Jeremia 48:2 - Digo Bible

² Tsi ya Moabu taindatogolwa tsona. Ko Heshiboni atu andaipangira njama mbii aambe, ‘Ndzoni hurikomese ro taifa!’ Mwi a koma namwi mundaolagbwa, upanga undakulungani.

Jeremia 48:2 Iomraidhean Croise

Isaya 15:1

Huno ni ujumbe kuhusu Moabu: Moabu ikasira, mana mudzi wa Ari ukaangamizwa usiku mmwenga. Moabu ikasira, mana mudzi wa Kiri ukaangamizwa usiku mmwenga.

Isaya 15:5

Moyo wangu unaririra Moabu mana atue anachimbirira Soari na Egilathi-Shelishiya. Anjina anaambuka na barabara iphiyayo Luhithi kuno anarira. Anjina anazorera Horonaimu kuno anarira kululu kusononekera kuangamizwa kpwao.

Isaya 16:14

Ela hivi sambi Mwenyezi Mlungu anaamba, “Bada ya miaka mihahu, utajiri wa Moabu undaangamika phamwenga na atue osi. Na ndiotiya andakala achache sana, tsona anyonje.”

Isaya 25:10

Mana uwezo wa Mwenyezi Mlungu undahurira kpwenye mwango uhu, naye andavyoga-vyoga atu a Moabu dza mabuwa gavyogbwavyo kpwenye chitole gakarichwa gaole.

Jeremia 25:15

Phahi higa ndigo Mwenyezi Mlungu, Mlungu wa Iziraeli arigoniambira, “Hala chichi chikombe cha uchi wa tsukizi, ukaaphe nyo atu a mataifa ganjina gosi ambago nkakuhuma uphiye, ukaaphe anwe.

Jeremia 25:17

Phahi náphokera cho chikombe nrichohewa ni Mwenyezi Mlungu na nchianwesa nyo atu a mataifa ganjina nrigohumwa.

Jeremia 31:36

Mwenyezi Mlungu anaamba, “Siku amuri zizi zichiangamika mbere zangu, ndipho chivyazi cha Iziraeli chindasika kukala taifa mbere zangu ta kare na kare.

Jeremia 33:24

“Dze tamdzangbwechunguza gara gagombwago ni hinya atu? Aho nkuamba, ‘Mwenyezi Mlungu akarema zo falume mbiri arizozitsambula.’ Akabera atu angu chiasi cha kuona kukala si taifa mwao matsoni.

Jeremia 46:28

Usiogophe, uwe Jakobo mtumishi wangu, mimi Mwenyezi Mlungu nkaamba, mana ni phamwenga nawe. Nindaangamiza mataifa ganjina gosi tsetsetse kosi ambako nakuphirika, ela uwe sindakuangamiza. Ndakutiya adabu chidide tu, sindakuricha bila kukutiya adabu.”

Jeremia 48:17

Mririreni mwimwi murio majiranige, mwimwi mosi mmanyao dzinare; ambani, ‘Lola vira ambavyo yo fwimbo yenye nguvu yavundzika, fwimbo yenye nguma.’

Jeremia 48:42

Tsi ya Moabu indabanangbwa na taindakala taifa tsona kpwa sababu yadziunula mbere za Mwenyezi Mlungu.

Jeremia 48:45

Achimbizi andaendza urindzi ko Heshiboni nao akakosa mkpwotse mana moho ukatuluka ko Heshiboni. Chenje ya moho ila nyumbani mwa Sihoni; nayo ikaocha chilangu cha Moabu, tadzi ya ana a chilume a hinyo amendzao viha.

Jeremia 49:3

Sononeka uwe Heshiboni, mana mudzi wa Ai ni gandzo! Rirani mwi atu a Raba! Vwalani nguwo za magunia, msononeke na mzole hiku na hiko mo muhalani! Mana mlungu wenu aihwaye Milikomu andatekpwa, phamwenga na alavyadzie-sadaka na vilongozie.

Jeremia 49:37

Nindatishira Elamu mbere za maadui ao na mbere za nyo aendzao uhai wao. Nindaahenda mambo mai dzulu yao kpwa tsukizi zangu, Mwenyezi Mlungu anaamba. Nindaalunga na upanga hadi niamale osi.

Isabu 32:37

Atu a Rubini achidzenga tsona midzi ya Heshiboni, Eleale, Kiriathaimu,