Jeremia 51:16 - Digo Bible

¹⁶ Atuluzapho sauti, madzi nkuvuma ko mlunguni, nkuhenda guro rikapanda kula pembe za tsi. Nkumeka limeme wakati wa mvula, na kureha phuto kula kpwenye nyumbaze za kuikira akiba.

Jeremia 51:16 Iomraidhean Croise

Mwandzo 8:1

Halafu Mlungu wamtambukira Nuhu na nyama osi okala nao himo melini; achireha phuto duniani na gara madzi gachiandza kuphunguka.

Ayubu 37:13

Mlungu nkuhenda higa duniani, ili kutiya atu adabu, au kuonyesa mendzwaye.

Ayubu 38:22

Dze, wainjira vyo vitsaga vya barafu, au kuona vitsaga vya mvula ya mawe?

Ayubu 40:9

We una mkpwono dza wa Mlungu, na kutuluza sauti ya kunguruma dza yakpwe?

Zaburi 104:7

Ela uriphogademurira, madzi higo gazola, gariphosikira kungurumako, gajera upesi.

Zaburi 135:7

Iye ndiye ahendaye maingu gakazuka, chila pembe za dunia atengezaye limeme ra mvula, na kureha phepho kula kpwenye nyumbaze za kuika hazina.

Zaburi 147:18

Chisha nkugomba neno gakatsatsamuka, akavumisa phutore, na madzi gakajera.

Zaburi 18:13

Chisha Mwenyezi Mlungu wapiga msindo ko mlunguni, iye Ariye Dzulu Kuriko Vyosi wakota kululu, na kuchinya mvula ya mawe na makala ga moho.

Zaburi 46:6

Mataifa ganjina gatsanganyikirwa, falume zikapendulwa; achinguruma, dunia inamomonyoka.

Zaburi 68:33

Muimbireni iye atsupaye mlunguni, Mlungu wa kare na kare, analavya sautiye, sautiye ya nguvu.

Zaburi 78:26

Iye wasababisha phepho ra mlairo wa dzuwa ripige kula mlunguni, na kpwa uwezowe achituluza phepho ra mwakani.

Kutsama 10:13

Phahi Musa waunula ndataye dzulu ya yo tsi ya Misiri, na Mwenyezi Mlungu achireha phuto kula mlairo wa dzuwa, richipiga mutsi wosi na richichesa kupiga. Kuriphocha, rira phuto richikala rikareha ndzije.

Kutsama 10:19

Hipho Mwenyezi Mlungu wagaluza rira phuto richikala phuto kali sana, ra kula mtswerero wa dzuwa. Phuto hiro rakusanya ndzije na richiaphirika Bahari ya Shamu. Takuna hata ndzije mmwenga yesala tsi yosi ya Misiri.

Kutsama 14:21

Ndipho Musa wagolosa mkpwonowe dzulu ya bahari, na usiku wosi Mwenyezi Mlungu wareha phuto kali kula mlairo wa dzuwa. Phuto hiro rahendesa madzi ga bahari gaganyike hiku na hiku, na pho kahi-kahi phachikala tsi kavu.

Ezekieli 10:5

Na sauti ya mapha ga makerubi yaweza kusikirwa hadi muhala wa kondze, nayo kala i dza sauti ya Mlungu Mwenye Nguvu Zosi anaphogomba.

Amosi 9:7

“Dze, mwi kpwangu simwi dza Akushi, mwi atu a Iziraeli,” Mwenyezi Mlungu anaamba. “Dze, mino siyatuluza Aiziraeli kula tsi ya Misiri, na Afilisti kula Kafutori na Aaramu kula Kiri?

Jona 1:4

Sambi ariphokala a charoni, Mwenyezi Mlungu wareha phuto kali hiko baharini. Phuto hiro kala rina nguvu sana nusura meli ivundzike.

Jona 4:8

Dzuwa ririphotuluka Mlungu achireha phepho ra dzoho kula mlairo wa dzuwa uchipiga. Dzuwa kali richimpiga Jona chidide afwe purungire achiamba, “Baha nifwe kabisa kuriko kukala moyo.”