Jeremia 31:12 - Digo Bible

¹² Andakpwedza aimbe na raka ra dzulu pho mwango wa Sayuni, andahererwa kpwa sababu ya unono wa Mwenyezi Mlungu, kpwa mtsere, uchi na mafuha niaphago, na kpwa mangʼondzi na ngʼombe piya. Maisha gao gandakala dza minda iriyo na chinemi, nao taandakala na sonono tsona.

Jeremia 31:12 Iomraidhean Croise

Zaburi 130:4

Ela kpwako kuna msamaha ili huphahe kukuogopha.

Isaya 1:30

Mana mundakala dza muhi wa mwaloni ukutao makodza, na dza munda usio na madzi.

Isaya 35:10

Atu ambao Mwenyezi Mlungu waativya andauyiza salama kula tsi za kure arikoatsamiza kpwa lazima andauya na kuinjira Sayuni kuno anaimba kpwa raha isiyosika. Andakala na raha siku zao zosi wala taphana ndiyekala na sababu ya kusononeka wala kuula.

Isaya 51:11

Aho ariokombolwa ni Mwenyezi Mlungu andauya. Andainjira Sayuni kuno anaimba, kuhererwa kundakala chiremba mwao vitswani ta kare na kare, andahererwa sana na taandasononeka wala kuula.

Isaya 52:8

Phundzani, arindzi enu andapiga kululu, andaimba phamwenga kpwa kuhererwa. Mana andaona na matso gao enye, Mwenyezi Mlungu ndiphouya Sayuni.

Isaya 58:11

Naye Mwenyezi Mlungu andakulongoza siku zosi, na kutosheleza mahitaji kahi ya tsi kavu, na kuitiya nguvu mifuphayo, nawe undakala dza munda wenye madzi, na dza chisima sichouma madzi.

Isaya 60:20

Dzuwaro tarindatswa tsona, na mwezio taundakosa kungʼala, mana Mwenyezi Mlungu mwenye andakala mwangao hata kare na kare, na sikuzo za kusononeka zindasira.

Isaya 65:19

Jerusalemu indanifwahira, na ndahamirwa ni atu angu. Atu angu taandasononeka na kurira tsona.

Jeremia 3:14

Uyani mwi anache msio aaminifu, mimi Mwenyezi Mlungu nkaamba, mana mimi ni Bwana wenu. Nindakuhalani, mmwenga kula kahi mudzi mmwenga na airi kula kahi ya mryango mmwenga nikureheni mudzi wa Sayuni.

Jeremia 31:24

“Atu andaishi phamwenga ko Juda na vidzidzi vyosi — akurima na nyo anyendekao hiku na hiku na mifugo yao.

Jeremia 31:25

Mana ndamuoyeza iye ambaye moyowe ukaremwa na kuamvunisa achiogbwa na mtsare.

Jeremia 31:4

Nindakudzenga tsona uwe Iziraeli, nawe undakalato, uwe mwanamwali Iziraeli! Undahala tamburini uphiye ukavwine na atu ario na raha.

Jeremia 31:6

Mana siku indafika arindzi andakota kululu ko myango ya Efuraimu, aambe, ‘Unukani hukaambuke Sayuni, kpwa Mwenyezi Mlungu, Mlungu wehu.’ ”

Jeremia 31:7

Mana Mwenyezi Mlungu anaamba, “Muimbireni Jakobo na raha, rikotereni kululu ro taifa kulu kuriko gosi. Tangazani, mtogole muambe, ‘Mwenyezi Mlungu akativya atue atu asereo a Iziraeli.’

Jeremia 32:15

Mana Mwenyezi Mlungu, Mlungu wa majeshi, Mlungu wa Iziraeli anaamba: Atu andagula nyumba, minda ya mizabibu na minda yanjina kpwenye tsi ihi.’ ”

Jeremia 33:12

“ ‘Mwenyezi Mlungu, Mlungu wa majeshi anaamba hivi, “Phatu phapha ambapho ni gandzo phasipho na atu wala nyama na kpwenye midziye yosi, kundakala na marisa manono ga kutosha arisa kurisa mifugo yao.

Jeremia 33:13

Arisa andaolanga tsona mangʼondzi gao, kpwenye midzi ya myangoni, midzi ya Shefela, midzi ya Negebu, tsi ya Benjamini, vidzidzi vyozunguluka Jerusalemu na midzi ya Juda, mimi Mwenyezi Mlungu nkaamba.”

Ezekieli 17:23

Nindachiphanda dzulu ya mwango mure ko Iziraeli, nacho chindakula chihende panda na chivyale matunda chikale muerezi mkpwulu. Nyama a mapha andadzenga nyumba dzuluze na kuphaha mwatu mwa kusagala phenye vivuri-vuri vya pandaze.

Ezekieli 20:40

Mana kahi za mwango wangu mtakatifu, mwango mure wa Iziraeli, Mwenyezi Mlungu anaamba, ndiko ambako atu osi a Iziraeli andanihumikira kahi za yo tsi. Kuko nindaakubali na kuzikubali sadaka zao na malumbuko gao, phamwenga na vitu vyao vyosi vitakatifu.

Ezekieli 34:14

Nindazirisa mjina mnono kpwenye virere vya myango ya Iziraeli, hiko ndiko ndikokala kpwatu kpwa kurisa. Kuko gandasagala seemu nono na kurisa mjina mnono dzulu ya myango ya Iziraeli.

Ezekieli 36:30

Nindahenda matunda ga mihini na mavuno ga mindani gakale manji, ili msiphahe waibu kahi za mataifa kpwa sababu ya ndzala.

Hosea 3:5

Badaye Aiziraeli andauya na kumuendza Mwenyezi Mlungu, Mlungu wao na mfalume wao wa chivyazi cha Daudi. Andakpwedza kpwa Mwenyezi Mlungu kpwa kuogopha na kulunga unonowe hipho siku za mwisho.

Joeli 3:18

Wakati hinyo kundakala na uchi munji wa zabibu hiko dzulu myangoni, na ko vidzangoni kundakala na maziya manji, chila chidzuho kpwenye tsi ya Juda chindajera madzi. Himo nyumbani mwa Mwenyezi Mlungu mundaomboka pula za madzi na madzige gandajera Dete ra Shitimu.

Hagai 2:19

Kama mmanyavyo himo chitsagani tamuna mbeyu na mizabibu, mikuyu, mikomamanga na mizaituni taidzangbwevyala matunda. Ela kula rero nindakujaliyani.”

Zakariya 8:12

‘Mana atu andaphanda kpwa amani, mizabibu indavyala matundage, tsi indalavya mavuno na mlunguni kundalavya manena. Nindaapha atu aha ariosala vitu hivi vyosi vikale vyao.

Johana 16:22

Phahi hata mwimwi hivi sambi munasononeka. Ela nindakuonani tsona na mundakala na raha, wala takuna mutu ndiyekuusirani iyo raha.

Arumi 2:4

Mlungu ni mnono mana anakuonera mbazi nyinji, kakutiya adabu mara mwenga ela anakuvumirira ili utubu dambizo. Haya sambi mbona unamphurya?

Maono 21:4

Andafuta matsozi gao gosi. Wakati hinyo atu taandafwa wala kusononeka. Takundakala na chiriro wala kulumwa, mana zo hali za kare zindakala zatsupa.”

Maono 7:17

Mana Mwana ngʼondzi phara kahi-kahi ya chihi cha chifalume andakala mrisa wao. Andaalongoza osi kuphiya kuriko na pula za madzi ga uzima. Naye Mlungu andaaphangusa matsozi gao.”