Jeremia 6:12 - Digo Bible

¹² Nyumba zao zindahewa atu anjina, minda yao na achetu aho dza vivyo, mana nindagolosa mkpwono wangu kuapiga nyo asagalao tsi hiyo, mimi Mwenyezi Mlungu nkaamba.”

Jeremia 6:12 Iomraidhean Croise

1 Nyakati 21:16

Daudi waunula matsoge achimuona ye malaika wa Mwenyezi Mlungu aimire kahi-kahi ya dzulu mlunguni na duniani, naye kala akatuluza upanga na akaugolosera Jerusalemu. Ndipho Daudi phamwenga na atumia achidzibwaga chimabumabu, kuno akavwala nguwo za magunia.

Isaya 10:4

Mundahalwa mateka, au mufwe vihani. Na bado Mwenyezi Mlungu andakala achere na tsukizi, na andaenderera kuitiya adabu Iziraeli.

Isaya 5:25

Kpwa hivyo Mwenyezi Mlungu watsukizwa ni atue, achigolosa mkpwonowe achiapiga na kuabwaga. Myango yasumba na nyufu zao zichikala dza uchafu barabarani. Hata bada ya higa gosi, tsukizize tazidzangbwedigirika na mkpwonowe uchere goloka chinyume chao.

Isaya 9:12

Wahuma Aaramu kula mlairo wa dzuwa na Afilisti kula mtswerero wa dzuwa achedzashambuliya Iziraeli na kuimiza yosi, na bado Mwenyezi Mlungu achere na tsukizi, na andaenderera kuitiya adabu Iziraeli.

Isaya 9:17

Kpwa hivyo Mwenyezi Mlungu kahamirwa ni barobaro aho wala kaaonera mbazi anachiya na magungu, mana osi taamendze Mlungu na akakala ayi, osi anagomba mai. Na bado Mlungu akatsukirwa na mkpwonowe u tayari kuatiya adabu.

Isaya 9:21

Mbari ya Manase na ya Efuraimu zashambuliyana alafu zichiungana na kuvamia Juda. Ela bada ya higo gosi Mwenyezi Mlungu bado akaatsukirirwa na andaenderera kuatiya adabu Aiziraeli.

Jeremia 15:6

Mwimwi mwanirema, Mwenyezi Mlungu anaamba, munaenderera kuuya nyuma, kpwa vivyo nikakugoloserani mkpwono na kukuangamizani, nikaremwa kuvumirira.

Jeremia 21:5

Mi mwenye ndapigana namwi kpwa nguvu zangu zosi na tsukizi nyinji kpwa sababu mkanireyeza.

Jeremia 38:22

Achetu osi achiosala kpwenye dzumba ra mfalume wa Juda andaphirikpwa kpwa vilongozi a mfalume wa Babeli. Nao nyo achetu andaamba, ‘Atu uaaminio akakuchenga agbwira njira zao; kpwa vira magulugo gakazikika matopeni, asenao akakuricha.’

Jeremia 38:23

“Acheo na anao osi andalaviwa kpwa Akalidayo. Na hata uwe mwenye kundaweza kuchimbira kula mwao mikononi, ela undagbwirwa ni mfalume wa Babeli na mudzi uhu undaochwa.”

Jeremia 7:20

“Kpwa hivyo Mwenyezi Mlungu anaamba, ‘Kureya kpwangu na tsukizi zangu zindamwagbwa phatu phapha, dzulu ya atu na nyama, dzulu ya mihi ya mindani na matunda ga weruni. Gandaaka na moho nao taundazimwa tse.’ ”

Jeremia 8:10

Kpwa hivyo nindalavya achetu ao kpwa atu anjina na minda yao ndaipha ajeni. Kpwa sababu kula mdide hata mvyere chila mmwenga ni mtoni kpwa kuphaha gasigo ga haki; kula nabii hadi mlavyadzi-sadaka osi taahenda ga ukpweli.

Sonono za Jeremia 2:8

Mwenyezi Mlungu wakata shauri kubomola ukuta wa mwana mchetu wa Sayuni. Iye wahumira mkpwowa wa kupimira naye kayausa mkpwonowe wakati anabomola. Wahenda nyo ukuta wa kondze na wa ndani usononeke, zosi mbiri zabomolwa phamwenga.

Sonono za Jeremia 3:3

Kpwa kpweli akagaluza mkpwonowe chinyume changu kano nyinji, mutsi wosi.

Sonono za Jeremia 5:11

Achetu agbwavukirwa ko Sayuni, na anamwali kahi ya midzi ya Juda.

Sonono za Jeremia 5:2

Urisi wehu ukahewa ajeni, nyumba zehu zikalaviwa kpwa ajeni.

Sonono za Jeremia 5:3

Hukakala anachiya, asio na baba, mayo zehu ni magungu.

Ezekieli 35:3

nawe uambe, ‘Mwenyezi Mlungu anaamba hivi: Lola, mimi ni chinyumecho, mwango Seiri, nami ndagolosa mkpwono wangu chinyumecho, nami ndakuhenda ukale gandzo huphu.

Ezekieli 7:24

Nindahenda taifa ranjina iyi sana rihale nyumba zao; nindasisa kudzikarya kpwao na mwatu mwao mtakatifu mundatiywa najisi.

Mika 2:4

Siku iyo atu andakutungirani wira wa sonono wa kukunyeterani nao andaamba, ‘Hukaangamizwa tsetsetse, Mwenyezi Mlungu akaganya vitu vya atu angu. Iye akanifuta mtalo hinyo, na minda yehu akaipha atu ario uhala mateka.’ ”

Zefania 1:13

Utajiri wao undahalwa zewe na nyumba zao zindabomolwa-bomolwa. Andadzenga nyumba ela taandazisagala, andaphanda mizabibu ela taandanwa uchi wa mizabibu hiyo.”

Zefania 1:4

Ndagolosa mkpwono wangu kupiga atu a Juda na osi asagalao Jerusalemu. Nindausa tsetsetse chila chitu cha Baali kpwenye tsi hino, na takuna ndiyetambukira tsona alavyadzi-sadaka a Baali wala alavyadzi-sadaka a atu angu ariomuhumikira Baali.