Jeremia 49:22 - Digo Bible

²² Lola, mmwenga andapanda na kuuruka dza kozi, na kuandzula maphage dzulu ya Bosira. Siku iyo mioyo ya anajeshi a Edomu indakala dza moyo wa mchetu ariye na utsungu wa kudzivugula.”

Jeremia 49:22 Iomraidhean Croise

Zaburi 18:5

Kowa za kuzimu zanilinga-linga, mihego ya chifo yanizangira.

Misemo 30:19

Mwendo wa kozi hewani, mwendo wa nyoka aambalapho mwambani, mwendo wa meli baharini, na vira mlume amendzavyo mwanache wa chichetu.

Isaya 11:14

Efuraimu na Juda andavamia chivyamwenga Afilisti ario mtswerero wa dzuwa wa Iziraeli na kuhala zewe mali za atu asagalao mlairo wa dzuwa wa muho Joridani. Andaaturya Aedomu, Amoabu na Aamoni andakala tsini yao.

Isaya 13:8

Andagbwirwa ni wuoga, andalumwa dza mchetu ariye na utsungu wa kudzivugula. Andatongʼorerana matso na kuangalala, na kumbi zindakundzika kpwa chiwewe.

Isaya 21:3

Kpwa kukala nyo mwiri wangu unaluma sana, nina utsungu dza wa mchetu alondaye kudzivugula, ninasikira utsungu kpwa go nsikirago, sina ra kuhenda kpwa go nionago.

Isaya 26:17

Dza viratu mchetu chiyefisa sikuze za kudzivugula agbwirwavyo ni utsungu akarira, ndivyo hurivyokala swiswi mberezo uwe Mwenyezi Mlungu.

Jeremia 13:21

Kuna atu urioahenda asenao, dze, undaahariradze achihendwa atawalao? Dze, kundasikira utsungu? Dza hura wa mchetu alondaye kudzivugula?

Jeremia 22:23

Mwi atu a Lebanoni, msagalao nyumba za mierezi, mundauladze wakati ndiphogbwirwa ni utsungu, utsungu dza wa mchetu alondaye kudzivugula!”

Jeremia 30:6

Vivi uza umanye, dze, mlume anaweza kuvyala? Kpwa utu wani naona chila mlume akagbwiririra ndani dza mchetu mwenye utsungu wa kudzivugula? Kpwa utu wani chila uso ukakundzika?

Jeremia 4:13

Lola, adui aredza dza maingu, magarige ga kuvwehwa ni farasi ni dza chikulukulu, farasie ni epesi kuriko makozi. Shauri yehu, mana hukabanangbwa-banangbwa!

Jeremia 4:31

Mana nasikira kululu za mchetu ariye na utsungu, kululu za mchetu avyalaye mwanawe wa kpwandza, chiriro cha msichana wa Sayuni asohaye kpwa tabu, agolosaye mikonoye kuno anaamba, “Shaka rangu mimi! Nafwa purungire mbere za aolagadzi.”

Jeremia 49:24

Atu a Damasikasi akakala anyonje, akagaluka achimbire, chisha akagbwirwa ni mchecheta utsungu na sonono zikaagbwira dza mchetu ariye na utsungu wa kudzivugula.

Jeremia 50:36

Upanga ukale chinyume cha go manabiige ga handzo, ili akale azuzu! Upanga ukale chinyume cha anajeshie, ili aphahe kuangamizwa!

Jeremia 50:43

Mfalume wa Babeli wasikira ripoti yao, mikonoye ichirejera; achigbwirwa ni utsungu, dza wa mchetu alondaye kudzivugula.

Jeremia 6:24

Hukasikira ripoti yao, nayo mikono yehu ikarejera; hukagbwirwa ni utsungu, utsungu dza wa mchetu alondaye kudzivugula.

Danieli 7:4

Ro ra kpwandza kala dza simba naro kala rina mapha dza ga kozi. Wakati nchere lola, maphage gauswa naro richiunulwa kula mtsangani richihendwa riime na magulu mairi dza mwanadamu na richihewa achili ya mwanadamu.

Hosea 8:1

Piga gunda! Umanyise atu kukala adui aredza chinyume cha atu a nyumba ya Mwenyezi Mlungu dza kozi mana akavundza chilagane changu na akaasi shariya zangu.

Obadiya 1:9

Mwimwi masujaa a mudzi wa Temani, mundagbwirwa ni mchecheta. Chila ariye kahi ya mwango wa Esau andaolagbwa.”

Kumbukumbu 28:49

“Mwenyezi Mlungu andareha taifa kula kure rikushambuliye. Rindakpwedza kula pembe za dunia, na mwendo wa kasi dza kozi, taifa ambaro kurimanya lugaye.

1 Athesalonike 5:3

Atu achikala anaamba, “Chila chitu chi sawa na salama,” hipho ndipho ndiphogbwererwa ni mashaka. Nago gandahendeka gafula dza viratu mayo akalavyo na utsungu ichikala mwana a phephi na kuvyalwa. Kpwa hivyo taindawezekana mutu kuchimbira mashaka higa.