Jeremia 44:7 - Digo Bible

⁷ Vivi Mwenyezi Mlungu, Mlungu wa majeshi, Mlungu wa Iziraeli anaamba: Kpwa utu wani munadzirehera mashaka makulu hivi ndigokuangamizani mosi? Hata phasisale alume wala achetu, anache wala ana atsanga kahi za tsi ya Juda?

Jeremia 44:7 Iomraidhean Croise

Misemo 1:18

Hinyo nkudziotea enye, na kuhega mihambo ndiyoagbwira nyo enye.

Misemo 15:32

Mutu akosaye adabu anadzibera mwenye, ela mutu achikubali kukanywa anaenjereza achili.

Misemo 5:22

Mutu mui andachengbwa ni uyiwe mwenye; andafungbwa na mkpwowa wa dambize mwenye.

Misemo 8:36

Ela anikosao analumiza mioyo yao enye, na osi anizirao mimi anamendza chifo.”

Jeremia 25:6

Msiihumikire na kuiabudu milungu yanjina, msinitsukize na vizuka mchivyodzitengezera. Muchihenda hivyo, sindakuhenderani rorosi iyi.’

Jeremia 25:7

Ela tamuyaniphundza, tsona mwanitsukiza kpwa vizuka murivyodzitengezera enye, namwi phahi mkadzirehera mashaka enye. Mimi Mwenyezi Mlungu nkaamba.”

Jeremia 26:19

“ ‘Kpwani mfalume Hezekiya au atu a Juda amuolaga Mika? Avi Hezekiya wamuogopha Mwenyezi Mlungu na achimvoya Mlungu amuonere mbazi! Naye Mwenyezi Mlungu achiricha kuahenda mai gokala akaambira. Ela swino hunalonda kudzirehera mashaka enye.’ ”

Jeremia 3:24

“Ela hangu hu adide hendo hiri ra waibu rikaangamiza ana ehu alume na achetu phamwenga na chila chitu ambacho chaphahikana kpwa jasho ra akare ehu: vyaa vya mangʼondzi, mbuzi na ngʼombe.

Jeremia 38:17

Phahi Jeremia achimuamba Zedekiya, “Mwenyezi Mlungu, Mlungu wa majeshi, Mlungu wa Iziraeli, anaamba kukala uchidzisalimisha kpwa vilongozi a mfalume wa Babeli, undakala ukativya maishago na mudzi uhu taundaochwa, na uwe phamwenga na atu a nyumbayo mundaenderera kuishi.

Jeremia 42:20

kukala mchiphiya mundahenda makosa makulu. Mriphonihuma kpwa Mwenyezi Mlungu, Mlungu wenu mwaamba, ‘Huvoyere kpwa Mwenyezi Mlungu, Mlungu wehu, na gogosi ndigokuambira swiswi hundagahenda.’

Jeremia 44:14

Taphana hata mmwenga kahi ya atu a Juda ariosala achiophiya Misiri, ndiyechimbira au kutiya au kuuya Juda. Dzagbwe anaaza kuuya na kuishi kuko, taandauya isiphokala atu achache tu ndiotiya.”

Jeremia 44:8

Kpwa utu wani munanitsukiza kpwa kufukizira uvumba vizuka murivyovitengeza enye hiku Misiri? Mwimwi mnalonda kudziolaga enye, na muhende atu a mataifa gosi duniani kukuhendani ndzimo ya kulanira na kunyetera atu.

Jeremia 51:22

Kuhumira uwe, nkuvundza-vundza alume na achetu, na kpwa uwe, nkuvundza-vundza atumia na barobaro, na kpwa uwe, nkuvundza-vundza avulana na asichana.

Jeremia 7:19

Akale ananitsukiza mimi! Si anadzihendera uyi enye, kpwa waibu wao. Mimi Mwenyezi Mlungu nkaamba.

Jeremia 9:21

Mana chifo chinatsungurira mwehu madirishani, chikainjira madzumba ga mfalume wehu, chikamala anache mo barabarani na barobaro kula viwanja vya mudzi.

Sonono za Jeremia 2:11

Matso gangu gakaremwa kpwa kurira, roho yangu ikachafuka. Moyo wangu unafwa purungire kpwa sonono kpwa sababu ya kubanangbwa kpwa mwana mchetu wa atu angu, kpwa kukala anache na ana atsanga anahirika mo njira-njira za nyo mudzi.

Sonono za Jeremia 2:22

Uwe waiha maadui gangu dza ualikaye atu siku ya sikukuu nao akanizunguluka chila uphande, Na siku ya tsukizi za Mwenyezi Mlungu takuna ariyechimbira au ariyetiya osi nrioaereka na kuarera akaolagbwa ni adui wangu.

Ezekieli 33:11

Aambire, ‘Kpwa kpweli dza niishivyo Mwenyezi Mlungu anaamba, sifwahirwa ni chifo cha mutu mui, ela ninahamirwa ni iye agalukaye, akaricha njiraze mbii na akale moyo. Richani njira zenu, richani! Kpwa utu wani mufwe mwi atu a Iziraeli?’

Ezekieli 9:6

Olagani atumia, barobaro na asichana, anache adide na achetu, ela yeyesi ariye na alama msimuolage. Andzani na phatu phangu phatakatifu.” Phahi achiandza na atumia ariokala mbere za yo nyumba ya kuvoya Mlungu.

Habakuki 2:10

Kpwa sababu ya kuolaga atu anji wairehera nyumbayo waibu na uchidzirehera mwenye maangamizi.

Isabu 16:38

Vihaleni vyo vyetezo vya aha atu arioolagbwa kpwa dambi zao enye, mvibande-bande muvitengeze vikale dza mfwiniko, ndizohumirwa kubwiningizira phatu pha kulavira sadaka, mana avireha mbere za Mwenyezi Mlungu, vichikala vitakatifu. Navyo vindakala ishara kpwa Aiziraeli.”

Kumbukumbu 32:25

Kondze mundafwa kpwa kukatwa kpwa upanga, na ndani ya nyumba mundafwa kpwa wuoga. Mabarobaro na asichana andaolagbwa vivyo, hata ana a kuamwa na atumia a komvwi nao andaolagbwa vivyo.

Joshuwa 6:21

Chisha achiolaga kpwa upanga vyosi vyokala na uhai himo mudzini: atu osi alume kpwa achetu, avyere kpwa adide, ngʼombe, mangʼondzi na punda.

Aamuli 21:11

Mwimwi kahendeni hivi, “Kaolageni alume osi na achetu ela msaze anamwali.”

1 Samueli 15:3

Phahi phiya ukapige Aamaleki na ukabanange tsetsetse vitu vyosi arivyonavyo, wala msiasaze. Olagani alume, achetu, anache na hata ana atsanga aamwao, ngʼombe, mangʼondzi, ngamia na punda.”

1 Samueli 22:19

Chisha achiphiya Nobu, mudzi arimoishi alavyadzi-sadaka, achiolaga atu osi kpwa upanga, alume na achetu, anache na aamwao. Piya waolaga ngʼombe, punda na mangʼondzi.