Jeremia 5:9 - Digo Bible

⁹ Dze, nisiatiye adabu kpwa mambo higa? Mimi Mwenyezi Mlungu nkaamba. Kpwa utu wani nisiriphize taifa dza rino?

Jeremia 5:9 Iomraidhean Croise

Misemo 6:29

Ndivyo mutu alalaye mkpwaza myawe akalavyo, yeyesi amgutaye mkpwaza myawe andatiywa adabu.

Isaya 1:24

Kpwa hivyo Mwenyezi Mlungu, Mlungu wa majeshi, Mwenye Nguvu Zosi wa Iziraeli, anaamba, “Ndakupigani mwimwi maadui gangu kpwa tsukizi zangu, ndakuriphizani kpwa mai gosi mrigonihendera.

Isaya 57:6

Mtalo wenu u kahi za tsangalawe za deteni. Ukazilavira sadaka ya chinwadzi na sadaka ya mtsere. Dze, nihamirwe ni mambo gago?

Jeremia 23:2

Kpwa hivyo kuhusu nyo arisa amanyirirao atu angu, ye Mwenyezi Mlungu, Mlungu wa Iziraeli anaamba, “Kpwa kukala mkatsamula chaa changu na kuchizola wala tamchiroromere, ndakutiyani adabu kpwa uyi wenu, mimi Mwenyezi Mlungu nkaamba.

Jeremia 32:31

Hangu mudzi uhu udzengbwe hadi rero, mudzi uhu ukanitsukiza, kpwa hivyo ndawuusa phangu matsoni.

Jeremia 44:22

Ye Mwenyezi Mlungu ariphokala kaweza tsona kuvumirira uyi wenu na go mambo ga kutsukiza mrigogahenda, tsi yenu yahendwa ndzimo ya kulanira, ichikala gandzo tsona wekee bila mutu dza irivyo rero.

Jeremia 5:10

“Tsupirani kpwenye minda ya mizabibu na muibanange, ela msiibanange tsetsetse, katani pandaze, mana zizo si za Mwenyezi Mlungu.

Jeremia 5:29

Dze, nsiatiye adabu kpwa mambo higa? Mimi Mwenyezi Mlungu nkaamba, na nsiriphize kpwa taifa dza rino?

Jeremia 6:11

Ndiyo mana ni tele tsukizi za Mwenyezi Mlungu, nikaremwa kuzizuwiya. Mwenyezi Mlungu achiamba, “Zimwagire nyo anache mo njirani, na kpwa nyo mkusanyiko wa barobaro, pharipho na mlume wa mutu na mkpwaza mutu, osi andahalwa, atumia piya andahalwa.

Jeremia 6:6

Mana Mwenyezi Mlungu, Mlungu wa majeshi anaamba, “Katani mihiye mtengeze ngazi za kupandira Jerusalemu. Uhu ndio mudzi ambao ni lazima utiwe adabu, mana u tele kuonerana.

Jeremia 9:8

Malilimi gao ni dza mivi ya sumu, ganagomba handzo wakati wosi, chila mutu anagomba manono na jiraniwe, ela mwakpwe moyoni anapanga kumvamia.

Jeremia 9:9

Dze, nisiatiye adabu kpwa sababu ya mambo higa? Dze, nisiriphize chisasi taifa dza hiri? Mimi Mwenyezi Mlungu nkaamba.

Sonono za Jeremia 3:42

“Hukakosera na kukuasi, nawe kukahuswamehe.

Sonono za Jeremia 4:22

We mwana mchetu wa Sayuni, kutiywako adabu kukasira kandakuricha ko urikotsamizwa kpwa lazima kpwa muda mure. Ela uwe mwana mchetu wa Edomu, dambizo zindafwenulwa, na utiywe adabu.

Ezekieli 7:9

Sindakuonerani mbazi wala kukusazani. Nindakutiyani adabu kulengana na mahendo genu na mambo genu ga kutsukiza. Namwi mundamanya kukala mimi, ndimi Mwenyezi Mlungu, nipigaye.

Hosea 2:13

Nindamtiya adabu kpwa sababu siku hizo iye waniyala achifukizira uvumba Mabaali, achidzipamba pehe na mapambo ganjina, na achilunga azembee,” Mwenyezi Mlungu anaamba.

Hosea 8:13

Ananilavira sadaka na kurya zo nyama za sadaka ela mimi tazinihamira. Mwenyezi Mlungu andatambukira makosa gao, na aatiye adabu kpwa ajili ya dambi zao, nao andauya Misiri.

Alawi 18:25

Tsi yao yatiywa najisi nami nchiitiya adabu kpwa ajili ya dambize, nayo tsi ichirema enyezie.

Alawi 26:25

Nindakureherani viha ili nkutiyeni adabu kpwa kuvundza chilagane. Mchizorera kpwenye midzi yenu, nindakureherani ukongo mui namwi mundatiywa mikononi mwa maadui genu.

Nahumu 1:2

Mwenyezi Mlungu ni mwenye wivu naye nkuriphizira chisasi; iye nkuriphiza chisasi naye ana tsukizi nyinji. Iye nkuriphiza chisasi maaduige na kuendeleza tsukizize kpwa achiommena.

Kumbukumbu 32:35

Ni kazi yangu kuriphiza chisasi, ndariphiza, wakati magulu gao ndiphoereza; mana siku ya janga rao ikafika phephi kubanangbwa kpwao kundafika upesi.

Kumbukumbu 32:43

“Mwi mataifa, shangiliyani na atue, milungu yosi mzamireni mumuabudu. Mana Mwenyezi Mlungu andariphiza chisasi kpwa milatso ya atumishie, anaariphiza chisasi maaduige, andariphiza chisasi hinyo ammenao na kutakasa yo tsi kpwa ajili ya atue.”