Jeremia 49:8 - Digo Bible

⁸ Galukani mchimbire, mwi msagalao Dedani, mkadzifwitse pangani! Nindarehera mashaka atu a chivyazi cha Esau mana wakati wa kuatiya adabu ukafika.

Jeremia 49:8 Iomraidhean Croise

Isaya 2:21

Atu andazorera pangani hiko myambani na kpwenye myanya kahi-kahi ya mawe, kpwa sababu ya kutisha kpwa Mwenyezi Mlungu, na nguma ya endziye, ndiphounuka kusumbisa dunia.

Isaya 21:13

Ruwiya kuhusu Warabuni. Mwi acharo a kula Dedani, mwimwi msagalao tsaka ra Warabuni.

Isaya 34:5

Bada ya upanga wa Mwenyezi Mlungu kuhenda alondavyo hiko dzulu mlunguni, undatserera hadi Edomu, taifa ambaro Mwenyezi Mlungu akapanga kuriangamiza tsetsetse.

Jeremia 25:23

Dedani, Tema, Buzi na osi adirao nyere zao;

Jeremia 46:21

Anajeshi a kukodishwa ario nao, ni dza ndama chizonona. Aho piya akagaluka na kuchimbira phamwenga, taakaweza kuvumirira, mana siku yao ya kuangamizwa ikafika, wakati wao wa kutiywa adabu.

Jeremia 48:28

Mwi enyezi a Moabu, itulukeni yo midzi yenu, mkakale pangani. Kalani dza njiya adzengaye nyumbaye gambani.

Jeremia 48:44

Iye achimbiraye vyo vitisho andagbwa madibwani, na iye ndiyeweza kutuluka dibwani andagbwirwa ni muhego. Mana gaga ndagahendera Moabu mwaka uho wa kutiywa adabu, mimi Mwenyezi Mlungu nkaamba.

Jeremia 48:6

Chimbirani! Tivyani maisha genu! Kalani dza punda wa tsakani!

Jeremia 49:30

Chimbirani, phiyani kure, mkaishi pangani, mwi msagalao Hazori! Mimi Mwenyezi Mlungu nkaamba. Mana Nebukadineza, mfalume wa Babeli akakupangira njama, akakupangira mpango mui.

Jeremia 49:32

Ngamia aho andahalwa zewe, vyaa vyao vya ngʼombe vindatekpwa nyara. Nindaatsamula chila uphande aho anyolao denge, nami nindaahenda mambo mai chila uphande wa pho aripho, mimi Mwenyezi Mlungu nkaamba.

Jeremia 50:27

Tsindzani ndzauze zosi, ziricheni zitserere chitsindzironi. Shaka hiro mana siku yao ikafika, wakati wao wa kutiywa adabu.”

Jeremia 6:1

Chimbirirani usalama, mwi atu a Benjamini, kula kahi-kahi ya Jerusalemu! Pigani gunda hiko Tekoa, onyesani dalili ko Bethi-Hakeremu, mana utu uyi hinyo uredza kula vurini, nyo ubanangi mkpwulu.

Ezekieli 25:13

phahi Mwenyezi Mlungu anaamba hivi: Nindagolosa mkpwono wangu chinyume cha Edomu na niolage atue na nyama ao, na niihende ikale wekee bila atu. Kula Temani hadi Dedani atu andaolagbwa na upanga.

Malaki 1:3

ela Esau námzira. Iyo myango anayosagala, ambayo ndiyo urisiwe, náibananga na kuihenda makalo ga mabawa a weruni.”

Malaki 1:4

Aedomu ambao ndio mbari ya Esau anaamba, “Dzagbwe hwapigbwa na midzi yehu ichibomolwa, hundauya tsona hwedze hugadzenge luphya higo magandzo gehu.” Ela hiye Mwenyezi Mlungu, Mlungu wa majeshi anaamba, “Hata akadzenga tsona, chisha mino ndabomola hadi iyo tsi yao iihwe ‘tsi ya uyi’ na hinyo enye, aihwe ‘atu arioreyerwa ni Mwenyezi Mlungu hata kare na kare.’

Maono 6:15

Alafu afalume himu duniani, na vilongozi na akulu a viha, matajiri na atu a vyeo, phamwenga na atu osi anjina, atumwa na ario huru, adzifwitsa pangani na mawe ga myangoni.

Aamuli 6:2

Ulongozi wa Amidiani wakala wa ukatili munji hadi Aiziraeli achidzitengezera mwatu mwa kudzifwitsa ko myangoni, pangani na kokosi arikoweza kudzifwitsa.

1 Samueli 13:6

Aiziraeli ariphoona kukala a kpwenye shida, (mana atu aogopha), ndipho achidzifwitsa mapangoni, vitsakani, myambani, madibwani na mabirikani.