Jeremia 9:18 - Digo Bible

¹⁸ Naahende wangbwi edze ahusononekere ili matso gehu gatuluze matsozi na madzi gandatuluka kula mwehu matsoni.

Jeremia 9:18 Iomraidhean Croise

Zaburi 119:136

Matsozi gananimwagika kpwa vira ambavyo shariyazo tazigbwirwa.

Isaya 22:4

Kpwa sababu iyo ninaamba, “Galuza usoo usinilole, niphahe kurira kpwa sonono. Usidzishuulishe kuniphoza marenda kpwa sababu ya kubanangbwa kpwa atu angu.”

Jeremia 13:17

Ela ichikala tamundaphundza, roho yangu indarira chisiri-siri kpwa sababu ya ngulu zenu, nindarira kpwa utsungu na kumwagikpwa ni matsozi, mana mangʼondzi ga Mwenyezi Mlungu gakahalwa mateka.

Jeremia 14:17

Aambire hivi, ‘Richa nimwagikpwe ni matsozi usiku na mutsi, bila ya kusira, mana mwanamwali, yani atu angu akalumizwa vibaya, akapigbwa pigo risiropigbwa mutu.

Jeremia 3:24

“Ela hangu hu adide hendo hiri ra waibu rikaangamiza ana ehu alume na achetu phamwenga na chila chitu ambacho chaphahikana kpwa jasho ra akare ehu: vyaa vya mangʼondzi, mbuzi na ngʼombe.

Jeremia 3:25

Nahulale photsi kpwa waibu hurio nao na waibu wehu ukale wazi, mana hukamuhendera dambi Mwenyezi Mlungu, Mlungu wehu, swiswi na baba zehu hangu hu adide hadi rero. Tahuyaishimu sauti ya Mwenyezi Mlungu, Mlungu wehu.”

Jeremia 4:20

Mafwa bada ya mafwa, tsi yosi ikakala wekee. Mara mwenga mahema gangu gakabanangbwa, vyandaruwa vyangu vikauswa.

Jeremia 6:26

Mwi atu angu, vwalani magunia, na mgalegale ivuni, rirani dza mutu achiyefwererwa ni mwanawe wa chilume wa macheye, mana ye mʼbanangi andakpwedza gafula.

Jeremia 7:29

Atu a Jerusalemu, nyolani nyere zenu mzitsuphe, kuonyesa kukala muna sonono rirani dzulu za myango mana mimi Mwenyezi Mlungu nkakuremani mwimwi murio chivyazi chiricho sababisha tsukizi zangu.’

Jeremia 9:1

Naaza kala chitswa changu chingekala dza chisima cha madzi na matso gangu gakakala chemichemi ya matsozi, ningesinda na kuchesa kurira kpwa sababu ya atu angu achioolagbwa!

Jeremia 9:10

Nindatulukpwa ni matsozi kpwa kuririra yo myango, na kusononekera nyasi za jangbwani, mana zindabanangbwa na takuna ndiyetsapira, na ngʼombe tazindasikirwa zichirira tsona Nyama a mapha na nyama a tsakani akachimbira na kuzirimika.

Jeremia 9:20

Mwi achetu, phundzani neno ra Mwenyezi Mlungu, na muhege masikiro musikire akaambadze. Afundzeni ana enu achetu kurira, na chila mutu afundze jiraniwe wira wa sonono.

Sonono za Jeremia 1:2

Iye nkurira sana wakati wa usiku, matsozi gakajera mwakpwe mafundani. Kahi ya azembee osi taphana wa kumphoza marenda, asenae osi amsalata, aho akakala maaduige.

Sonono za Jeremia 2:11

Matso gangu gakaremwa kpwa kurira, roho yangu ikachafuka. Moyo wangu unafwa purungire kpwa sonono kpwa sababu ya kubanangbwa kpwa mwana mchetu wa atu angu, kpwa kukala anache na ana atsanga anahirika mo njira-njira za nyo mudzi.

Sonono za Jeremia 2:13

Nigombeni kukuhusu? Nikulinganishe na chitu chani, uwe mwana mchetu wa Jerusalemu? Nikulinganishe na utu wani, ili niweze kukuphoza marenda, we mwanamwali, mwana mchetu wa Sayuni? Mana chirondacho china chivwa dza cha bahari. Ni ani awezaye kukuphoza?

Sonono za Jeremia 2:18

Mioyo ya atu inamririra Mwenyezi Mlungu. Uwe ukuta wa mwana mchetu wa Sayuni, richa matsozigo gajere usiku na mutsi dza muho. Usioye tse, matsogo nagasiriche kulavya matsozi.

Sonono za Jeremia 3:48

Matso gangu ganaparariza myuho ya matsozi kpwa sababu ya kubanangbwa kpwa atu angu.

Amosi 5:16

Kpwa sababu iyo, ye Mwenyezi Mlungu, Mlungu wa majeshi, anaamba, “Kundakala na chiriro chila muhala wa mudzi na chila barabara aambe, ‘Maye! Maye!’ Andaiha akurima phamwenga na arirao kpwa maripho, aririre ariofwa.

Luka 19:41

Jesu ariphofika phephi na Jerusalemu na kuona hinyo mudzi, wauririra