mwenyezi Mlungu.

Nahumu 1:5

Myango nkukakama mbereze na vidzango vikasumba. Mwenyezi Mlungu achidzionyesa, dunia nkusumba, na osi asagalao mumo nkukakamwa ni miri.

Mathayo 24:29

“Phahi bada ya siku za mateso kusira tu, dzuwa rindakala jiza, na mwezi taundangʼala. Nyenyezi zindagbwa kula dzulu, na nguvu za dzulu mlunguni zindasumbiswa.

Mathayo 27:51

Wakati hinyo-hinyo paziya ya Nyumba ya Kuvoya Mlungu yaahuka pande mbiri, kula dzulu hadi photsi. Tsi ndzima ichisumba, myamba ichiahuka,

Mahendo 2:20

Kabila ya kufika siku iyo kulu muhimu ya Mwenyezi Mlungu, dzuwa rindagbwirwa rikale jiza na mwezi nao undagbwirwa ukale kundu dza mlatso.

Maono 20:11

Chisha náona Mlungu asegere chihiche chikulu tsona chereru. Mlunguni na tsi kuchiyaya mbereze na takuyaonekana tsona.

Maono 6:12

Chisha nchiona ye Mwana ngʼondzi anagandula hura ukaka wa sita. Phahi tsi yasumba sana, na dzuwa richigaluka rangi richikala dziru pipipi dza makala. Mwezi uchikala kundu dododo dza mlatso

Maono 8:12

Naye malaika wa ne ariphopiga gundare, seemu ya dzuwa, ya mwezi na ya nyenyezi zapigbwa. Hizo seemu za dzuwa, mwezi na nyenyezi zopigbwa taziyaala. Hipho seemu ya mutsi yakosa mwanga na seemu ya usiku nayo ichikosa mwanga.

Maono 9:2

Ariphovugula hira kuzimu, mwatuluka dzimosi avi ni ra tanu kulu sana hata dzuwa na maingu vichikala tavioneka kpwa hura mosi.