Jeremia 51:14 - Digo Bible

¹⁴ Mwenyezi Mlungu, Mlungu wa majeshi akaapa kpwa dzinare: Nindareha atu anji akuvamie dza ndzije uwe Babeli. Nao andapiga njerejere za ushindi dzuluyo.

Jeremia 51:14 Iomraidhean Croise

Zaburi 105:34

Mlungu walagiza na kuchedza ndzije, na maelufu ga fumbiri,

Jeremia 44:26

Ela sikirani neno ra Mwenyezi Mlungu, mwimwi atu a Juda msagalao tsi ya Misiri: Mwenyezi Mlungu anaamba, lola, nikaapa kpwa dzina rangu kulu, kukala takuna hata mmwenga kahi ya atu a Juda ndiyeapa kpwa dzina rangu kuamba, ‘Dza Mwenyezi Mlungu aishivyo.’

Jeremia 46:23

Aho andatema ro tsakare, dzagbwe tariinjirika. Mana ni anji kuriko ndzije, nao taaolangika, Mwenyezi Mlungu nkaamba.

Jeremia 49:13

Mana nkaapa kpwa dzina rangu, Mwenyezi Mlungu anaamba, kukala mudzi wa Bosira undakala gandzo, utu wa kutisha, wa kuberwa na ndzimo ya kulanira. Nayo midziye indakala magandzo hata kare na kare.”

Jeremia 50:15

Ipigireni kululu za viha chila uphande, iyo ikakubali kuturywa kutaze zikavundzwa na kubwagbwa mana Mwenyezi Mlungu andadziriphiza. Iriphize chisasi, dza vyo irivyohendera anjina.

Jeremia 51:27

Unula chibao cha matangazo kahi ya yo tsi, Piga gunda kahi za mataifa ganjina. Tayarisha go mataifa gampige, Iha mataifa ganjina gedze gampige, taifa ra Ararati, ra Mini na ra Ashikenazi. Tsambulani mkpwulu wa jeshi apigane naye, humani farasi anji dza ndzije.

Joeli 2:25

Nami nindakuuyizirani miaka yosi iriyoriwa ni ndzije angu anji nrioahuma kpwedzarya mimea yenu: yariwa ni maipho ga ndzije akulu na ndzije adide, na ipho ra ndzije anjina na fumbiri.

Amosi 6:8

Mwenyezi Mlungu akaapa kpwa kudzihadza mwenye Mwenyezi Mlungu, Mlungu wa majeshi anaamba, “Natsukizwa ni ngulu za atu a Jakobo na kumena madzumba gao. Nami ndaulavya nyo mudzi wao na vyosi virivyo mumo kpwa maadui gao.”

Aeburania 6:13

Hipho kare, Mlungu ariphomlaga Burahimu, waapa kpwa kudzihadza ye mwenye, kpwa sababu kala takuna ariye mkpwulu kumshinda.

Aamuli 6:5

Aho kala achedza na mifugo yao na mahema gao kpwa unji dza ndzije, aho na ngamia aho kala ni anji sana kpwa hivyo achikala vira edzavyo anabananga yo tsi ya Iziraeli.