Jeremia 9:2 - Digo Bible

² Naaza kala nina phatu phangu pha kulazira ajeni ko jangbwani, Ningericha atu angu na kuphiya kure nao! Mana osi ni azindzi, ni kundi ra atu a handzo.

Jeremia 9:2 Iomraidhean Croise

Isaya 59:3

Mikono yenu ikatiywa najisi kpwa kuolaga, na mala genu gakatiywa najisi ni makosa, miromo yenu ikagomba handzo, na malilimi genu gakagomba uyi.

Jeremia 12:1

Ee Mwenyezi Mlungu, uwe u wa haki, wakati nkulalamikirapho, ela nalonda nikuuze kuhusu hakiyo: Kpwa utu wani atu ayi nkuongokerwa? Kpwa utu wani atu ayi nkuishi vinono?

Jeremia 12:6

Mana hata nyo nduguzo na atu a nyumba ya sowe, nao piya aho nao akakuhendera mai, akakukotera kululu ra ndiro. Usiakuluphire tsetsetse, dzagbwe anakuambira maneno manono.”

Jeremia 13:22

Na mo mwako moyoni uchiamba, “Kpwadze nkafikpwa ni mambo higa?” Mambo gaga gakahendeka kpwa sababu ya uyio ndiyo mana nguwoyo ikasegbwa na kuhendwa vibaya.

Jeremia 23:10

Mana atu a yo tsi si aaminifu Maisha gao ni mai chisha anahumira uwezo wao vibaya. Kpwa sababu ya yo lana tsi inasononeka na go marisa ko weruni gauma.

Jeremia 4:22

“Mwenyezi Mlungu achiamba, atu angu ni azuzu, taanimanya tse; Aho ni anache azuzu, asiomanya rorosi. Atu aho ni anamanya kuhenda mai, ela kuhenda manono taamanya.”

Jeremia 5:1

Zolani mairo kpwenye barabara za Jerusalemu, lolani na mdzionere enye! Chunguzani mo mwakpwe mihalani ichikala mundaona angaa mutu mmwenga, ahendaye haki na aendzaye kpweli ili niswamehe mudzi uhu.

Jeremia 5:11

Mana atu a Iziraeli na a Juda taakakala aaminifu kpwangu, mimi Mwenyezi Mlungu nkaamba.

Jeremia 5:2

Dzagbwe nkuapa akaamba, “Kpwa kpweli dza Mwenyezi Mlungu aishivyo,” ela nkukala taana ukpweli.

Hosea 4:2

Kazi yenu ni kulani, kuchenga, kuolaga, kuiya na kuzinga. Atu ahendao mambo chimabavu, hipha na hipha anaolaga ayawao.

Hosea 5:7

Taakarire aaminifu kpwa Mwenyezi Mlungu, mana avyala ana wa vuweni. Andaangamiza phamwenga na minda yao wakati wa sikukuu za kulumbwa kpwa mwezi.

Hosea 6:7

Aho avundza chilagane dza arivyohenda Adamu, nao taayakala aaminifu kpwangu.

Hosea 7:4

Atu aho osi ni azindzi, ni dza dziko ra kuochera mikahe, ambaro ye mjiti wa mikahe kana haja ya kuukusanyira hangu kukanda unga hadi unga uumuke.

Mika 6:12

Atue ario matajiri a mudzi wa fujo na enyezie ana handzo aho anagomba handzo.

Zefania 3:4

Manabiige ni ajeuri na a handzo. Alavyadzie-sadaka akatiya najisi pho phatu phatakatifu na kuvundza shariya za Mlungu.

Malaki 2:11

Atu a Juda taakakala aaminifu kpwa Mlungu. Anahenda mambo ga kutsukiza hiko Jerusalemu na katika tsi ndzima ya Iziraeli. Akaphatiya najisi phatu phatakatifu aphamendzapho Mwenyezi Mlungu kpwa kulóla achetu avoyao vizuka.

Malaki 2:14

Ela mwi munauza munaamba, Ni kpwa utu wani kaphokera sadaka zehu? Ni kpwa kukala Mwenyezi Mlungu wakala shaidi wa chilaganecho na mcheo wa uhanani. Ukakala siwe muaminifu kpwakpwe dzagbwe ndiye myao wa chitseko na ngʼandzi na ndiye mcheo wa ndowa.

Jakobo 4:4

Mwi adiya! Tammanya kala kumendza dunia ni kumzira Mlungu? Mutu yeyesi adzihendaye msena wa dunia, anakala adui wa Mlungu.

Aamuli 2:10

Atu osi a chivyazi cha wakati wa Joshuwa asira kufwa, na kuchikala na chivyazi chanjina ambacho tachimanyire Mwenyezi Mlungu wala mahendo arigohendera atu a Iziraeli.