Jeremia 49:29 - Digo Bible

²⁹ Mahema gao na mifugo yao indahalwa, vyandaruwa vyao, mizigo yao indahalwa, phamwenga na ngamia ao nao atu andaaririra aambe: ‘Ubanangi chila uphande!’

Jeremia 49:29 Iomraidhean Croise

Mwandzo 37:25

Wakati nduguze Yusufu kala asegere anarya, aona likongo ra atu a Isimaili, ahendadzi-bishara ala Giliadi anaphiya Misiri. Ngamia aho kala akatsukula vilungo vya kujitira, dawa ya mavune na uvumba.

Ayubu 1:3

Kala ana mangʼondzi na mbuzi elufu sabaa, ngamia elufu tahu, ngʼombe elufu mwenga za kurima, punda achetu magana matsano na ahendadzi-kazi anji sana. Mutu iye kala ni tajiri sana kuriko atu osi a mlairo wa dzuwa.

Zaburi 120:5

Shaka hiro, kukala mimi nisagala Mesheki dza mjeni, kukala naishi kahi za mahema ga Kedari!

Zaburi 31:13

Nkasikira maadui gangu gachigomba pokopoko, nami naogofyerwa chila uphande. Aho anapanga njama mbii chinyume changu, njama ya kuniolaga.

Isaya 13:20

Tamundakala tsona na atu, tamundasagalwa chivyazi hadi chivyazi. Takuna Mwarabu ndiyechita hemare wala mrisa ndiyetindizha mifugoye.

Isaya 60:7

Vyaa vyosi vya Kedari vindakusanyika ko kpwako, maturume kula Nebayothi undagahumira, gandakubalika dza sadaka dzulu ya phatu pha kulavira sadaka, nami ndaipamba nyumba yangu ya nguma.

Jeremia 10:20

Hema rangu rikabomolwa, na mikowaye ikakatwa-katwa. Anangu akaniricha na taapho tsona taphana achiyesala kunichitira hema na kufunga paziya zangu.

Jeremia 4:20

Mafwa bada ya mafwa, tsi yosi ikakala wekee. Mara mwenga mahema gangu gakabanangbwa, vyandaruwa vyangu vikauswa.

Jeremia 46:5

Dze, mino naonani? Naaona akainjirwa ni wuoga, nao anauya nyuma. Masujaa gao gakashindwa, ganachimbira mairo, bila kulola nyuma, chisha chila phatu phanaogofya!” Mimi Mwenyezi Mlungu nkaamba.

Jeremia 49:24

Atu a Damasikasi akakala anyonje, akagaluka achimbire, chisha akagbwirwa ni mchecheta utsungu na sonono zikaagbwira dza mchetu ariye na utsungu wa kudzivugula.

Jeremia 49:5

Lola, nindahenda majirani genu gakuogofyereni chila uphande. Mosi mundazolwa kpwenye tsi yenu, na takundakala na mutu wa kuterya ndioangamika, Mwenyezi Mlungu, Mlungu wa majeshi anaamba.

Jeremia 6:25

Musiphiye mindani, wala kunyendeka barabarani mana ye adui ana fumo na chila phatu phanaogofya.

Habakuki 3:7

Naona mahema ga atu a Kushani gakagbwa na paziya za mahema ga atu a Midiani zinaphepheruswa.

2 Akorintho 4:8

Tabu zikahuzunguluka chila uphande, ela tahushindwa tse. Mara nyinji tahumanya ra kuhenda, ela tahukata tamaa.

2 Akorintho 7:5

Mana huriphofika Makedonia, tahuyaphaha amani ama nafwasi ya kuoya. Hwakala na tabu chila phatu. Kondze ya kundi ra atu a Mlungu kpwakala na malumbano, na mwehu mioyoni kala hunayugbwa ni wuoga.

Aamuli 6:5

Aho kala achedza na mifugo yao na mahema gao kpwa unji dza ndzije, aho na ngamia aho kala ni anji sana kpwa hivyo achikala vira edzavyo anabananga yo tsi ya Iziraeli.

Aamuli 7:12

Nyo Amidiani, Amaleki na atu kula mlairo wa dzuwa kala akamwagikana ko deteni dza ndzije. Ngamia aho kala taaolangika, akala anji dza mtsanga wa pwani.

Aamuli 8:21

Phahi Zeba na Salimuna amuamba Gidioni, “Unuka uwe wedze uhuolage, mana kulengana na mutu arivyo ndivyo urivyo mkpwotsewe.” Phahi Gidioni waunuka achiaolaga, na achihala mapambo gokala singoni mwa ngamia ao.

Aamuli 8:26

Uziho wa vyo vipuli vya zahabu wakala kilo kumi na tisiya na nusu, mbali na mapambo ganjina, mavwazi ga zambarau govwalwa ni nyo afalume a Midiani na mikufu yokala singoni mwa ngamia ao.