Jeremia 48:42 - Digo Bible

⁴² Tsi ya Moabu indabanangbwa na taindakala taifa tsona kpwa sababu yadziunula mbere za Mwenyezi Mlungu.

Jeremia 48:42 Iomraidhean Croise

Misemo 16:18

Ngulu nkutanguliya kubanangika, na roho ya kudziunula ikatanguliya kugbwa.

Isaya 16:14

Ela hivi sambi Mwenyezi Mlungu anaamba, “Bada ya miaka mihahu, utajiri wa Moabu undaangamika phamwenga na atue osi. Na ndiotiya andakala achache sana, tsona anyonje.”

Isaya 37:23

Ukamnyetera na kumlaphiza ani? Ukamdemurira ani? Ni ani uchiyemlola na matso ga chibero? Ni iye Mtakatifu wa Iziraeli!

Isaya 7:8

Mana Shamu taina mkpwotse kushinda mudziwe mkpwulu Damasikasi na Damasikasi taina mkpwotse kushinda mfalumewe Resini. Na bada ya miaka mirongo sita na tsano taifa ra Efuraimu tarindakalapho tsona.

Jeremia 30:11

Mana ni phamwenga nawe ili nikutivye, mimi Mwenyezi Mlungu nkaamba. Go mataifa ganjina gosi ambago kala nkakutsamula ndagaangamiza tsetsetse ela uwe sindakuangamiza. Sindakuricha bila kukutiya adabu, nindakutiya adabu kpwa haki.

Jeremia 48:2

Tsi ya Moabu taindatogolwa tsona. Ko Heshiboni atu andaipangira njama mbii aambe, ‘Ndzoni hurikomese ro taifa!’ Mwi a koma namwi mundaolagbwa, upanga undakulungani.

Ezekieli 35:13

Wadzikarya na uchiderereka chinyume changu nami nchisikira.

Danieli 11:36

“Ye mfalume andahenda amendzavyo; andadziunula na kudzikarya kukala iye ni mkpwulu kutsupa milungu yosi. Iye andagomba mambo ga kumkufuru ye Mlungu mkpwulu kushinda milungu yosi. Iye andaenderera kuongokerwa hadi Mlungu ndiphomtiya adabu. Mana garigopangbwa ni Mlungu lazima gatimiye.

Mathayo 7:2

Mana vyo ndivyoamula ayawenu, namwi mundaamulwa vivyo. Na chipimo mpimiracho ayawenu, ndicho ndichopimirwa mwimwi.

2 Athesalonike 2:4

Andadzikudula na abere chochosi chiihwacho Mlungu au chiabudiwacho. Andasagala ndani ya Nyumba ya Kuvoya Mlungu na kuaambira atu kukala iye ndiye Mlungu.

Maono 13:6

Ndipho ro dzinyama richiandza kumkufuru Mlungu kpwa kuifya dzinare na ko kpwakpwe mlunguni akalako, yani osi amuabuduo kuko.