Jeremia 46:19 - Digo Bible

¹⁹ Funganyani mizigo yenu mkale tayari kutsamizwa kpwa lazima, mwimwi msagalao Misiri! Mana mudzi wa Memufisi undabanangbwa, ukale gandzo risiro sagala atu.

Jeremia 46:19 Iomraidhean Croise

Isaya 19:13

Akulu a Soani akakala azuzu na atawala a Memufisi anadziphuphiza. Vilongozi a mbarize aihenda Misiri ikosere njira.

Isaya 20:4

ndivyo mfalume wa Ashuru ndivyolongoza mateka a Misiri na Kushi, avyere kpwa adide. Mateka hinyo andaphiya chitsaha tsona bila virahu. Mahako gao gandakala wazi, dzambo ra waibu kabisa kpwa Misiri.

Jeremia 26:9

Kpwa utu wani ukatabiri kpwa dzina ra Mwenyezi Mlungu kukala nyumba ihi indakala dza Shilo na mudzi uhu undakala wekee bila ya atu?” Phahi Jeremia wazangirwa ni atu ndani ya nyumba ya Mwenyezi Mlungu.

Jeremia 34:22

Mimi Mwenyezi Mlungu ndaamuru, auye kahi ya mudzi uhu. Yo midzi andaipiga viha, aiteke na kuiocha. Nami ndaihenda yo midzi ya Juda ikale magandzo na wekee bila atu.”

Jeremia 44:1

Hiri ndiro neno ambaro Mwenyezi Mlungu wamuambira Jeremia kuhusu Ayahudi osi ariokala anasagala Misiri, haswa midzi ya Migidoli, Tapanesi, Memufisi na tsi ya Pathirosi.

Jeremia 46:14

“Gasemeni ko midzi ya Misiri, yani pigani koikoi ko mudzi wa Migidoli, wa Memufisi na wa Tapanesi, ‘Dzipangeni na mdzitayarishe kudzichinga, mana nyo upanga undaolaga osi achiokuzunguluka.’

Jeremia 48:18

Dzitserezeni, richani ko kudziunula kpwenu, na msagale photsi vumbini, mwi msagalao mudzi wa Diboni! Mana ye mʼbanangi wa Moabu akafika kukuvamiani na kubananga midzi yenu yenye ngome.

Ezekieli 29:11

Taphandakala lwayo ra mwanadamu ndirotsupa mumo wala ra nyama. Tsi iyo indakala gandzo kpwa miaka mirongo mine.

Ezekieli 29:12

Nami tsi ya Misiri ndaihenda gandzo kahi-kahi ya tsi zirizo magandzo na midziye indakala magandzo kpwa muda wa miaka mirongo mine kahi-kahi ya midzi iriyohendwa magandzo. Nindaatsamula Amisiri kahi za mataifa na tsi mbali-mbali.

Ezekieli 30:13

“ ‘Mwenyezi Mlungu anaamba hivi: Nindabananga vyo vizuka, na kuusa kamare milungu ko Nofu. Takundakala tsona na chilongozi kula tsi ya Misiri, nindatiya wuoga tsi yosi ya Misiri.

Hosea 9:6

Hata akatiya, asibanangbwe ni Aashuru, chisha andakusanywa ni Amisiri, na andazikpwa ko Memufisi. Vitu vyao vya feza vindalingbwa-lingbwa ni miya, miya indamera na kubwiningiza mahema gao.

Zefania 2:5

Shaka hiro mwi atu kula Kerethi msagalao pwani kulunga-lunga bahari. Neno ra Mwenyezi Mlungu ri chinyumecho uwe Kanani, yani tsi ya Afilisti. Ndakuangamiza na taphana hata mutu ndiyesala kpwenye tsiiyo.