Jeremia 9:5 - Digo Bible

⁵ Chila mutu anachenga jiraniwe, taphana agombaye kpweli, akafundza malilimi gao kugomba handzo, anahenda uyi chiasi cha kushindwa kutubu.

Jeremia 9:5 Iomraidhean Croise

Mwandzo 19:11

Chisha achiahenda vipofu gafula atu osi okala kondze mryangoni, avyere kpwa adide, na achidziremweza kuendza mryango, ela tauonere.

Ayubu 11:3

Dze, cho chibakocho chihende atu anyamale? Na uberapho atu, usitiywe waibu?

Ayubu 15:5

Mana uyio unafundza kanwayo, nawe ukutsambula gara gagombwago ni ajanja.

Zaburi 140:3

Ananola malilimi gao na kukala dza ga nyoka, na maneno gao ni makali dza sumu ya tsakapala.

Zaburi 50:19

Kanwa zenu zi tele uyi na ndimi zenu zinatunga handzo chila wakati.

Zaburi 52:3

Unamendza mai kuriko manono na handzo kuriko kpweli.

Zaburi 64:3

Atu aha ananola ndimi zao dza panga na kutuluza maneno genye sumu dza mivi.

Zaburi 7:14

Phundza! Mutu mui nkugbwira mimba ya uyi, nkutsukula mimba ya kubananga, na kuvyala handzo.

Misemo 12:5

Mipango ya atu anaomuogopha Mlungu ni ya haki, ela mashauri ga atu ayi ni ga handzo.

Misemo 4:16

Atu ayi taalala bila ya kuhenda uyi, taaphaha usingizi bila kulumiza mutu.

Isaya 5:18

Shaka hiro hinyo avwehao uyi kuhumira kowa za handzo na dambi dza rukpwama rivwehwavyo na kowa.

Isaya 57:10

Wadziremweza kpwa kulunga njira nyire, ela kuyavundzika moyo. Waphaha mkpwotse muphya, na kpwa vivyo kuyafwa moyo.

Jeremia 12:13

Andaphanda mtsere ela andavuna miya andadziremweza bila kuphaha chochosi. Andaona haya kpwa cho ndichovuna kpwa sababu ya tsukizi za Mwenyezi Mlungu.”

Jeremia 12:6

Mana hata nyo nduguzo na atu a nyumba ya sowe, nao piya aho nao akakuhendera mai, akakukotera kululu ra ndiro. Usiakuluphire tsetsetse, dzagbwe anakuambira maneno manono.”

Jeremia 13:23

Dze, Mkushi anaweza kugaluza rangiye ya mwiri ama tsui kuusa mabarage? Nawe piya kuweza kugaluza kuhenda mai ukahenda manono.

Jeremia 4:22

“Mwenyezi Mlungu achiamba, atu angu ni azuzu, taanimanya tse; Aho ni anache azuzu, asiomanya rorosi. Atu aho ni anamanya kuhenda mai, ela kuhenda manono taamanya.”

Jeremia 51:58

Mwenyezi Mlungu, Mlungu wa majeshi anaamba hivi, “Zo kuta ndziho za Babeli zindabwagbwa photsi tse na maryangoge mare gandaochwa. Atu andahenda kazi ya bure, mana kazi za mataifa ganjina zindaochwa.”

Jeremia 51:64

Chisha uambe, ‘Babeli indazama dza vivyo nayo taindaunuka tsona kpwa sababu ya mashaka ambago ndairehera phamwenga na atue.’ ” Ujumbe wa Jeremia uchisirira phapho.

Jeremia 7:28

Nawe undaambira, ‘Riri ni taifa ambaro tarimphundzire Mwenyezi Mlungu wala kukubali kurekebishwa, kpweli yaangamika nayo taimo tsona mwao kanwani.

Jeremia 9:3

Akaphinda malilimi gao dza uha, kpwa kpweli handzo rikaodzaza yo tsi mana anaenderera kuhenda uyi huno na hura, nao taanimanya, mimi Mwenyezi Mlungu nkaamba.

Jeremia 9:8

Malilimi gao ni dza mivi ya sumu, ganagomba handzo wakati wosi, chila mutu anagomba manono na jiraniwe, ela mwakpwe moyoni anapanga kumvamia.

Ezekieli 24:12

Nkadziremweza bure na kutuye taiyukire, hata kpwa moho.

Mika 6:12

Atue ario matajiri a mudzi wa fujo na enyezie ana handzo aho anagomba handzo.

Mika 6:3

“Mwi atu angu, nkakuhendani utu wani? Nikakuremwezani na ni? Hebu nijibuni.

Habakuki 2:13

Avi Mwenyezi Mlungu, Mlungu wa majeshi wapanga kukala atu anjina andahenda kazi na kudziremweza bure, mana juhudi zao zindasirira mohoni.

Malaki 2:10

Avi hosi baba yehu ni mmwenga? Tsona avi hosi hwaumbwa ni Mlungu mmwenga? Mbona hunavundza chilagane cha akare ehu kpwa kusahenderana uaminifu?

Aefeso 4:25

Phahi richani handzo. Chila mmwenga ni lazima amuambire myawe kpweli, mana hosi hu vilungo vya mwiri mmwenga.

1 Timothi 4:2

Alimu dza hinya ni anafiki na atu a handzo, na zamiri zao zafwa, nazo taziweza kuzuwiya uyi.

Aamuli 2:10

Atu osi a chivyazi cha wakati wa Joshuwa asira kufwa, na kuchikala na chivyazi chanjina ambacho tachimanyire Mwenyezi Mlungu wala mahendo arigohendera atu a Iziraeli.