Jeremia 29:14 - Digo Bible

¹⁴ Mundaniona, nami nindakutuluzani kula utumwani nikuuyizeni. Nindakukusanyani kula kahi za mataifa nrikokala nkakutsamizani kpwa lazima, mimi Mwenyezi Mlungu nkaamba.’ ”

Jeremia 29:14 Iomraidhean Croise

1 Nyakati 28:9

Daudi waenderera kugomba achiamba, “Uwe mwanangu Selemani, manya Mlungu wa sowe, umuhumikire na moyoo wosi na ummendze kpwa achilizo zosi. Mana Mwenyezi Mlungu anaelewa mioyo yosi na anamanya mipango yosi na maazo gosi. Uchimuendza andakujibu, ela uchimpaza andakupuza hata kare na kare.

Zaburi 126:1

Mwenyezi Mlungu ariphoauyiza Sayuni atu ariokala akahalwa mateka, hwaona avi hunaloha.

Zaburi 126:4

Huuyizire kuongokerwa kpwehu, ee Mwenyezi Mlungu, dza mvula itiyavyo madzi madete makavu ga Negebu.

Zaburi 32:6

Kpwa hivyo chila ariye muaminifu naakuvoye wakati unaphahikana, tabu ziunukapho dza mafuriko, tazindamfikira.

Zaburi 46:1

Mlungu ndiye chimbiriro rehu na nguvu, chila wakati a tayari kuhuterya wakati wa tabu.

Isaya 14:1

Mwenyezi Mlungu andaaonera mbazi atu a chivyazi cha Jakobo na aatsambule tsona akale atue. Andaauyiza edze asagale kpwenye tsi yao na ajeni andakpwedza agbwirane nao asagale phamwenga.

Isaya 43:5

Usiogophe, mana mimi ni phamwenga nawe, nindareha atu a chivyazicho kula mlairo wa dzuwa, na niakusanye kula mtswerero wa dzuwa.

Isaya 43:6

Ndauambira uphande wa vurini, ‘Atuluze,’ na uphande wa mwakani nindauamba, ‘Usiazuwiye bii.’ Arehe anangu alume kula kure, na anangu achetu kula pembe za dunia,

Isaya 45:19

Sigombere chisiri-siri wala kpwenye tsi ya jiza, nisingeambira chivyazi cha Jakobo, aniendze kalapho siphahikana. Mimi Mwenyezi Mlungu nagomba kpweli, ninagomba mambo ga haki.

Isaya 55:6

Muendzeni Mwenyezi Mlungu, wakati achere phahikana, muiheni wakati achere phephi.

Jeremia 12:15

Na hata bada ya kuausa, nindaaonera mbazi tsona, na kuareha kpwenye tsi yao chila mmwenga kpwenye seemuye.

Jeremia 3:14

Uyani mwi anache msio aaminifu, mimi Mwenyezi Mlungu nkaamba, mana mimi ni Bwana wenu. Nindakuhalani, mmwenga kula kahi mudzi mmwenga na airi kula kahi ya mryango mmwenga nikureheni mudzi wa Sayuni.

Jeremia 30:10

Phahi Mwenyezi Mlungu anaamba, “Usiogophe uwe Jakobo mtumishi wangu, wala usiangaike, uwe Iziraeli; mana ndakutivya uwe na chivyazicho, kula tsi za kure mrikophirikpwa mkakale mateka. Jakobo andakala na amani na urindzi tsona, na takuna ndiyemtishira.

Jeremia 30:18

Mana Mwenyezi Mlungu anaamba, “Lola, nindauyiza atu a chivyazi cha Jakobo kpwenye tsi yao na niaonere mbazi mwao makaloni. Mudzi hinyo undadzengbwa dzulu ya ro gandzo, na ro dzumba ra chifalume rindadzengbwa pho ririphokala.

Jeremia 30:3

Mana wakati uredza ambapho mimi Mwenyezi Mlungu ndatuluza atu angu a Iziraeli na a Juda kula ko arikotsamizwa kpwa lazima na niauyize kpwenye tsi niriyoaapira ise zao kukala nindaapha ikale yao.”

