Jeremia 8:22 - Digo Bible

²² Dze, takuna dawa za mavune ko Giliadi? Dze, takuna mgbwanga ko? Kpwa utu wani atu angu taadzangbwephola?

Jeremia 8:22 Iomraidhean Croise

Mwandzo 37:25

Wakati nduguze Yusufu kala asegere anarya, aona likongo ra atu a Isimaili, ahendadzi-bishara ala Giliadi anaphiya Misiri. Ngamia aho kala akatsukula vilungo vya kujitira, dawa ya mavune na uvumba.

Mwandzo 43:11

Ndipho ise yao achiamba, “Ichikala ni lazima aphiye, phahi hendani hivi: Halani vitu vinono-vinono kula ku kpwehu, mumphirikire zawadi hiye mkpwulu. Halani dawa chache ya mavune, asali chache, vilungo vya kujitira, uvumba na mbeyu za mtswano, yani jozi na lozi.

Jeremia 14:19

Dze, Juda ukarema tsetsetse? Dze, moyoo ukatsukizwa ni Sayuni? Kpwa utu wani ukahupiga vino hata tahuweza kuphola? Hwatazamiya amani, ela tahuyionere, hwatazamiya kuphola, badalaye hwaphaha vitisho.

Jeremia 22:6

Mana Mwenyezi Mlungu anaamba hivi kuhusu dzumba ra mfalume wa Juda: Uwe u dza tsi nono ya Giliadi kpwangu, dza myango ya Lebanoni, ela kpwa kpweli ndakuhenda ukale jangbwa, mudzi usio na atu a kuusagala.

Jeremia 46:11

Kpwera Giliadi ukahale dawa za mavune, uwe mwanamwali wa Misiri! Ela unahumira mihaso minji bure, na taphana ndiokuphoza.

Jeremia 51:8

Babeli ikagbwa gafula na ikavundzika. Iririreni! Kaiendzereni dawa ya mavune, mendzerepho andaphozwa.

Jeremia 6:7

Dza chisima chiikavyo madzige swafi ndivyo mudzi uhu uikavyo uyiwe, fujo na kubananga kunasikirwa mo mwakpwe ndani, makongoge na marondage ga mbere yangu chila wakati.

Jeremia 9:1

Naaza kala chitswa changu chingekala dza chisima cha madzi na matso gangu gakakala chemichemi ya matsozi, ningesinda na kuchesa kurira kpwa sababu ya atu angu achioolagbwa!

Jeremia 9:11

Nindahenda Jerusalemu ikale tsumbi ya dzala na pango ra makala, tsona ndahenda midzi ya Juda iangamizwe hata kusisagale mutu.

Sonono za Jeremia 2:13

Nigombeni kukuhusu? Nikulinganishe na chitu chani, uwe mwana mchetu wa Jerusalemu? Nikulinganishe na utu wani, ili niweze kukuphoza marenda, we mwanamwali, mwana mchetu wa Sayuni? Mana chirondacho china chivwa dza cha bahari. Ni ani awezaye kukuphoza?

Ezekieli 27:17

Juda na tsi ya Iziraeli zahenda bishara nawe, aho akakaniza vituvyo na nganu kula Minithi, muhama, asali, mafuha na dawa ya mavune.

Isabu 32:1

Atu a mbari ya Rubini na ya Gadi akala na mifugo minji sana. Phahi, ariphoona kukala tsi ya Jazeri na Giliadi kala inafwaha kpwa mifugo yao,

Luka 8:43

Mo kundini, kala muna mchetu mmwenga, ariyekala mkpwongo wa mruwo kpwa miaka kumi na miiri. Naye wamala aganga na malize zosi wala takuna yemphoza.