Jeremia 5:3 - Digo Bible

³ Ee Mwenyezi Mlungu, uwe ukuendza uaminifu Uwe ukaapiga, ela taasikirire utsungu, waasaga, ela arema kugaluka. Ahenda nyuso zao kukala nyifu kuriko dziwe na kurema kutubu.

Jeremia 5:3 Iomraidhean Croise

Mwandzo 19:34

Siku yolungira, yuya mvyere wamuamba mdidewe, “Dzana usiku mino nálala na baba. Rero usiku piya nahumlevye tsona, nawe ukalale naye ili huendeleze chivyazi chehu naye.”

1 Afalume 13:33

Hata bada ya higa Jeroboamu kayaricha uyiwe, waenderera kutsambula atu a kawaida kukala alavyadzi-sadaka, ahumike mwatu mwa dzulu mwa kulavira sadaka. Mutu yeyesi ariyemendza, mfalume wamtenga kukala mlavyadzi-sadaka wa mwatu mwa dzulu mwa kulavira sadaka.

2 Afalume 1:13

Kpwa kano yanjina tsona, mfalume wahuma mkpwulu wanjina wa anajeshi mirongo mitsano na nyo anajeshie. Mkpwulu wa hahu waambuka mwango, achichita mavwindi mbere za Elija na achimvoya achiamba, “We mutu wa Mlungu, ninavoya utivye maisha gangu na maisha ga hinya ahendadzi-kazio mirongo mitsano.

2 Nyakati 16:9

Kpwa mana matso ga Mwenyezi Mlungu nkulola chila phatu kosi duniani, ili aatiye nguvu hara anaomkuluphira iye chikamilifu. Ukahenda dzambo ra chizuzu nawe kuandzira sambi undakala na viha.”

2 Nyakati 28:22

Hata wakati ariphokala mashakani, mfalume Ahazi waenderera kusakala muaminifu kpwa Mwenyezi Mlungu.

Zaburi 51:6

Uwe unafwahirwa ni mutu ariye mkpweli mwakpwe moyoni, kpwa hivyo nifundza ikima mwangu moyoni.

Zaburi 51:8

Nihenda nihererwe na nisikire raha, Nihenda mimi, uriyenivundza-vundza nikale na raha.

Zaburi 55:20

Myangu wa mwandzo washambuliya asenae, achivundza chilagane chao.

Misemo 21:29

Mutu mui nkudzihenda kajali, ela mutu mwenye haki nkuhenda mamboge kpwa makini.

Misemo 22:12

Mwenyezi Mlungu nkurinda mutu wa marifwa, ela mipango ya atu a handzo nkuivuruga.

Misemo 23:35

Nawe undaamba, “Akanipiga ela sikarumira, akanibumbunda, ela sisikirire tse! Nndalamuka rini mino nkanwe tsona?”

Misemo 27:22

Hata mzuzu uchimphonda chinuni dza matsere kundaweza kumtenganisha na uzuzuwe.

Isaya 26:11

Uwe Mwenyezi Mlungu ukaaunurira mkpwonoo ili uatiye adabu, ela taauona. Ariche aone vira unavyoamendza atuo na agbwirwe ni haya. Moho urioikira maaduigo nauaoche.

Isaya 42:25

Kpwa sababu iyo achiatiya adabu kpwa tsukizize kali, achiaricha apigbwe vihani. Tsukizize zaaka chila uphande dza moho, ela taayaelewa wala taayagatiya manani.

Isaya 48:4

Mana námanya uwe unalikakado, na singoyo taigaluzika, ni nyifu dza chuma, na chilangucho nchifu dza shaba.

Isaya 9:13

Ela hinyo atu ariotiywa adabu taadzangbwetubu na kumuuyira hiye ariyeapiga, wala kumuendza Mwenyezi Mlungu, Mlungu wa majeshi.

Jeremia 15:7

Nikakuphehani na lungo, kpwenye maryango ga midzi ya yo tsi, nindakureherani chiriro na kuangamiza atu angu mana tamukaricha njira zenu mbii.

Jeremia 17:23

Ela phahi, taayaniphundza wala kuhega masikiro gao. Badalaye akala na likakado, taayalonda kuniogopha wala kudzifundza kula kpwangu.”

Jeremia 19:15

“Mwenyezi Mlungu, Mlungu wa majeshi, Mlungu wa Iziraeli anaamba hivi, ‘Lolani nindaahendera atu a mudzi uhu mkpwulu na vidzidzivye chila aina ya mashaka nrigopanga chinyume chao, kpwa kukala ni atu visoto asiomendza kuniphundza.’ ”

Jeremia 2:30

Anao naatiya adabu bure, taalondere kurekebishwa. Mwimwi mwaolaga manabii genu enye kpwa upanga dza simba avwamukiravyo nyama wanjina.