Jeremia 31:16

Mwenyezi Mlungu anaamba, “Dzizuwiye usirire na usimwagikpwe ni matsozi; mana kaziyo indatuzwa, anao andauya kula yo tsi ya maadui. Mimi Mwenyezi Mlungu nkaamba.

Jeremia 31:17

Kuna kuluphiro siku zedzazo, mimi Mwenyezi Mlungu nkaamba, na anao andauya kpwenye tsi yao yenye.”

Jeremia 31:23

Mwenyezi Mlungu, Mlungu wa majeshi, Mlungu wa Iziraeli anaamba, “Ndiphoauyiza kula ko arikotsamizwa kpwa lazima, atu ko Juda na vidzidzivye andaamba hivi tsona, ‘Mwenyezi Mlungu naakujaliye, uwe uriye makalo enye haki, uwe mwango mtakatifu!’

Jeremia 51:10

Mwenyezi Mlungu akailavya haki yehu, ndzoni huseme ko Sayuni vyo Mwenyezi Mlungu, Mlungu wehu achivyohenda.

Jeremia 8:3

Kokosi ndikotsamula atu ndiosala a taifa riri dzii, andaaza kufwa kuriko kuishi, mimi Mwenyezi Mlungu, Mlungu wa majeshi anaamba.

Ezekieli 37:21

Chisha uaambire, ‘Mwenyezi Mlungu anaamba hivi: Nami ni phephi na kureha atu a Iziraeli kula mataifa ganjina arigophiya, nami ndaakusanya kula chila phatu na niauyize kpwenye tsi yao enye.

Ezekieli 39:25

“Kpwa hivyo Mwenyezi Mlungu anaamba hivi: Vivi ndamuuyizira Jakobo kuongokerwakpwe na nionere mbazi atu osi a Iziraeli, nami ndarionera wivu dzina rangu takatifu.

Amosi 9:14

Nindaauyiza atu angu Iziraeli nao andadzenga luphya magandzo ga midzi yao asagale. Andaphanda minda ya mizabibu na kunwa uchiwe, andaphanda minda na arye mavunoge.

Mika 4:12

Ela taamanya maazo ga Mwenyezi Mlungu taaelewa mipangoye, kukala akaakusanya dza masuche hipho muhala wa kuwagira.

Zefania 3:20

Mwenyezi Mlungu anaamba, ‘Wakati hinyo ndakukusanyani phamwenga nkuuyizeni kpwenu kaya. Kpwa kpweli ndakuhendani mmanyikane na mphahe nguma kahi za atu a dunia ndzima wakati ndiphokuuyizirani hali nono mriyokala nayo hipho mwandzo kuno munalola.’ ”

Arumi 10:20

Tsona nabii Isaya anagomba chilume maneno ga Mlungu gaambago, “Atu ambao taayaniendza, ndio arioniona. Nádzimanyisa kpwa atu ambao kala taaniuzira.”

Kumbukumbu 30:1

Musa achienderera kugomba achiamba, “Vivi nkakuikirani baraka na lana mtsambule. Wakati mambo higa gosi gakakuphahani namwi munasagala kahi ya mataifa ganjina ambako Mwenyezi Mlungu, Mlungu wenu akakutsamulani, tambukirani malagizo higa.

Kumbukumbu 30:3

hipho ndipho Mwenyezi Mlungu, Mlungu wenu, ndiphokuuyizirani kuongokerwa kpwenu. Iye andakuonerani mbazi na akukusanyeni tsona kula kahi za mataifa ambako akakutsamulani.

Kumbukumbu 30:5

Halafu Mwenyezi Mlungu, Mlungu wenu andakurehani tsona kpwenye tsi iriyokala ya akare enu ili muimiliki. Naye andakuhendani muongokerwe na mkale anji kuriko akare enu.

Kumbukumbu 4:7

“Taphana taifa rorosi hata rikale kulu namuna yani, ambaro mlunguwe a phephi naro, dza vira Mwenyezi Mlungu, Mlungu wehu, arivyo phephi naswi hunaphovoya kpwa kuhadza dzinare.