Jeremia 46:12 - Digo Bible

¹² Mataifa ganjina gakasikira uchivyotiywa waibu, atu osi duniani akasikira chirirocho mana asikari mmwenga andakpwala wanjina, osi andagbwa phamwenga.”

Jeremia 46:12 Iomraidhean Croise

Isaya 10:4

Mundahalwa mateka, au mufwe vihani. Na bado Mwenyezi Mlungu andakala achere na tsukizi, na andaenderera kuitiya adabu Iziraeli.

Isaya 19:2

Mwenyezi Mlungu anaamba, “Nindaafyakatsira Amisiri apigane enye kpwa enye. Ndugu mlume andapigana na mwanao mlume, jirani na jiraniwe, mudzi mmwenga na mudzi wanjina ufalume mmwenga na ufalume wanjina.

Isaya 24:11

Atu anarira kpwenye barabara kulu kpwa sababu ya uchi. Takuna raha tsona.

Jeremia 14:2

“Tsi ya Juda ina chiriro na maryangoge gakarejera. Atue anasononeka pho photsi, na chiriro cha Jerusalemu chikafika dzulu.

Jeremia 2:36

Mbona unadengereka sana na kugaluza njirazo? Undatiywa waibu ni atu a Misiri dza urivyohendwa ni atu a Ashuru.

Jeremia 46:6

Nyo a mairo taaweza kuchimbira, wala nyo masujaa kutiya. Ko uphande wa vurini kanda-kanda ya muho Yufurati, akakpwala na akagbwa.

Jeremia 47:2

Mwenyezi Mlungu anaamba, “Lola, maadui garedza kula uphande wa vurini dza madzi manji, aho andakala dza muho uchiofurika. Gandabwiningiza yo tsi na vyosi virivyo mumo dza mafuriko, midzi na osi asagalao mumo. Atu andarira, na osi asagalao tsi iyo andarira kpwa utsungu.

Jeremia 48:34

Kululu za chiriro chao zinasikirika kula Heshiboni hadi Eleale na Jahazi, kula Soari hadi Horonaimu na Egilathi-Shelishiya. Mana go madzi ga Nimurimu piya gakauma.

Jeremia 49:21

Kpwa msindo wa kugbwa kpwa Edomu, dunia indakakama, sauti za viriro vya atue vindasikirika hadi Bahari ya Shamu.

Jeremia 50:46

Kpwa msindo wa kugbwa kpwa Babeli, dunia indakakama, sauti za viriro vya atue vindasikirika kahi za mataifa ganjina.”

Jeremia 51:54

Phundzani zo ndiro kula Babeli, Kululu za ubanangi kula Babeli!

Nahumu 2:5

Mkpwulu wa jeshi ra Ninawi analavya amuri kpwa anajeshie, nao anadzikpwala wakati anamlunga. Maadui gao anahenda wangbwi kuphiya kpwenye ukuta wa mudzi na kudzengera paa ra kudzichingira mawe gatsuphiwago kula ukuta wa mudzi.

Zefania 1:10

Mwenyezi Mlungu anaamba, “Siku hiyo, kundasikirwa chiriro kula Ryango ra Ngʼonda, chiriro chindasikirwa kula Lalo ra Phiri, na msindo mkpwulu undasikirwa kula mryangoni.

1 Samueli 5:12

Hara ambao taayafwa agbwirwa ni maphu na chiriro cha atu a mudzi hinyo chafika mlunguni.