Jeremia 46:5 - Digo Bible

⁵ Dze, mino naonani? Naaona akainjirwa ni wuoga, nao anauya nyuma. Masujaa gao gakashindwa, ganachimbira mairo, bila kulola nyuma, chisha chila phatu phanaogofya!” Mimi Mwenyezi Mlungu nkaamba.

Jeremia 46:5 Iomraidhean Croise

Mwandzo 19:17

Ariphokala akaatuluza kondze, mmwenga wao waamba, “Chimbirani mtivye maisha genu! Msilole nyuma wala musiime phophosi kpwenye tsi ya kugbwa! Chimbirirani myangoni ili sedze mkafwa.”

Isaya 13:8

Andagbwirwa ni wuoga, andalumwa dza mchetu ariye na utsungu wa kudzivugula. Andatongʼorerana matso na kuangalala, na kumbi zindakundzika kpwa chiwewe.

Isaya 19:16

Siku Mwenyezi Mlungu, Mlungu wa majeshi ndiphounula mkpwonowe chinyume cha Misiri, Amisiri andakala dza achetu, andakakama kpwa wuoga.

Isaya 42:17

Ela akuluphirao vizuka vya kutsongbwa, na kuviambira vizuka vya vyuma, ‘Mwimwi ndimwi milungu yehu,’ aho andakahalwa na kutiywa waibu sana.”

Isaya 5:25

Kpwa hivyo Mwenyezi Mlungu watsukizwa ni atue, achigolosa mkpwonowe achiapiga na kuabwaga. Myango yasumba na nyufu zao zichikala dza uchafu barabarani. Hata bada ya higa gosi, tsukizize tazidzangbwedigirika na mkpwonowe uchere goloka chinyume chao.

Jeremia 20:10

Násikira anji achigomba pokopoko kunihusu, nao ananiogofyera chila uphande, aho anaamba “Mshitakini, nahumshitaki!” Asena angu a kurya na kuusa, ananiazira mai. Aho anaamba, “Mendzerepho andachengeka, ndipho humturye na hudziriphize.”

Jeremia 46:15

Kpwa utu wani mlungu wenu Apisi akachimbira? Hicho chizuka chenu cha ndzau tachiyavumirira, mana Mwenyezi Mlungu akachibwaga photsi.

Jeremia 46:21

Anajeshi a kukodishwa ario nao, ni dza ndama chizonona. Aho piya akagaluka na kuchimbira phamwenga, taakaweza kuvumirira, mana siku yao ya kuangamizwa ikafika, wakati wao wa kutiywa adabu.

Jeremia 49:29

Mahema gao na mifugo yao indahalwa, vyandaruwa vyao, mizigo yao indahalwa, phamwenga na ngamia ao nao atu andaaririra aambe: ‘Ubanangi chila uphande!’

Jeremia 49:5

Lola, nindahenda majirani genu gakuogofyereni chila uphande. Mosi mundazolwa kpwenye tsi yenu, na takundakala na mutu wa kuterya ndioangamika, Mwenyezi Mlungu, Mlungu wa majeshi anaamba.

Jeremia 6:25

Musiphiye mindani, wala kunyendeka barabarani mana ye adui ana fumo na chila phatu phanaogofya.

Ezekieli 32:10

Nami ndaangalaza atu anji kpwa sababu ya habarizo, na afalume aho andakakama kpwa wuoga kpwa sababuyo, wakati ndiphounula upanga wangu mbere zao. Siku iyo ambayo undagbwa aho andakakama chila wakati kpwa ajili ya maisha gao.

Ezekieli 39:18

Mundarya nyama za masujaa, na kunwa milatso ya akulu a dunia, avi ni maturume, ana ngʼondzi, ndenje na ndzau, zosi za kunona kula Bashani.

Nahumu 2:8

Ninawi ni dza mtsara uchiovundza na madzige ganajera bila kusika. Atu anachimbira nao anaambwa, “Imani! Imani!” Ela taphana mutu alolaye nyuma.

Nahumu 2:9

“Halani zewe feza! Halani zewe zahabu!” Ninawi una hazina isiyosira, utajiri wa chila aina ya vitu vya samani.

Zefania 1:14

Siku kulu ya Mwenyezi Mlungu i phephi, na iredza wangbwi sana. Indakala siku ya utsungu munji hata masujaa enye, andarira.