Jeremia 49:3 - Digo Bible

³ Sononeka uwe Heshiboni, mana mudzi wa Ai ni gandzo! Rirani mwi atu a Raba! Vwalani nguwo za magunia, msononeke na mzole hiku na hiko mo muhalani! Mana mlungu wenu aihwaye Milikomu andatekpwa, phamwenga na alavyadzie-sadaka na vilongozie.

Jeremia 49:3 Iomraidhean Croise

2 Samueli 11:1

Mwaka wanjina uriphoandza, hipho afalume atulukapho kuphiya vihani, Daudi wahuma Joabu, phamwenga na maofisaage na jeshi rosi ra Iziraeli. Wakpwendaangamiza Aamoni na jeshi richizangira mudzi wa Raba. Ela Daudi mwenye wasala Jerusalemu.

1 Afalume 11:33

Nindahenda hivyo kpwa sababu Selemani akaniricha na kuabudu milungu ya chijeni: Ashitorethi mlungu wa Asidoni, Kemoshi mlungu wa Amoabu na Milikomu mlungu wa Aamoni. Iye kalungire njira zangu na kahendere irivyo sawa. Kakatii shariya zangu na malagizo gangu dza ise Daudi arivyohenda.

1 Afalume 11:5

Selemani wamuhumikira Ashitorethi, mlungu mchetu wa Asidoni na Milikomu, mlungu wa Aamoni ambaye kala ni tsukizo.

2 Afalume 23:13

Piya achinajisi phatu pha dzulu pha kuabudu phokala uphande wa mlairo wa dzuwa wa Jerusalemu na kuelekeya uphande wa mwango wa ubanangadzi, phatu Selemani, mfalume wa Iziraeli ariphodzenga kpwa ajili ya Ashitorethi mlungu wa Asidoni, Kemoshi mlungu wa Moabu na piya Milikomu mlungu wa Aamoni ambayo yosi kala ni tsukizo kpwa Aiziraeli.

Ezira 2:28

Atu a mudzi wa Betheli na Ai kala ni magana mairi mirongo miiri na ahahu.

Isaya 13:6

Rirani mana wakati wa uamuli wa Mwenyezi Mlungu ukafika phephi. Uamuli uredza na uwezo wosi wa kuangamiza kula kpwa iye Mwenye Nguvu Zosi.

Isaya 14:31

Kotani kululu himo maryangoni! Rirani himo midzini! Afilisti mosi kakamani kpwa wuoga! Jeshi kulu riredza dza mosi munji kula vurini na tarina hata mutu mmwenga ambaye kaweza viha.

Isaya 15:2

Atu a Diboni akaambuka kuphiya mwatu mwa dzulu mwa ibada kpwendarira Amoabu anaririra myango ya Nebo na Medeba. Osi akanyolwa viphala na kunyolwa vyeru vyao tsetsetse.

Isaya 16:7

Kpwa hivyo Amoabu osi andaririra tsi yao. Nao andarira kpwa sababu ya magande ga zabibu za kuuma za Kiri-Haresethi.

Isaya 23:1

Hino ni ruwiya kuhusu Tiro: Rirani mwi enye meli za Tarishishi! Mana mudzi wa Tiro ukaangamizwa ukasala bila nyumba wala bandari. Habari hizi zamanyikana kula Kupuro.

Isaya 23:6

Vukani mphiye Tarishishi mwimwi msagalao pwani. Rirani kpwa sonono.

Jeremia 4:8

Kpwa hivyo vwalani magunia, sononekani na mrire, mana tsukizi siru za Mwenyezi Mlungu tazidzangbwehuukira.”

Jeremia 46:25

Mwenyezi Mlungu, Mlungu wa majeshi, Mlungu wa Iziraeli waamba, “Lola, nindamtiya adabu Amoni, mlungu wa Thebesi, Farao, Misiri na milunguye na afalumee na aho akuluphirao Farao.

Jeremia 48:2

Tsi ya Moabu taindatogolwa tsona. Ko Heshiboni atu andaipangira njama mbii aambe, ‘Ndzoni hurikomese ro taifa!’ Mwi a koma namwi mundaolagbwa, upanga undakulungani.

Jeremia 48:20

Moabu akagbwirwa ni haya, mana akabanangbwa; gbwira chitswa na urire! Gatangazeni ko muho Arinoni, kukala Moabu ikabanangbwa.

Jeremia 48:37

“Chila mutu akanyola chiphala na cheruche. Chila mutu akadzikata-kata mikononi na akadzifunga magunia vibiruni.

Jeremia 48:7

Kpwa kukala mwakuluphira mahendo genu na utajiri wenu, mwimwi namwi mundahalwa mateka; na mlungu wenu aihwaye Kemoshi andatsamizwa kpwa lazima phamwenga na manabiige na maofisaage.

Jeremia 49:1

Kuhusu Aamoni, Mwenyezi Mlungu anaamba: “Dze Iziraeli taina ana a chilume? Ikale taina mutu wa kurisi? Ni kpwa utu wani atu anaoabudu Milikomu ahale tsi ya Gadi na asagale kahi ya midzi ya Gadi?

Jeremia 51:8

Babeli ikagbwa gafula na ikavundzika. Iririreni! Kaiendzereni dawa ya mavune, mendzerepho andaphozwa.

Jeremia 6:26

Mwi atu angu, vwalani magunia, na mgalegale ivuni, rirani dza mutu achiyefwererwa ni mwanawe wa chilume wa macheye, mana ye mʼbanangi andakpwedza gafula.

Amosi 1:15

Na mfalume wao andatsamizwa kpwa lazima, iye phamwenga na vilongozie,” Mwenyezi Mlungu anaamba.

Zefania 1:5

Nindaangamiza hinyo ambao nkusujudu dzulu ya paa za nyumba kuabudu dzuwa, mwezi na nyenyezi. Nindaangamiza hara anao niabudu na kuapa kpwa dzina ra Mwenyezi Mlungu, ela piya anaapa kpwa dzina ra mlungu aihwaye Milikomu.

Jakobo 5:1

Sambi phundzani mwi matajiri, nakuambirani, rirani na mjute sana kpwa sababu ya mashaka ndigokuphahani!

Joshuwa 7:2

Joshuwa wahuma atue kula Jeriko akapeleleze mudzi wa Ai, urio phephi na Bethi-Aveni uphande wa mlairo wa dzuwa wa mudzi wa Betheli, achiaambira, “Phiyani mkapeleleze yo tsi.” Nao achiphiya kpwendapeleleza mudzi wa Ai.

Joshuwa 8:1

Alafu Mwenyezi Mlungu achimuamba Joshuwa, “Usivundzike moyo wala usikale muoga. Vivi hala jeshi rosi ra Iziraeli na uphiye ukavamie mudzi wa Ai, mana mfalume wa Ai nikamtiya mwako mikononi phamwenga na atue, mudziwe na yo tsiiye.

Joshuwa 8:28

Hipho Joshuwa wauocha mudzi wa Ai achiuhenda ukale tsumbi ya mawe, na achiuhenda gandzo hadi rero.