Jeremia 41:5 - Digo Bible

⁵ phakpwedza atu mirongo minane kula Shekemu, Shilo na Samariya. Atu aha kala akanyola vyeru vyao, akavwala mademu na miri yao kala ikakatwa-katwa. Atu aha kala akedza nyumbani mwa Mwenyezi Mlungu kulavya sadaka za mtsere na uvumba.

Jeremia 41:5 Iomraidhean Croise

Mwandzo 33:18

Mwisho wa charoche, kula Padani-Aramu hadi tsi ya Kanani, Jakobo wafika salama mudzi wa Shekemu; achichita kambiye kondze chidide ya mudzi hinyo.

Mwandzo 34:2

Mkpwulu wa seemu iyo kala ndiye Hamori, Mhivi, naye kala mwana mlume yeihwa Shekemu. Shekemu ariphomuona Dina wamgbwavukira.

Mwandzo 37:12

Phahi, siku mwenga, ndugungbwa a Yusufu kala a marisani phephi na Shekemu, anarisa mbuzi na mangʼondzi ga ise yao.

2 Samueli 10:4

Phahi Hanuni waahala nyo atumishi a Daudi, chila mutu achimnyola uphande mmwenga wa cheruche, nguwo zao achizikata kahi-kahi hadi mahakoni, chisha achiarichira aphiye vyao.

1 Afalume 12:1

Phahi, Rehoboamu waphiya Shekemu ambako Aiziraeli osi kala akakusanyika hiko ili amuhende mfalume.

1 Afalume 12:25

Phahi, mfalume Jeroboamu waudzenga luphya mudzi wa Shekemu kpwenye tsi ya myango ya Efuraimu. Waishi hiko. Badaye wakpwendadzenga mudzi wa Penueli.

1 Afalume 16:24

Wagula mwango wa Samariya kpwa talanta mbiri za feza kula kpwa mutu mmwenga yeihwa Shemeri na dzulu ya mwango hinyo, achidzenga mudzi wenye kuta. Mudzi wenye wauiha Samariya, kpwa ishima ya Shemeri ariyekala mwenye mwango hinyo pho mwandzo.

1 Afalume 16:29

Mwaka wa mirongo mihahu na nane wa utawala wa Asa mfalume wa Juda, Ahabu mwana wa Omuri waandza kutawala Iziraeli. Watawala kula mudzi wa Samariya kpwa muda wa miaka mirongo miiri na miiri.

2 Afalume 25:9

Watiya moho nyumba ya Mwenyezi Mlungu, dzumba ra mfalume, nyumba zosi za Jerusalemu na chila nyumba ya mkpwulu.

1 Nyakati 19:4

Phahi Hanuni waahala nyo atumishi a Daudi, achianyola vyeru vyao, nguwo zao achizikata kahi-kahi hadi mahakoni, chisha achiarichira aphiye vyao.

Zaburi 102:14

Atumishio anahusamini dzagbwe ukabomolwa, na anahuonera mbazi dzagbwe ni gandzo.

Zaburi 78:60

Waricha makaloge hiko Shilo, hema ambamo wasagala kahi za atu.

Isaya 15:2

Atu a Diboni akaambuka kuphiya mwatu mwa dzulu mwa ibada kpwendarira Amoabu anaririra myango ya Nebo na Medeba. Osi akanyolwa viphala na kunyolwa vyeru vyao tsetsetse.

Jeremia 16:6

Avyere kpwa adide osi andafwa kpwenye tsi ihi, taandazikpwa na takuna ndiyeasononekera, ndiyedzikata ama kunyolwa chiphala kpwa ajili yao.

Jeremia 41:4

Siku ya phiriye bada ya kuolagbwa Gedalia, kabila tagadzangbwemanyikana,

Jeremia 47:5

Atu a Gaza akanyola vitswa vyao kpwa sonono, mudzi wa Ashikeloni ukaangamizwa. Mwi atu a Anakimu msereo, mundadzikata-kata hadi rini?

Jeremia 48:37

“Chila mutu akanyola chiphala na cheruche. Chila mutu akadzikata-kata mikononi na akadzifunga magunia vibiruni.

Jeremia 7:12

Vi sambi phiyani Shilo, phatu nriphoabudiwa kpwandza, mukalole nrivyophahenda kpwa sababu ya uyi wa atu angu Iziraeli.

Jeremia 7:14

Kpwa hivyo go nrigogahenda ko Shilo vivi ndagahendera yo nyumba ninamoabudiwa, nyumba ambayo munaikuluphira, phatu nriphokuphani mwimwi na akare enu.

Joeli 2:13

Mnaphosononeka msikpwanyule mavwazi genu, ela kpwanyulani mioyo yenu. Muuyireni Mwenyezi Mlungu, Mlungu wenu, kpwa kukala iye ana huruma na mbazi, kana tsukizi za phephi bali ana mendzwa nyinji isiyosika, na higo mai achigopanga kukuhenderani a tayari kugaricha.

Kumbukumbu 14:1

Musa waenderera kugomba achiamba, “Mwimwi mu ana a Mwenyezi Mlungu, Mlungu wenu; msidzitsodze wala kunyola chiphala lihosini kpwa ajili ya mutu achiyefwa.

Joshuwa 18:1

Bada ya kuturya atu a hira tsi, Aiziraeli osi akusanyika hiko Shilo, na Hema ra Mkpwutano richichitwa phapho.

Joshuwa 24:32

Mifupha ya Yusufu ambayo Aiziraeli kala akaireha kula Misiri aizika hiko Shekemu. Seemu iyo ariyozikpwa kala ni eneo ambaro Jakobo kala akarigula kula kpwa ana a Hamori, Ise wa Shekemu, kpwa vipande gana mwenga vya feza. Arizi hino kala ikakala urisi wa chivyazi cha Yusufu.

Aamuli 18:31

Phahi atu a mbari ya Dani achiimisa na kuabudu cho chizuka chotengezwa ni Mika. Muda wosi ambao nyumba ya Mlungu kala i hiko Shilo.

Aamuli 9:1

Abimeleki, mwana wa Jerubaali waphiya Shekemu kpwa fuko rao, achiambira,

1 Samueli 1:7

Mambo higo gaenderera vivyo chila mwaka. Chila wakati ariphophiya kpwenye nyumba ya Mwenyezi Mlungu, Penina wamnyetera. Phahi Hana warira na achizira chakurya.