Jeremia 48:36 - Digo Bible

³⁶ Kpwa hivyo moyo wangu unasononeka nami naririra Moabu dza chivoti, na moyo wangu unaririra atu a Kiri-Heresi dza chivoti. Utajiri wao ariouphaha ukaangamika.

Jeremia 48:36 Iomraidhean Croise

2 Afalume 3:25

na kuibomola midzi yao. Chila phatu ariphotsupa pharipho na munda mnono, chila mutu waritsuphira dziwe hadi chila munda uchiodzala mawe; viratu vira aziba pula zosi za madzi na kutema mihi yosi minono. Nyuma ya higo, kpwasala mudzi mkpwulu wa Kiri-Haresethi macheye, ambao anajeshi ariokala na tero auzunguluka na achiupiga.

Misemo 11:4

Mali taziokola siku ya uamuli, ela haki inaokola na chifo.

Misemo 13:22

Atu anono nkuikira adzukulu aho urisi, ela urisi wa enye dambi nkuhalwa ni enye haki.

Misemo 18:11

Mutu tajiri nkurindwa ni malize, iye nkuona kukala malize ni ukuta mure wa usalama.

Isaya 15:5

Moyo wangu unaririra Moabu mana atue anachimbirira Soari na Egilathi-Shelishiya. Anjina anaambuka na barabara iphiyayo Luhithi kuno anarira. Anjina anazorera Horonaimu kuno anarira kululu kusononekera kuangamizwa kpwao.

Isaya 15:7

Kpwa hivyo hizo mali zao arizoweza kudziikira, andazitsetseza azivuse Dete ra Miandzi.

Isaya 16:11

Moyo wangu unasononeka, nami narira dza ngephephe kuririra Moabu, Uhumbo wangu unaluma kpwa sababu ya Kiri-Haresethi.

Isaya 63:15

Hulole kula ko mlunguni, na uone kula kpwenye makalogo matakatifu ga nguma. U phaphi wivuo na uwezoo? Usiriche kuhuonera mbazi,

Jeremia 17:11

Aphahaye utajiri usio wa halali ni dza kpware riahiraro mayayi gasigokala gakpwe, wakati madzana kpware ndiphokula gandauka na mwishirowe andaonekana kukala mjinga.

Jeremia 4:19

Naawiwa, naawiwa, nagalagala kpwa sonono. Ee nina utsungu wa moyo! Moyo wangu unagungunda sana, siweza kunyamala, mana nasikira sauti ya gunda, dalili ya viha.

Jeremia 48:31

Kpwa hivyo nasononekera Moabu; naririra Moabu yosi; nasononekera atu a Kiri-Heresi.