Jeremia 47:3 - Digo Bible

³ Andiphosikira misindo ya farasie, mvumo wa magari ga kuvwehwa ni farasi na wa magurudumoge, ano baba taandagaluka kuterya ana ao, mikono yao indakala minyonje,

Jeremia 47:3 Iomraidhean Croise

Isaya 5:28

Mivi yao ina lutsa, maha gao gosi gaphindwa kare, makpwatsa ga farasi aho ni mafu dza mawe na magurudumo ga magari gao ga kuvwehwa ni farasi ni dza chikulukulu.

Jeremia 46:9

Sengerani mbere, mwi farasi, shambuliyani mwi anajeshi akuhumira magari ga kuvwehwa ni farasi! Sengerani mbere mwi masujaa: Atu a Kushi na Puti ajuzi akuhumira ngao, atu a Ludi amanyao kuhumira uha.

Jeremia 50:42

Ana silaha za maha na mafumo, ni majaili na taana mbazi, ana mvumo dza maimbi ga bahari, wakati akapanda farasi ao, akadzipanga dza mutu ariye tayari na viha, kupigana na uwe mwana mchetu wa Babeli!

Jeremia 8:16

Sauti za farasi aho zinasikirika kula mudzi wa Dani. Miriro ya farasi a viha, inasumbisa tsi na vyosi virivyo mumo. Aredza abanange tsi na vyosi virivyo mumo, nyo mudzi na osi asagalao mumo.”

Ezekieli 23:24

Nao andakuvamia kula uphande wa vurini na magari ga kuvwehwa ni farasi, marukpwama na likumundi ra atu. Andakuzangira pande zosi kuno akavwala kofiya za shaba na akagbwira ngao kulu na ndide. Nindaaricha akuamuleni, nao andakuamulani kulengana na shariya zao.

Nahumu 2:4

Magari ga kuvwehwa ni farasi ganaphiya mairo hiku na hiku mo njirani na mihalani. Ganameka dza vimwindi vya moho nago ganaphiya mairo dza limeme.

Nahumu 2:8

Ninawi ni dza mtsara uchiovundza na madzige ganajera bila kusika. Atu anachimbira nao anaambwa, “Imani! Imani!” Ela taphana mutu alolaye nyuma.

Maono 9:9

Tsona vifuwani kala akavwala visibao vya chuma. Mapha gao napho anauruka ganavuma dza viratu magari manji ga kuvwehwa ni farasi ambago ganaphiya vihani mairo.

Aamuli 5:22

Phahi farasi atsupa achikala anavyoga kpwa nguvu, aphiya kpwa msindo mkpwulu wa makpwatsa gao katika kuzola kpwao kpwa kutinatina.