Jeremia 5:10 - Digo Bible

¹⁰ “Tsupirani kpwenye minda ya mizabibu na muibanange, ela msiibanange tsetsetse, katani pandaze, mana zizo si za Mwenyezi Mlungu.

Jeremia 5:10 Iomraidhean Croise

2 Nyakati 12:4

Wateka midzi yosi ya Juda yokala na ngome, achedza hadi Jerusalemu.

2 Nyakati 36:17

Ndipho Mwenyezi Mlungu achihuma Nebukadineza mfalume wa Babeli kpwendashambuliya Jerusalemu. Nebukadineza waolaga mabarobaro aho ambao kala a phatu phatakatifu, wala kayaonera mbazi mutu yeyesi, si mchetu wala mlume, si mvyere wala mdide. Mlungu waatiya osi mkpwononi mwa Nebukadineza.

Jeremia 2:21

Tsona mimi nakuphanda dza mzabibu mnono, mzabibu wa kupwipwita na wa mbeyu nono. Vino ukagalukadze kukala muhi usiofwaha, mzabibu wa tsakani?

Jeremia 25:9

phahi, ndahuma makabila gosi ga tsi ya vurini na mtumishi wangu Nebukadineza mfalume wa Babeli. Nami nindahenda apige tsi ihi na osi akalao mumo na mataifa ganjina jirani. Mimi nindakuangamizani tse na kukuhendani mkale atu a kuzemererwa na a kuberwa hata kare na kare. Mimi Mwenyezi Mlungu nkaamba.

Jeremia 30:11

Mana ni phamwenga nawe ili nikutivye, mimi Mwenyezi Mlungu nkaamba. Go mataifa ganjina gosi ambago kala nkakutsamula ndagaangamiza tsetsetse ela uwe sindakuangamiza. Sindakuricha bila kukutiya adabu, nindakutiya adabu kpwa haki.

Jeremia 39:8

Nyo Akalidayo aocha dzumba ra mfalume na zo nyumba za atu na achibomola ukuta wa Jerusalemu.

Jeremia 4:27

Mana Mwenyezi Mlungu anaamba, “Tsi yosi indabanangbwa-banangbwa, dzagbwe sindaibananga kabisa.

Jeremia 46:28

Usiogophe, uwe Jakobo mtumishi wangu, mimi Mwenyezi Mlungu nkaamba, mana ni phamwenga nawe. Nindaangamiza mataifa ganjina gosi tsetsetse kosi ambako nakuphirika, ela uwe sindakuangamiza. Ndakutiya adabu chidide tu, sindakuricha bila kukutiya adabu.”

Jeremia 5:11

Mana atu a Iziraeli na a Juda taakakala aaminifu kpwangu, mimi Mwenyezi Mlungu nkaamba.

Jeremia 5:18

Mwenyezi Mlungu anaamba, “Hata siku zizo, sindakumalani tsetsetse.”

Jeremia 5:9

Dze, nisiatiye adabu kpwa mambo higa? Mimi Mwenyezi Mlungu nkaamba. Kpwa utu wani nisiriphize taifa dza rino?

Ezekieli 12:16

Ela achache ao ndaaricha moyo asiolagbwe kpwa upanga, asihirike na ndzala wala asifwe na ukongo. Ili ko ndikophiya kpwenye mataifa ganjina, akatambukire mahendo gao ga kutsukiza; chisha amanye kukala mimi, ndimi Mwenyezi Mlungu.”

Ezekieli 14:17

Au nchireha upanga chinyume cha yo tsi na kuamba, ‘Upanga, tsupa kahi-kahi ya tsi ihi ikale na viha na kuolaga atu na nyama aho mumo,’

Hosea 1:9

Phahi Mwenyezi Mlungu wagomba na Hosea achimuamba, ‘Hiyu muihe Loami, kpwa mana mwimwi simwi atu angu, nami simi Mlungu wenu.’ ”

Amosi 9:8

Lolani, matso ga Mwenyezi Mlungu ganalola ufalume wa dambi wa Iziraeli. Nami ndaubananga na niwuuse duniani isiphokala sindabananga tsetsetse chivyazi cha atu a Jakobo,” Mwenyezi Mlungu anaamba.

Mathayo 22:7

“Mfalume ariphosikira hivyo, watsukirwa sana. Achihuma asikarie akaolage hara atu ayi na kuocha mudzi wao.