Jeremia 9:3 - Digo Bible

³ Akaphinda malilimi gao dza uha, kpwa kpweli handzo rikaodzaza yo tsi mana anaenderera kuhenda uyi huno na hura, nao taanimanya, mimi Mwenyezi Mlungu nkaamba.

Jeremia 9:3 Iomraidhean Croise

Mwandzo 39:16

Mkpwaza Potifa wakala na rira vwazi ra Yusufu hadi mlumewe ariphouya kaya.

Misemo 12:5

Mipango ya atu anaomuogopha Mlungu ni ya haki, ela mashauri ga atu ayi ni ga handzo.

Isaya 1:3

Ndzau inamanya anayeifuga na punda anamanya chidau atiirwacho chakurya ni ye amfugaye, ela Aiziraeli taamanya, atu angu taaelewa.”

Isaya 3:5

Atu andaonerana, mutu andaonera myawe, jirani andaonera jiraniwe. Anache andadzikarya mbere za avyere, mutu wa hali ya photsi andadzikudula mbere za mutu anayeishimiwa.

Isaya 6:5

Ndipho nchiamba, maye mino! Aa sikaangamika mino! Mana mimi mromo wangu ni mchafu na nisegere kahi za atu a miromo michafu na vino matso gangu gakamuona Mfalume, Mwenyezi Mlungu, Mlungu wa majeshi.

Isaya 9:18

Hakika uyi unaaka dza moho, unaocha vikpwata na miya, nkutiya moho tsaka rikaaka na kulavya mosi mziho uphiyao dzulu mlunguni.

Jeremia 12:6

Mana hata nyo nduguzo na atu a nyumba ya sowe, nao piya aho nao akakuhendera mai, akakukotera kululu ra ndiro. Usiakuluphire tsetsetse, dzagbwe anakuambira maneno manono.”

Jeremia 22:16

Waamula achiya na ariotsowa kpwa haki na mamboge gachimphihira vinono. Gano si gahendeka kpwa kunimanya mimi Mwenyezi Mlungu?

Jeremia 31:34

Takundakala na haja ya mutu kumfundza jiraniwe au nduguye tsona kumuamba, “Mmanye Mwenyezi Mlungu,” mana chila mmwenga andanimanya kuandzira mdide hadi mvyere, mimi Mwenyezi Mlungu nkaamba. Mana nindaaswamehe makosa gao na sindatambukira tsona dambi zao.’ ”

Jeremia 4:22

“Mwenyezi Mlungu achiamba, atu angu ni azuzu, taanimanya tse; Aho ni anache azuzu, asiomanya rorosi. Atu aho ni anamanya kuhenda mai, ela kuhenda manono taamanya.”

Jeremia 5:4

Ndipho nriphoririkana nchiamba, “Ni kpweli kukala atu aha ni achiya, ni azuzu mana taamanya njira za Mwenyezi Mlungu, taaelewa shariya za Mlungu wao.

Jeremia 5:5

Ndaphiya kpwa vilongozi, nami ndagomba nao, mana anamanya njira ya Mwenyezi Mlungu, taaelewa shariya ya Mlungu wao.” Ela osi jumula akavundza gogolo, na kukata zo silisili.

Jeremia 6:28

Osi ni atu a kuasi kutsupa chiasi na mioyo mifu, aphiyao hiku na hiku kueneza handzo rao. Aho ana mioyo mifu dza shaba na chuma, osi nkuhenda mai.

Jeremia 7:26

Ela tamuyaniphundza wala kuhega masikiro genu, ela mwazidi kuhenda mai kushinda akare enu.

Jeremia 9:5

Chila mutu anachenga jiraniwe, taphana agombaye kpweli, akafundza malilimi gao kugomba handzo, anahenda uyi chiasi cha kushindwa kutubu.

Jeremia 9:8

Malilimi gao ni dza mivi ya sumu, ganagomba handzo wakati wosi, chila mutu anagomba manono na jiraniwe, ela mwakpwe moyoni anapanga kumvamia.