Jeremia 3:3

Ndiyo mana mawasa ga mvula gazuwiywa, na mvula za vuri tazidzangbwenya ela una matso mafu dza ga malaya kuona waibu tse.

Jeremia 32:19

Ushaurio na mahendogo ni makulu. Uwe unaona gosi gahendwago ni anadamu, uwe ukutuza chila mutu kulengana na tabiyaze na mahendoge.

Jeremia 35:13

“Mimi Mwenyezi Mlungu, Mlungu wa majeshi, Mlungu wa Iziraeli nakuamba phiya ukaambire atu a Juda na a Jerusalemu hivi, ‘Dze tamuweza kugbwira mafundzo na kulunga maneno gangu?

Jeremia 44:10

Aho taadzangbwegbwa maguluni hadi rero wala kuogopha, wala kulunga shariya na amuri zangu ambazo nakuikirani mbere zenu na mbere za akare enu.

Jeremia 7:26

Ela tamuyaniphundza wala kuhega masikiro genu, ela mwazidi kuhenda mai kushinda akare enu.

Jeremia 7:28

Nawe undaambira, ‘Riri ni taifa ambaro tarimphundzire Mwenyezi Mlungu wala kukubali kurekebishwa, kpweli yaangamika nayo taimo tsona mwao kanwani.

Jeremia 8:5

Ni kpwa utu wani atu ano anagaluka? Kpwa utu wani atu a Jerusalemu ananigaluka mara kpwa mara? Akagbwiririra handzo ngi taamendze kuuya bii.

Ezekieli 2:4

Nakuhuma kpwa atu ambao taana haya na enye likakado, ukaambire, ‘Mwenyezi Mlungu anaamba hivi.’

Ezekieli 24:13

“ ‘Kutuzo ni udiyao. Mana najeza kukutakasa ela kuyaera bii, phahi kundaera tsona hadi ndiphoricha kukutsukirirwa.

Danieli 9:13

Chila uyi urioandikpwa kpwenye shariya ya Musa ukahuphaha, ela hadi sambi, ee Mwenyezi Mlungu, Mlungu wehu, tahudzangbwekuhenda uhamirwe kpwa kuricha kuhenda dambi na kulunga kpweliyo.

Alawi 26:23

“Napho bada ya adabu iyo bado tamundaniuyira, ela mzidi kupingana nami,

Amosi 4:10

“Nchikureherani makongo dza nrigophirika Misiri barobaro enu náahenda aolagbwe kpwa upanga nchisababisha farasi enu ahalwe, na nchihenda lovu ra nyufu kpwenye kambi yenu rikuinjireni mwenu pulani ela tamuyaniuyira vivyo,” Mwenyezi Mlungu anaamba.

Amosi 4:11

“Naangamiza midzi yenu yanjina, dza nrivyoangamiza midzi ya Sodoma na Gomora. Nyo ariotiya kala ni dza chinga cha moho chichotuluzwa mohoni, ela tamuyaniuyira vivyo,” Mwenyezi Mlungu anaamba.

Amosi 4:6

“Mimi náhenda midzi yenu yosi ikale na ndzala, nchikuhendani mkose chakurya kahi za mwatu mwenu mosi, ela tamuyaniuyira,” Mwenyezi Mlungu anaamba.

Amosi 4:8

Phahi atu a midzi minji aphiya mudzi mmwenga na kuluphiro ra kuphaha madzi, wala takuyakala na madzi ga kuakola kunwa, ela tamuyaniuyira vivyo,” Mwenyezi Mlungu anaamba.

Amosi 4:9

“Nami nárehera mimea yenu makongo nayo ichiuma, chisha nchireha ndzije achirya minda yenu ya mizabibu, mitini yenu na mizaituni yenu, ela tamuyaniuyira vivyo,” Mwenyezi Mlungu anaamba.

Zefania 3:7

Náamba hivi kuhusu atu a nyo mudzi, ‘Kpwa kpweli andaniogopha na kukubali kukanywa!’ Nao, angehenda vivyo, asingebanangbwa-banangbwa wala nisingeatiya adabu. Ela hamu yao kala ni kpwenderera kuhenda chila aina ya mambo mai.”

Arumi 2:2

Sambi hunamanya kukala uamuli wa Mlungu kpwa atu ahendao mambo mai, ni ya haki.

Aeburania 12:9

Tsona hwakala na baba zehu a himu duniani ariohutiya adabu na bado huchiaishimu. Phahi hunalondwa humuishimu zaidi ye Baba wa roho zehu, ili hukale na uzima.