Jeremia 4:22 - Digo Bible

²² “Mwenyezi Mlungu achiamba, atu angu ni azuzu, taanimanya tse; Aho ni anache azuzu, asiomanya rorosi. Atu aho ni anamanya kuhenda mai, ela kuhenda manono taamanya.”

Jeremia 4:22 Iomraidhean Croise

Mwandzo 39:16

Mkpwaza Potifa wakala na rira vwazi ra Yusufu hadi mlumewe ariphouya kaya.

2 Samueli 13:3

Ela Amunoni kala ana msena aihwaye Jonadabu mwana wa Shimea, ambaye ni mwanao wa Daudi. Hiye Jonadabu kala ni mutu mlachu sana.

Zaburi 36:3

Chila agombaro ni iyi na ra handzo; akaricha kuhumira ikima na kuhenda manono.

Zaburi 36:4

Nkupanga mai hata pho phakpwe chitandani gosi akusudiyago ni mai naye kaaza kuricha kuhenda mai.

Zaburi 53:4

Dze, ano ahendao mai, ni taaelewa? Aho aryao atu angu dza aryavyo mkpwahe, na taamuiha Mlungu?

Zaburi 82:5

“Taamanya na taaelewa, ananyendeka jizani misingi yosi ya dunia ikasumbiswa.”

Misemo 28:5

Atu ayi taaelewa haki, ela atu amuogophao Mwenyezi Mlungu anaielewa chikamilifu.

Isaya 1:3

Ndzau inamanya anayeifuga na punda anamanya chidau atiirwacho chakurya ni ye amfugaye, ela Aiziraeli taamanya, atu angu taaelewa.”

Isaya 27:11

Pandaze ndizouma zindavundzwa, achetu andazihala azihende kuni. Kpwa kpweli atu hano taaelewa, kpwa hivyo muumba wao kandaaonera mbazi wala kuaswamehe.

Jeremia 10:8

Takuna rorosi ra kudzifundza kula kpwa milungu yao, mana milungu iyo ni mihi tu,

Jeremia 13:23

Dze, Mkushi anaweza kugaluza rangiye ya mwiri ama tsui kuusa mabarage? Nawe piya kuweza kugaluza kuhenda mai ukahenda manono.

Jeremia 2:8

Alavyadzi-sadaka tauzire, ‘Akuphi ye Mwenyezi Mlungu?’ Ario manyirira shariya taanimanyire tse, na vilongozi aniasi. Manabii alavya unabii kpwa dzina ra Baali na kulunga vitu visivyo na mana.

Jeremia 4:21

Nindaenderera kuona bendera ya viha, na kusikira sauti ya gunda hata rini?

Jeremia 5:21

Vivi phundzani mwi azuzu na akuphupha, murio na matso ela tamuona, murio na masikiro ela tamphundza.

Jeremia 5:4

Ndipho nriphoririkana nchiamba, “Ni kpweli kukala atu aha ni achiya, ni azuzu mana taamanya njira za Mwenyezi Mlungu, taaelewa shariya za Mlungu wao.

Jeremia 9:2

Naaza kala nina phatu phangu pha kulazira ajeni ko jangbwani, Ningericha atu angu na kuphiya kure nao! Mana osi ni azindzi, ni kundi ra atu a handzo.

Jeremia 9:3

Akaphinda malilimi gao dza uha, kpwa kpweli handzo rikaodzaza yo tsi mana anaenderera kuhenda uyi huno na hura, nao taanimanya, mimi Mwenyezi Mlungu nkaamba.

Jeremia 9:5

Chila mutu anachenga jiraniwe, taphana agombaye kpweli, akafundza malilimi gao kugomba handzo, anahenda uyi chiasi cha kushindwa kutubu.

Ezekieli 16:30

“ ‘Mwenyezi Mlungu anaamba: Nyo moyoo ni mui chiasi gani hata uhende mambo gosi higa, avi umalaya asiye na haya?

Hosea 4:1

Mwi Aiziraeli phundzani neno ra Mwenyezi Mlungu. Mwenyezi Mlungu ana malau na mwi msagalao tsi ihi mana tamuna uaminifu wala mbazi chisha tamummanya Mlungu.

Hosea 4:6

Atu angu anaangamika kpwa kukosa marifwa. Kpwa kukala mwakahala marifwa, mimi nami nkakukahalani mkale alavyadzi-sadaka angu. Kpwa sababu mwayala shariya za Mlungu wenu, nami piya nindayala ana enu.

Hosea 5:4

Mahendo gao gakaagbwira ngi hadi taaweza kumuuyira Mlungu wao. Mana yo roho ya umalaya i mwao mioyoni, nao taammanya Mwenyezi Mlungu.

Amosi 3:10

Mwenyezi Mlungu anaamba, “Taamanya kuhenda haki aho atu aikao mali mwao ngomeni arizoziphaha kpwa kuhumira fujo.”

Mika 2:1

Shaka hiro kpwa apangao kuhenda mai, anaopanga uyi mwao vitandani, ligundzu kunaphocha anagahenda kpwa sababu ana uwezo.

Mika 7:3

Aho anaujuzi wa kuhenda mai. Akulu analonda zawadi, muamuli anavoya hongo atu ario na uwezo nkuahenda aamuli aahende vira alondavyo nao osi nkupanga njama phamwenga.

Luka 16:8

“Phahi, yuya tajiri wamtogola hiye muandishi mkora kpwa vira achivyohumira achili. Sambi, hivyo ndivyo atu asiomjali Mlungu arivyo, ni erevu zaidi kushuulikiya mambo gao kuriko atu amukuluphirao Mlungu ashuulikiyavyo mambo ga Mlungu.

Johana 16:3

Nao andakuhenderani mambo higa kpwa sababu taanimanya mimi wala Baba.

Arumi 1:22

Enye adzikarya kala ni alachu, ela akala azuzu.

Arumi 1:28

Tsona, atu hinyo arema ilimu ya kpweli kuhusu Mlungu, ndipho naye Mlungu achiaricha alunge maazo gao mai. Nao achihenda mambo ambago tagafwaha kuhendwa.

Arumi 16:19

Nina raha sana mana chila mutu anamanya kala mu afuasi a Jesu a kpweli. Ela nalonda mkale na achili ya kumanya manono, na msigatsanganye na mai.

Arumi 3:11

Takuna mutu yeyesi amanyaye njira za Mlungu, wala takuna amuendzaye.

1 Akorintho 14:20

Enehu, msiririkane mambo chanache. Maazo genu nagakale dza ga atu azima, ela kuhusu kuhenda mai, kalani dza ana atsanga.

Kumbukumbu 32:28

Iziraeli ni taifa ambaro tarina ikima, atue taaelewa mambo.

Kumbukumbu 32:6

Mwi atu apumbavu na msio achili, munawezadze kumripha hivyo Mwenyezi Mlungu? Dze, ye siye sowe yenu ariyekuumbani, ariyekutengezani na kukuimarishani?