Jeremia 51:31 - Digo Bible

³¹ Muhumwa wa habari a mairo kukutana na wanjina, na mjumbe mmwenga kukutana na wanjina, kpwendamuambira mfalume wa Babeli kukala mudziwe ukatekpwa chila uphande.

Jeremia 51:31 Iomraidhean Croise

2 Nyakati 30:6

Ahumwa kula kpwa Hezekiya na akulue aphiya chila phatu hiko Iziraeli na Juda, sawa-sawa na amuri ya mfalume yokala ikaandikpwa baruwani ziambayo, “Mwi atu a Iziraeli, muuyireni Mwenyezi Mlungu, Mlungu wa Burahimu, Isaka na Iziraeli naye aphahe kuauyira mwimwi muriosala na muriotiya kula kpwa mikono ya mfalume wa Ashuru.

Esta 8:10

Kpwa hivyo baruwa za uamuli zichiandikpwa kpwa dzina ra mfalume Ahasuero, zichipigbwa muhuri wa hiye mfalume na zichiphirikpwa ni ahumwa ariophiya na farasi aphiyao mairo sana ahumirwao kpwa kazi ya mfalume tsona ariovyalwa chaani mwa mfalume.

Esta 8:14

Kpwa sababu ya lagizo ra mfalume, hinyo ahumwa kpwa kuhumira farasi a mfalume, azola mairo mara mwenga kuphirika baruwa za uamuzi na achifika hadi Susa mudzi uriokala na nyumba ya mfalume.

Ayubu 9:25

Maisha gangu ga mairo kuriko azolaye, ganachimbira bila kuona manono.

Jeremia 4:20

Mafwa bada ya mafwa, tsi yosi ikakala wekee. Mara mwenga mahema gangu gakabanangbwa, vyandaruwa vyangu vikauswa.

Jeremia 50:2

“Semani na mtangazire mataifa ganjina, unulani chibao mutangaze msifwitse chochosi, ela ambani: ‘Babeli ikahalwa mateka, Beli akagbwizwa haya, Merodaki anaogofyerwa. Vizukavye vikatiywa waibu.’

Jeremia 50:24

Nákuhegera muhego uwe Babeli, uchigbwirwa bila kumanya. Nawe waonewa uchigbwirwa, mana wapingana na Mwenyezi Mlungu.

Jeremia 50:43

Mfalume wa Babeli wasikira ripoti yao, mikonoye ichirejera; achigbwirwa ni utsungu, dza wa mchetu alondaye kudzivugula.

Jeremia 51:32

Vivuko vikavamiwa, nayo mikangaga ikatiywa moho, na nyo anajeshi akagbwirwa ni chiwewe.

Danieli 5:30

Usiku uho Belishaza, mfalume wa Kalidayo achiolagbwa.