Jeremia 3:22 - Digo Bible

²² “Uyani mwi ana msioaminika, mino ndakuphozani kusaamini kpwenu.” “Mwimwi munaamba, ‘Lola, hundakuuyira mana uwe ndiwe Mwenyezi Mlungu, Mlungu wehu.

Jeremia 3:22 Iomraidhean Croise

Wira wa Selemani 1:4

Nigbwira mkpwono huhende wangbwi! Mfalume akaniphirika kpwakpwe chumbani. Hunahererwa kpwa ajili yenu huna raha kpwa sababuyo ee, mfalume kpwa kpweli mendzwayo i mtswano kutsupa uchi wa zabibu. Ni sawa asichana kukumendza.

Isaya 1:2

Phundzani ko mlunguni na musikire ko duniani! Mana Mwenyezi Mlungu akagomba: “Náarera anangu hadi achikula ela akaniasi taalonda kuniphundza.

Isaya 27:8

Mwenyezi Mlungu waatiya adabu chidide ariphoatsamiza kpwa lazima, avi anavyokukuswa ni phuto ra mlairo wa dzuwa.

Isaya 31:6

“Mwi atu a Iziraeli, muuyireni iye mriyemuasi.

Isaya 57:17

Kpwa sababu ya tamaa zao mbii, nátsukirwa nchiapiga, na kpwa sababu ya tsukizi nchiricha kualola, ela achienderera kuhenda mioyo yao irivyolonda.

Jeremia 3:12

Phiya uphande wa vurini ukatangaze uambe, ‘Uya we Iziraeli usiye muaminifu, sindakutsukirirwa tsona mana mimi ni mwenye mbazi, mimi Mwenyezi Mlungu nkaamba. Sindatsukirwa ta kare na kare.

Jeremia 30:17

Mana ndakuhenda ukale mzima tsona na ndaphoza virondavyo, mimi Mwenyezi Mlungu nkaamba. Mana akakuiha chijego: ‘Sayuni, mudzi usio na aroromi!’ ”

Jeremia 31:18

Nkasikira Efuraimu anaula kuno anaamba, “Ukanitiya adabu dza mwana ndzau ambaye kadzangbwefundzwa kurima; nirekebisha niuye dza vyo kare, mana uwe u Mwenyezi Mlungu, Mlungu wangu.

Jeremia 33:6

Ela ndauphoza na niuhende ukaleto tsona, nindaaphoza atu angu na niahende ahamirwe kpwa kuongokerwa kunji na usalama.

Jeremia 4:1

Mwenyezi Mlungu anaamba, “Kala nkuuya mwi Iziraeli, niuyirani Mchiusa milungu yenu ya kutsukiza mbere zangu, na kuyeya.

Ezekieli 18:30

“Kpwa hivyo nindakuamulani mwi atu a Iziraeli, chila mmwenga kpwa mahendoge, Mwenyezi Mlungu anaamba. Tubuni na mriche makosa genu gosi sedze gakakuangamizani.

Ezekieli 33:11

Aambire, ‘Kpwa kpweli dza niishivyo Mwenyezi Mlungu anaamba, sifwahirwa ni chifo cha mutu mui, ela ninahamirwa ni iye agalukaye, akaricha njiraze mbii na akale moyo. Richani njira zenu, richani! Kpwa utu wani mufwe mwi atu a Iziraeli?’

Hosea 13:4

Mimi, ndimi Mwenyezi Mlungu, Mlungu wenu nriyekutuluzani kula tsi ya Misiri. Msikale na mlungu wanjina isiphokala mimi, mana taphana muokoli wanjina isiphokala mimi.

Hosea 14:1

Mwimwi Aiziraeli, muuyireni Mwenyezi Mlungu, Mlungu wenu, kpwa kukala dambi zenu ndizo chizokuhendani mugbwe.

Hosea 14:4

Mwenyezi Mlungu anaamba, “Nindaaphoza ko kukosa kpwao uaminifu, nindaamendza bila aho kunihendera utu. Mana sindaatsukirirwa tsona.

Hosea 14:5

Mimi nindakala dza manena kpwa Aiziraeli. Aho andabumula dza maruwa, mizi yao indagota dza mierezi ya Lebanoni.

Hosea 14:8

Mwimwi atu a Efuraimu, msikale na vizuka tsona, nindajibu mavoyo genu na nkumanyirireni. Mimi ni dza muhi wenye makodza maitsi, mimi ndiye ninayekuhendani muvyale matunda.”

Hosea 3:5

Badaye Aiziraeli andauya na kumuendza Mwenyezi Mlungu, Mlungu wao na mfalume wao wa chivyazi cha Daudi. Andakpwedza kpwa Mwenyezi Mlungu kpwa kuogopha na kulunga unonowe hipho siku za mwisho.

Joeli 2:12

Ela hata vivi, Mwenyezi Mlungu anaamba, “Uyani kpwangu na mioyo yenu yosi, fungani, mrire na kusononeka.”

Zakariya 13:9

Yo seemu mwenga ya tahu ya atu ndiorichwa moyo, nindaatiya mohoni niatsuse dza viratu mutu atsusavyo feza na moho, nindaajeza dza viratu zahabu ijezwavyo. Aho andanivoya, nami nindaajibu mavoyo gao. Mimi nindaamba, ‘Aho ni atu angu,’ nao andaamba, ‘Mwenyezi Mlungu ni Mlungu wehu.’ ”