Jeremia 9:15 - Digo Bible

¹⁵ Kpwa hivyo ye Mwenyezi Mlungu, Mlungu wa majeshi, Mlungu wa Iziraeli anaamba, “Lola, nindaarisa atu aha chakurya cha utsungu na nianwese madzi ga sumu.

Jeremia 9:15 Iomraidhean Croise

Zaburi 60:3

Ukahenda atuo agaye, hunayumba-yumba dza atu achiolewa uchi wa zabibu.

Zaburi 69:21

Anirisa sumu kama chakurya, na achininwesa digbwa ili kuniusira chiru.

Zaburi 75:8

Mwenyezi Mlungu akagbwira chikombe mkpwononi chi tele uchi mufu ufurikao fulo, uchiotsanganywa na vilungo, ambao ni tsukizi za Mlungu andaamwagira atu ayi na osi andaunwa, ee, andaunwa hadi tone ra mwisho.

Zaburi 80:5

Ukahenda matsozi gakale chakurya chehu, na ukahunwesa matsozi bakuli tele.

Isaya 2:17

Kudzikarya kpwa mwanadamu kundatserezwa na kudzikudula kpwa anadamu kundauyizwa photsi. Mwenyezi Mlungu macheye ndiye ndiyetogolwa siku hiyo,

Isaya 2:22

Usimkuluphire mwanadamu, ambaye si chochosi dza pumuzi. Vino mwanadamu andakuterya na utu wani?

Jeremia 23:15

Kpwa hivyo kuhusu nyo manabii, Mwenyezi Mlungu, Mlungu wa majeshi anaamba, “Nindaahenda arye vyakurya vya utsungu na kunwa madzi ga sumu, kpwa sababu kula kpwa manabii a Jerusalemu kusamuogopha Mlungu kukagota kosi.”

Jeremia 24:10

Chisha nindaahenda aolagbwe na upanga, ndzala na makongo mai hadi asire tse kpwenye tsi nriyoapha, aho na ise zao.’ ”

Jeremia 25:15

Phahi higa ndigo Mwenyezi Mlungu, Mlungu wa Iziraeli arigoniambira, “Hala chichi chikombe cha uchi wa tsukizi, ukaaphe nyo atu a mataifa ganjina gosi ambago nkakuhuma uphiye, ukaaphe anwe.

Jeremia 44:27

Mana naalola ili niahende mambo mai wala si manono. Atu osi a Juda ario Misiri andaolagbwa na upanga na ndzala hata asire.

Jeremia 49:37

Nindatishira Elamu mbere za maadui ao na mbere za nyo aendzao uhai wao. Nindaahenda mambo mai dzulu yao kpwa tsukizi zangu, Mwenyezi Mlungu anaamba. Nindaalunga na upanga hadi niamale osi.

Jeremia 8:14

Ndipho atu achiamba, “Kpwa utu wani hunasagala phano huhurire? Nahukusanyikeni, huchimbirire midzi iriyo na ngome hukafwerere kuko; mana Mwenyezi Mlungu, Mlungu wehu akahupangira hukafwe akahupha madzi ga sumu hunwe mana hukahenda dambi mbere za Mwenyezi Mlungu.

Sonono za Jeremia 3:15

Iye akaniodzaza na utsungu, na kunilazimisha kumiza subiri.

Sonono za Jeremia 3:19

Kutambukira mateso na kudengereka kpwangu, kunanitiya utsungu dza subiri na chihumbo utsungu!

Ezekieli 5:12

Seemu mwenga ya tahu andafwa na makongo na ndzala kahi yenu. Seemu mwenga ya tahu andaolagbwa na upanga kondze ya kuta zenu na seemu yanjina ya tahu ndaatsamula chila uphande na niatuluzire upanga wangu niazorese.

Ezekieli 5:2

Siku za kuzangirwa Jerusalemu zichisira, undaocha seemu mwenga ya tahu ya zo nyere kahi-kahi ya nyo mudzi. Undahala seemu mwenga ya tahu ya zo nyere uzikate na upanga kuzunguluka nyo mudzi, na seemu ya tahu undaitsamula iphepheruswe ni phuto. Mana ndaazoresa kuno nkagbwiririra upanga.

Kumbukumbu 28:36

“Mwenyezi Mlungu andakuphirika uwe na mfalumeo ndiyedzitsamburira, kpwenye taifa usirorimanya uwe wala akareo. Na hiko mundahumikira milungu yanjina ya mihi na mawe.

Kumbukumbu 29:18

Hakikishani kukala taphana mlume, mchetu, mryango au mbari yoyosi yiimireyo hipha rero ndiyomricha Mwenyezi Mlungu, Mlungu wehu, ili kuhumikira milungu ya mataifa ganjina. Dzambo hiri rindakala kama muzi ndiotsephula na kuvyala matunda ga utsungu genye sumu.

Maono 8:11

Hiro dzinyenyezi kala rinaihwa Utsungu, naro ragaluza seemu ya madzi gachikala utsungu. Phahi atu anji afwa kpwa sababu madzi kala ga utsungu.