Jeremia 6:23 - Digo Bible

²³ Ana maha na mafumo, ni jaili na taana mbazi, ana mvumo dza maimbi ga bahari, wakati akapanda farasi ao, akadzipanga dza mutu ariye tayari na viha, kupigana na uwe Jerusalemu!”

Jeremia 6:23 Iomraidhean Croise

Isaya 10:32

Rero maadui gakaima mudzi wa Nobu na ganajeza ngumi mwango wa Sayuni urio Jerusalemu.

Isaya 13:18

Hinya andaolaga mabarobaro na maha. Taandaaonera mbazi ana atsanga wala anache adide.

Isaya 17:12

Phundzani mngurumo wa atu anji, anavuma dza bahari! Atu a mataifa anarira, anavuma dza madzi manji.

Isaya 19:4

Nindaatiya Amisiri mkpwononi mwa mutu jaili, andatawalwa ni mfalume msiru.” Mwenyezi Mlungu, Mlungu wa majeshi akagomba.

Jeremia 25:32

Mwenyezi Mlungu, Mlungu wa majeshi anaamba: “Lola, mafwa garedza na kuphaha chila taifa mwenga hadi ranjina, na phuto kali rinazuka kula seemu za kure duniani!”

Jeremia 25:9

phahi, ndahuma makabila gosi ga tsi ya vurini na mtumishi wangu Nebukadineza mfalume wa Babeli. Nami nindahenda apige tsi ihi na osi akalao mumo na mataifa ganjina jirani. Mimi nindakuangamizani tse na kukuhendani mkale atu a kuzemererwa na a kuberwa hata kare na kare. Mimi Mwenyezi Mlungu nkaamba.

Jeremia 30:14

Asenao na azembeo osi akakuyala, taakujali kpwa chochosi. Mana nkakupiga dza adui apigavyo, pigo ra mviha asiye na mbazi, kpwa sababu kosaro nkulu dambizo ni nyinji sana.

Jeremia 4:13

Lola, adui aredza dza maingu, magarige ga kuvwehwa ni farasi ni dza chikulukulu, farasie ni epesi kuriko makozi. Shauri yehu, mana hukabanangbwa-banangbwa!

Jeremia 4:16

Gamanyiseni go mataifa mambo higa, aambireni atu a Jerusalemu, “Avamizi andakpwedza kula tsi za kure, andakotera kululu midzi ya Juda.

Jeremia 4:29

Ndiphosikira misindo ya anajeshi akuhumira farasi na atu a maha atu a chila mudzi andachimbira. Anjina andachimbirira tsakani, anjina akapande myambani. Midzi yosi indarichwa wekee, taphana mutu ndiyesagala mumo.

Jeremia 5:16

Anajeshi ahumirao mivi ni hatari kpwa kuolaga osi ni masujaa a viha.

Jeremia 50:41

Mwenyezi Mlungu anaamba, “Lola, jeshi riredza kula tsi ya vurini, taifa kulu na afalume anji anafyakatsirwa kula mwisho wa dunia.

Jeremia 50:42

Ana silaha za maha na mafumo, ni majaili na taana mbazi, ana mvumo dza maimbi ga bahari, wakati akapanda farasi ao, akadzipanga dza mutu ariye tayari na viha, kupigana na uwe mwana mchetu wa Babeli!

Jeremia 6:4

Dziikenito mkapigane naye, unukani hukapigane naye mutsi! Ela mundamanya enye, mana kunatswa, mana vivuri-vuri vya dziloni vikaandza kukala vire!

Jeremia 8:16

Sauti za farasi aho zinasikirika kula mudzi wa Dani. Miriro ya farasi a viha, inasumbisa tsi na vyosi virivyo mumo. Aredza abanange tsi na vyosi virivyo mumo, nyo mudzi na osi asagalao mumo.”

Ezekieli 21:31

Nindakutsukirirwa na niase moho wangu wa tsukizi chinyumecho. Nindakulavya kpwa atu majaili anaomanya kubananga.

Kumbukumbu 28:49

“Mwenyezi Mlungu andareha taifa kula kure rikushambuliye. Rindakpwedza kula pembe za dunia, na mwendo wa kasi dza kozi, taifa ambaro kurimanya lugaye.