Jeremia 48:41 - Digo Bible

⁴¹ Midziye indahalwa mateka na ngomeze zindainjirwa. Siku iyo mioyo ya masujaa a Moabu indakala dza ya mchetu ariye na utsungu wa uvyazi.

Jeremia 48:41 Iomraidhean Croise

Isaya 13:8

Andagbwirwa ni wuoga, andalumwa dza mchetu ariye na utsungu wa kudzivugula. Andatongʼorerana matso na kuangalala, na kumbi zindakundzika kpwa chiwewe.

Isaya 21:3

Kpwa kukala nyo mwiri wangu unaluma sana, nina utsungu dza wa mchetu alondaye kudzivugula, ninasikira utsungu kpwa go nsikirago, sina ra kuhenda kpwa go nionago.

Jeremia 30:6

Vivi uza umanye, dze, mlume anaweza kuvyala? Kpwa utu wani naona chila mlume akagbwiririra ndani dza mchetu mwenye utsungu wa kudzivugula? Kpwa utu wani chila uso ukakundzika?

Jeremia 4:31

Mana nasikira kululu za mchetu ariye na utsungu, kululu za mchetu avyalaye mwanawe wa kpwandza, chiriro cha msichana wa Sayuni asohaye kpwa tabu, agolosaye mikonoye kuno anaamba, “Shaka rangu mimi! Nafwa purungire mbere za aolagadzi.”

Jeremia 4:9

Siku iyo Mwenyezi Mlungu achiamba, “Mfalume na maofisaa andavundzika moyo, alavyadzi-sadaka andakala aoga na manabii andaangalala.”

Jeremia 48:24

Keriothi, Bosira na midzi yosi ya tsi ya Moabu iriyo phephi na ya kure.

Jeremia 49:22

Lola, mmwenga andapanda na kuuruka dza kozi, na kuandzula maphage dzulu ya Bosira. Siku iyo mioyo ya anajeshi a Edomu indakala dza moyo wa mchetu ariye na utsungu wa kudzivugula.”

Jeremia 49:24

Atu a Damasikasi akakala anyonje, akagaluka achimbire, chisha akagbwirwa ni mchecheta utsungu na sonono zikaagbwira dza mchetu ariye na utsungu wa kudzivugula.

Jeremia 50:37

Upanga naukale chinyume cha farasie na chinyume cha magarige ga kuvwehwa ni farasi, na nyo anajeshi a chijeni ario nao, ili akale dza achetu. Upanga ukale chinyume cha hazinaze zosi, ili zihalwe zewe!

Jeremia 50:43

Mfalume wa Babeli wasikira ripoti yao, mikonoye ichirejera; achigbwirwa ni utsungu, dza wa mchetu alondaye kudzivugula.

Jeremia 51:30

Anajeshi a Babeli akaricha kupigana, nao akasala mwao ngomeni, mkpwotse wao ukaasirira, akakala dza achetu. Makalo gao ganaaka moho, magbwama ga maryango gao gakavundzika.

Jeremia 6:24

Hukasikira ripoti yao, nayo mikono yehu ikarejera; hukagbwirwa ni utsungu, utsungu dza wa mchetu alondaye kudzivugula.

Amosi 2:2

Kpwa hivyo, tsi ya Moabu ndaitiya moho, nao undaocha ngome za Keriothi. Na Amoabu andafwa kahi za kululu za viha, chiriro, na kululu za gunda.

1 Athesalonike 5:3

Atu achikala anaamba, “Chila chitu chi sawa na salama,” hipho ndipho ndiphogbwererwa ni mashaka. Nago gandahendeka gafula dza viratu mayo akalavyo na utsungu ichikala mwana a phephi na kuvyalwa. Kpwa hivyo taindawezekana mutu kuchimbira mashaka higa.