Jeremia 49:16 - Digo Bible

¹⁶ Kuogofyako na kudzikaryako mo mwako moyoni kukakuchenga, uwe usagalaye kpwenye panga za myamba, uwe usagalaye dzulu ya chirere cha chidzango. Dzagbwe ukudzenga nyumbayo dzulu sana dza kozi, chisha nindakutsereza vivyo, mimi Mwenyezi Mlungu nkaamba.

Jeremia 49:16 Iomraidhean Croise

2 Afalume 14:7

Amaziya waaolaga Aedomu elufu kumi kpwenye Dete ra Munyu. Wauhala kpwa nguvu mudzi wa Sela na kuwiiha Jokitheeli, na hivi ndivyo unavyoihwa hadi rero.

Ayubu 39:27

Dze, kozi nkuphiya dzulu kpwa amuriyo, na kudzenga nyumbaye phatu pha dzulu?

Misemo 16:18

Ngulu nkutanguliya kubanangika, na roho ya kudziunula ikatanguliya kugbwa.

Misemo 18:21

Lilimi rina nguvu za kuhenda mutu atiye au aolagbwe, na atu amendzao kurihumira andarya matundage.

Misemo 29:23

Ngulu za mutu zindamʼbwaga, ela mwenye moyo wa kugbwa maguluni andaishimiwa.

Wira wa Selemani 2:14

Aa njiya wangu, udzifwitsaye kpwenye panga za mawe hebu nione usoo mnono. Hebu nisikire rakaro ra kuvutiya mana rakaro rinapendeza na usoo ni mnono.

Isaya 10:14

Mkpwono wangu ukanyaha utajiri wa atu dza mutu ahalavyo mayayi ndani ya nyumba ya nyama wa mapha. Nikakusanya dunia yosi dza vira atu akusanyavyo mayayi chigorichwa bila urindzi. Taphana chiyejeza kukutisa maphage au kufwenula kanwa alavye kauli.”

Isaya 2:21

Atu andazorera pangani hiko myambani na kpwenye myanya kahi-kahi ya mawe, kpwa sababu ya kutisha kpwa Mwenyezi Mlungu, na nguma ya endziye, ndiphounuka kusumbisa dunia.

Isaya 49:25

Mwenyezi Mlungu anaamba hivi, “Hata mateka a mutu sujaa andahalwa, na mateka a mutu msiru andativywa, mana nindaheha na ye ahehaye nawe chisha nindativya anao.

Jeremia 48:14

Mwi atu a Moabu kpwa utu wani munaamba, ‘Hu ashindi na masujaa a viha?’

Jeremia 49:15

Mwenyezi Mlungu anaiambira Edomu, “Nindakuhenda taifa dide kahi ya mataifa, na kuberwa kahi ya atu.

Jeremia 50:29

“Ihani atu ahumirao maha edze apige Babeli, osi awezao kulatsa. Chitani kambi kuizunguluka na musiriche hata mutu mmwenga akachimbira. Iriphizeni kulengana na mahendoge, ihendereni kulengana na vyo irivyohenda. Mana Babeli yamuhendera ngulu Mwenyezi Mlungu, Mtakatifu wa Iziraeli.

Jeremia 51:53

Hata dzagbwe Babeli inaweza kupanda hadi mlunguni; dzagbwe inaweza kuhenda ngomeze kukala imara nindaihumira abanangi, mimi Mwenyezi Mlungu nkaamba.

Amosi 9:2

Hata akatsimba dibwa hadi kuzimu, kuko mkpwono wangu undaatuluza. Nao achikpwera kuphiya mlunguni, chisha ndaatsereza kula kuko.

Habakuki 2:9

Shauriye! Iye adzengaye nyumba kpwa utajiri ariouphaha kpwa njira mbii. Kuno anaona kukala utajiri hinyo undamrinda, na kumtivya iye na atue asiphahwe ni mai.

Malaki 1:3

ela Esau námzira. Iyo myango anayosagala, ambayo ndiyo urisiwe, náibananga na kuihenda makalo ga mabawa a weruni.”