Ezekieli 8:13

Tsona achiniamba, “Undaona mambo makulu ga kutsukiza zaidi ambago aha anagahenda.”

Danieli 11:27

Ndipho nyo afalume airi andasagala meza mwenga, ela chila mutu andamuazira myawe mai, nao andachengana. Ela taphana ndiye phaha alondacho, mana wakati undakala taudzangbwefika.

Alawi 19:11

“Msiiye, msigombe handzo wala kuchengana.

Mariko 8:38

Phundzani mwimwi atu ayi a chivyazi hichi msiokala aaminifu. Mmanye kukala mimi, Mutu Yela Mlunguni, ndakpwedza phamwenga na malaika, na utukufu ulao kpwa Baba. Mutu yeyesi ndiyenionera waibu, na kuonera haya maneno gangu wakati hinyu, nami nindamuonera haya wakati ndiphokpwedza.”

Johana 17:3

Na hinyo uzima wa kare na kare ni kukumanya uwe, Mlungu wa kpweli, Mlungu macheye, na kunimanya mimi, Jesu Masihi, uriyenihuma himu duniani.

Mahendo 24:9

Ayahudi aunga mkpwono higo mashitaka, na achiamba higo gosi ni ga kpweli.

Arumi 1:16

Hizo habari nono ni uwezo wa Mlungu wa kuokola atu osi akuluphirao, mwandzo ni Ayahudi na phiri ni atu asio kala Ayahudi. Phahi mino siona haya hata chidide kuzitangaza,

Arumi 1:28

Tsona, atu hinyo arema ilimu ya kpweli kuhusu Mlungu, ndipho naye Mlungu achiaricha alunge maazo gao mai. Nao achihenda mambo ambago tagafwaha kuhendwa.

Arumi 3:13

“Miro zao ni dza mbira za wazi, anahumira ndimi zao kugomba handzo.” “Mwao miromoni nkutuluka maneno makali dza sumu ya tsakapala.”

1 Akorintho 15:34

Hebu lamukani na mriche kuhenda dambi. Mana anjina enu taamanya Mlungu ambapho ni waibu sana kpwenu.

Afilipi 1:28

Msiogophe atu ambao anakupingani. Kusaogopha kpwenu ni dalili ya wazi kukala atu hinyo andaangamizwa, ela mwimwi mundaokolwa. Mlungu mwenye ndiye agahendaye.

2 Timothi 3:13

Ela atu ayi na alimu a handzo andaenderera kuchenga ayawao na kuchengbwa, nao andazidi kukala ayi.

Juda 1:3

Asena angu, nákala na mpango wa kukuandikirani kuhusu wokofu hunaoshiriki phamwenga. Ela náona ni lazima nikuandikireni kukutiyani moyo ili mrinde mafundzo ga habari nono kuhusu Jesu. Hizo habari, Mlungu wazilavya kpwa atakatifue, nazo zinatosha siku zosi.

Maono 12:11

Kpwa sababu ya milatso ya Mwana ngʼondzi yomwagbwa na ushaidi wao ariolavya, aho aweza kumshinda Shetani. Mana akala tayari kufwa kpwa sababu ya kumkuluphira Jesu.

Aamuli 14:17

Kpwa hivyo achikala anarira wakati a phamwenga naye kpwa muda wa zo siku sabaa za sharee. Ela siku ya sabaa ye mchetu wazidi kumsisitiza na kurira, mwishowe Samsoni wakubali, achimuambira. Naye achiasemurira rira fumbo atue

Aamuli 2:10

Atu osi a chivyazi cha wakati wa Joshuwa asira kufwa, na kuchikala na chivyazi chanjina ambacho tachimanyire Mwenyezi Mlungu wala mahendo arigohendera atu a Iziraeli.

1 Samueli 2:12

Phahi, hinyo ana a Eli kala ni atu ayi asiomjali Mwenyezi Mlungu,