Jeremia 9:8 - Digo Bible

⁸ Malilimi gao ni dza mivi ya sumu, ganagomba handzo wakati wosi, chila mutu anagomba manono na jiraniwe, ela mwakpwe moyoni anapanga kumvamia.

Jeremia 9:8 Iomraidhean Croise

2 Samueli 3:27

Naye Abineri ariphouya Heburoni, Joabu wamuiha kanda achendaima naye phatu kanda mo ryangoni avi ayagomba naye njama, achimdunga ndanini hadi achifwa kpwa sababu ya kumuolaga mwanao Asaheli.

Zaburi 12:2

Chila mmwenga anagomba handzo na jiraniwe ngʼandzi zao ni za handzo na unafiki

Zaburi 12:3

Ee Mwenyezi Mlungu naakate miromo ya handzo na chila lilimi rinarodzikarya.

Zaburi 120:3

Mwimwi mgombao handzo, mnalonda Mlungu akuhendereni utu wani? Au akupheni utu wani zaidi?

Zaburi 28:3

Usiniangamize phamwenga na atu ayi, yani hinyo anaohenda mai atu abishao manono na ayawao kuno maroho gao ganaazira mai.

Zaburi 35:20

Maneno agombago sigo manono, anagomba maneno mai chinyume cha anatsi asiokondo na mutu.

Zaburi 55:21

Manenoge kala ga laini kuriko siagi, ela mwakpwe moyoni kala anaaza viha, manenoge kala ga laini kutsupa mafuha ela ganakata dza upanga.

Zaburi 57:4

Nkazungulukpwa ni simba aroho, a kurya atu, meno gao avi ni mikuki na mivi, ndimi zao avi ni panga kali.

Zaburi 62:5

Nkahurira namgodzera Mlungu bahi mana ndiye kuluphiro rangu.

Zaburi 64:8

Mlungu andaangamiza kpwa sababu ya maneno gao enye, osi ndioaona andasuka-suka vitswa vyao.

Misemo 25:18

Mutu achilavya ushaidi wa handzo kuhusu jiraniwe nkumzuru dza vyo nyundo, upanga au hondza.

Jeremia 5:26

Mana atu ayi anaishi kahi ya atu angu ambao nkugodzera dza atu ahegao nyama a mapha Nkuhega mihego yao ili agbwire atu.

Jeremia 5:9

Dze, nisiatiye adabu kpwa mambo higa? Mimi Mwenyezi Mlungu nkaamba. Kpwa utu wani nisiriphize taifa dza rino?

Jeremia 9:3

Akaphinda malilimi gao dza uha, kpwa kpweli handzo rikaodzaza yo tsi mana anaenderera kuhenda uyi huno na hura, nao taanimanya, mimi Mwenyezi Mlungu nkaamba.

Jeremia 9:4

Chila mutu naadzimanyirire na jiraniwe, na usimuamini nduguyo yeyesi, mana chila ndugu ana handzo, na chila jirani ni msengenyadzi.

Jeremia 9:5

Chila mutu anachenga jiraniwe, taphana agombaye kpweli, akafundza malilimi gao kugomba handzo, anahenda uyi chiasi cha kushindwa kutubu.

Mika 6:12

Atue ario matajiri a mudzi wa fujo na enyezie ana handzo aho anagomba handzo.